Iri ushaqtarǵa qyzmet kórsetedi

Sondaı-aq ol elimizdiń avıasııa salasyn damytýdaǵy mańyzdy jobalardyń biri sanalady. Jobanyń júzege asýyna Prezıdent Qasym-Jomart Toqaevtyń AQSh-qa jasaǵan resmı sapary barysynda qol jetkizilgen kelisimder túrtki boldy. Atalǵan sapar aıasynda «Boeing» korporasııasy men «SCAT Airlines» áýe kompanııasy arasyndaǵy iskerlik yntymaqtastyq máseleleri qaralyp, sonyń ishinde Shymkentte ushaqtarǵa tehnıkalyq qyzmet kórsetetin ári jóndeıtin ortalyq salý múmkindigi talqylanǵan bolatyn.

Qala ákimi Ǵabıt Syzdyqbekov jańa nysannyń iske qosylýy nátıjesinde Shymkenttiń avıasııalyq habqa aınalatynyn, sondaı-aq áýe kemelerine qyzmet kórsetý barysynda ınnovasııalyq tehnologııalar qoldanylyp, jańa jumys oryndarynyń ashylatynyn atap ótti.

– О́zderińizge belgili, Mem­leket basshysy Qasym-Jomart Toqaev bıyl Amerıka Qurama Shtat­taryna jumys saparymen baryp, sol eldiń jetekshi kom­panııalarynyń basshylarymen, onyń ishinde transulttyq «Boeing» korporasııasynyń ókilderimen birqatar kezdesý ótkizdi. So­nyń aıasynda otandyq áýe tasy­mal­daýshylarynyń servıstik jáne logıstıkalyq qyzmetterin jetildirýge baǵyttalǵan mańyzdy jobalar qarastyryldy. Ásirese jergilikti «SCAT» áýe kompa­nııasynyń áýe parkin tolyqtyrý, tehnıkalyq qyzmet kórsetý jáne jóndeý ortalyǵyn qurý máselesine erekshe nazar aýdaryldy. Osyǵan oraı Shymkent halyqaralyq áýejaıynda atal­ǵan ortalyqtyń qurylysy bas­taldy. Aıta ketý kerek, mundaı avıa­sııalyq-tehnıkalyq qyzmet kórsetý nysany elimizde alǵash ret Shymkentte salynǵaly otyr. Bul joba arqyly elimizdiń tran­zıttik áleýeti artyp, otandyq avıasııa salasynyń básekege qabilettiligi kúsheıedi degen senim mol. Sonymen qatar bul bastama ınfraqurylymdy jańǵyrtý men strategııalyq mańyzy bar jobalardy iske asyrýdyń jarqyn úlgisi bolmaq. Keshen aýmaǵynda zamanaýı angarlar ornalasady. Onda áýe kemelerine tolyq kólemde tehnıkalyq qyzmet kór­setilip, jóndeý jumystary júr­giziledi, – dedi Ǵabıt Syzdyqbekov.

Otandyq áýe kompanııasynyń prezıdenti Vladımır Denısov­tiń aıtýynsha, jobaǵa «SCAT» je­tek­shilik etedi. Onyń negizgi maq­saty – Qazaqstanda ushaqtarǵa tehnıkalyq qyzmet kórsetýden bastap kúrdeli jóndeýge deıin­gi jumystardy qamtıtyn, son­daı-aq olardy jańǵyrtyp, tehnı­kalyq múmkindikterin arttyrýǵa múm­kindik beretin zamanaýı tolyq sıkldi ortalyq qurý.

– Búgin biz óndiristik keshen­niń irgetasyn ǵana qalap jatqan joqpyz. Sonymen qatar Qazaq­stannyń avıasııa sa­lasyndaǵy táýelsiz ári strate­gııalyq tehnı­kalyq bazasynyń negizin qalyp­tastyryp jatyrmyz. Jańa or­talyq «Boeing» ushaqtaryna tehnıkalyq qyzmet kórsetip, jóndeý jumystaryn júrgizetin biregeı keshen bolýmen qatar, aımaqtyq avıasııa naryǵynda «Scat MRO»-nyń jańa sapalyq deńgeıge kóterilýine jol ashady, – dedi V. Denısov.

