Astanada 18 jastaǵy boıjetken jazýshy Beıimbet Maılınniń eskertkishinde fotosessııa jasaǵannan keıin jaýapkershilikke tartyldy. Is materıaldary sotqa joldandy, dep habarlaıdy Egemen.kz.
Vıdeo jarııalanǵannan keıin polıseıler boıjetkenniń jeke basyn anyqtady. Ol Astana qalasynyń 18 jastaǵy turǵyny bolyp shyqty. Qyz «Baıqońyr» aýdandyq polısııa basqarmasyna jetkizildi.
Ol usaq buzaqylyq faktisi boıynsha jaýapkershilikke tartyldy.
Sondaı-aq quqyq qorǵaý organdary eskertkishter men mádenı mura nysandaryna qatysty mundaı áreketterge jol berilmeıtinin eskertti. Vedomstvo ókilderi eskertkishterdi qasaqana búldirý vandalızm retinde baǵalanyp, qylmystyq jaýapkershilikke ákelýi múmkin ekenin atap ótti.
Aıta keteıik, Memleket basshysy Mańǵystaý oblysynyń Ybyqty saı shatqalynda bolǵan oqıǵa boıynsha tıisti ókiletti organdar qatań quqyqtyq qorytyndy shyǵarýy kerek ekenin aıtty.