Qazirgi ýaqytta keshen ala­ńynda qurylys jumystary qar­­qyndy júrgizilip jatyr. Ny­san irgetasynyń qazyǵyn qaǵý rá­simine qatysqan qala ákimi Ǵa­bıt Syzdyqbekov bul ke­shen­­niń arqasynda Shymkent­tiń avıasııalyq habqa aınalaty­nyn, servıstik jáne jóndeý ju­mystary barysynda ınno­va­sııa­lyq tehnologııalar qolda­nylyp, jańa jumys orynda­rynyń ashylatynyn taǵy da atap ótti.

– Memleket basshysynyń Amerıka Qurama Shtattaryna jasaǵan is-saparynyń nátıje­sinde elimizdiń ekonomıkasyna qa­tysty mańyzdy kelisimderge qol jetkizildi. Sonyń ishinde transulttyq «Boeing» korporasııasymen ornaǵan iskerlik baılanystardyń mańyzy zor. Osy yntymaqtastyq aıasynda «SCAT» áýe kompanııasynyń bazasynda álemge áıgili «Boeing» ushaqtaryna tehnıkalyq qyzmet kórsetetin jáne jóndeıtin aýqymdy keshen­niń qurylysy bastaldy. Mundaı avıasııalyq-tehnıkalyq qyzmet kórsetý ortalyǵy elimizde alǵash ret Shymkentte salynyp jatyr. Bul joba Qazaqstannyń tranzıttik áleýetin arttyryp, avıasııa salasynyń básekege qabilettiligin kúsheıtedi dep kútiledi. Sonymen qatar ol ınfraqurylymdyq jańǵyrtý men strategııalyq ma­ńyzy bar jobalardy iske asyrý­dyń mańyzdy kezeńi bolmaq. Keshen aýmaǵynda zamanaýı angarlar salynyp, onda áýe kemelerine tolyqqandy tehnıkalyq qyzmet kórsetilip, jóndeý jumystary júrgiziledi, – dedi qala ákimi.

Jobaǵa jaýapty maman­dardyń málimetinshe, ınjener­lik-tehnıkalyq ortalyqtyń jalpy aýmaǵy 10 gektardy qu­raıdy. Onyń 6 gektardan astam bóligine angarlar salynady. Keshen qurylysy aıasynda jo­ǵary tehnologııalyq 15 ny­san boı kótermek. Olardyń qatarynda ámbebap tehnıkalyq qyzmet kórsetý ortalyǵy, avıa­sııa­lyq shassı tirekterin jáne qozǵaltqyshtardy jóndeý sehtary, ishki jabdyqtardy jańǵyr­tý, áýe kemelerin syrlaý, elek­trondyq júıelerdi retteý bóli­deri, synaq zerthanasy men qosalqy bólshekter qoımalary bolady. Munyń barlyǵy birtutas óndiristik keshen retinde jumys isteıdi.

О́z kezeginde Qazaqstannyń Kó­lik vıse-mınıstri Tal­ǵat Lastaev áýejaı ınfraqurylymyn kezeń-kezeńimen jańǵyrtý jáne jańa strategııalyq jobalardy iske asyrý elimiz ben tutas óńir­diń tranzıttik áleýetin edáýir arttyrýǵa yqpal etetinin málimdedi. Sondaı-aq mınıstrlik ókili nysan qurylysyn 2027 jyldyń jeltoqsan aıynda aıaqtaý josparlanyp otyrǵanyn atap ótti. Onyń aıtýynsha, bul joba óńirdiń ınvestısııalyq tartymdylyǵyn arttyryp, Qazaq­stannyń avıa­sııa­lyq ın­fra­qurylymyn jańa sapalyq deńgeıge kóterýge baǵyt­talǵan.

Bul joba «SCAT» áýe kom­panııasy men «Boeing» korpo­rasııasynyń seriktestigi aıasynda júzege asyrylyp jatyr. Soǵan sáıkes aldaǵy ýaqytta Shym­kent áýejaıy ma­ńynda avıa­sııalyq tehnıkaǵa servıstik qyzmet kórsetetin jáne jóndeý jumysyn júrgizetin iri angarlyq ortalyq paıda bolady. Jalpy, bul keshendi «Boeing» áýe keme­lerine qyzmet kórsetýge arnalǵan tolyq óndiristik sıkldi zamanaýı nysan dep ataýǵa bolady. Iаǵnı bolashaqta munda «Boeing 737», «Boeing 757», «Boeing 767» jáne «Boeing 777» sekildi keń fıýzelıajdy áýe kemelerine tehnıkalyq qyzmet kórsetiledi.

Sonymen qatar keleshekte osyǵan uqsas ózge de mańyzdy jobalardy júzege asyrý jos­parlanyp otyr. Budan bólek, mınıstrlik tarapynan jańa «Boeing» áýe kemelerin satyp alý múmkindigi de qarastyrylyp jatyr.

Jalpy, ınfraqurylymdyq jańǵyrtý jobasy Memleket basshysy Qasym-Jomart Toqaevtyń Shymkent áýejaıyn mýltımodaldy hab retinde damytý jónindegi tapsyrmasy aıasynda júzege asyrylyp jatyr. Osyǵan baılanysty búgingi tańda áýejaı ınfraqurylymyn damytý jáne ony ońtústik óńirdegi iri halyqaralyq avıasııalyq-logıstıkalyq ortalyqqa aınaldyrý baǵytynda aýqymdy jumys qolǵa alynǵan.

Atap aıtqanda, mýltımo­daldy hab qalyptastyrý maqsa­tynda áýejaıdy «Ońtústik» arnaıy ekonomıkalyq aımaǵyna qosý kózdelip otyr. Osyǵan baılanysty qajetti jer telimderin memleket muqtajdyǵyna alý jumystary bas­taldy. Budan bólek, Halyqaralyq azamattyq avıasııa uıymynyń (ICAO) standarttaryna sáıkes áýejaıda III sanattaǵy jańa ushý-qoný jolaǵynyń qurylysy júrgizilip jatyr.

Jańa ushý-qoný jolaǵy áýe reısteriniń sanyn arttyrýǵa jáne kez kelgen meteorologııalyq jaǵdaıǵa qaramastan júk tasymaldaıtyn iri áýe kemelerin qabyldaýǵa múmkindik beredi. Osylaı­­sha, ınfraqurylymdyq damý jospary respýblıkanyń úshin­shi megapolısinde kezeń-keze­ńimen júzege asyrylyp jatyr. Al bul jobalardyń iske asýy­na jergilikti atqarýshy bılik aıryqsha kóńil bólip, qajetti qoldaý kórsetip jatyr. Aldaǵy ýaqytta budan da aýqymdy jobalardy júzege asyrý josparlanyp otyr. Olardy iske asyrýǵa qala ákimdigi jan-jaqty qoldaý kórsetpek.

Munymen qosa, Shymkent halyqaralyq áýejaıynda jańa termınaldyń paıdalanýǵa beri­lýi jolaýshylar tasymaly kó­le­min aıtarlyqtaı arttyrdy. Keıingi eki jylda halyqaralyq baǵyttar sany 10-nan 16-ǵa deıin, al ishki baǵyttar sany 7-den 12-ge deıin ulǵaıǵan. Sonymen birge halyqaralyq júk tasymaly baǵytynda iri áýe kompanııalarymen áriptestik baılanystar ornatylyp, nátıjesinde tranzıttik júk pen jolaýshylar aǵyny birneshe esege ósken.

Jalpy, Shymkent Orta Azııa­nyń qaqpasy sanalady. Qala Ortalyq Azııa men Qazaqstan aýmaǵyndaǵy mańyzdy kólik dálizderiniń toǵysqan tusynda ornalas­qan. Sondyqtan halyq­aralyq saýda jáne logıstıka salasynda hab rólin atqarýǵa tolyq múmkindigi bar.

Osy erekshelikti eskere otyryp, qala ákimdigi áýejaı mańynan saýda-logıstıkalyq ortalyq saldy. Qazirgi ýaqytta onyń aýmaǵy keńeıtilip, jańa qoımalar men zamanaýı óndiristik nysandar boı kóterip jatyr. Munyń bári keleshekte Shymkentti iri saýda-logıstıkalyq ortalyqtardyń bi­rine aınaldyrýǵa múmkindik beredi.

Mamandardyń pikirinshe, ın­fra­qurylymdy damytý ekono­mıkanyń ósýine tikeleı áser etedi. Kásiporyndarǵa eń aldymen ınjenerlik-kommýnıkasııalyq  júıeler qajet. Odan keıin óndi­rilgen ónimdi saqtaýǵa jáne tasymaldaýǵa arnalǵan zamanaýı qoımalar men logıstıkalyq ınfraqurylym kerek. Búginde munyń barlyǵy Shymkent qala­syn­da kezeń-kezeńimen júzege asyry­lyp jatyr.