AQSh-tyń federaldyq sýdıasy dúısenbi kúni el prezıdenti Donald Tramp joǵary bilikti sheteldik mamandarǵa arnalǵan jańa H-1B vızalaryn berý úshin engizgen 100 myń dollar kólemindegi alymynyń kúshin joıdy, dep habarlaıdy Egemen.kz.
Reuters agenttiginiń málimdeýinshe, Boston qalasyndaǵy AQSh okrýgtik sotynyń sýdıasy Leo Sorokın bul sheshimdi Demokratııalyq partııa atynan áreket etken 20 shtattyń bas prokýrorlary bergen talap-aryz negizinde shyǵardy. Olar ótken jyldyń qyrkúıeginde Tramp jarııalaǵan alymǵa qarsy shyqqan bolatyn. Bul tólem H-1B vızasyn alý qunyn kúrt ósirip, ásirese sheteldik mamandardy tartýǵa táýeldi tehnologııalyq kompanııalarǵa áser etti.
Tramp ákimshiligi bul alymdy zańdy aqshalaı aıyppul dep eseptedi. Olardyń pikirinshe, federaldyq ımmıgrasııalyq zań prezıdentke AQSh múddelerine zııan keltiredi dep sanaǵan shetel azamattarynyń belgili bir sanatynyń elge kirýin shekteýge quqyq beredi.
Alaıda sýdıa bul tólemniń shyn máninde salyq ekenin jáne ony engizýge prezıdenttiń Kongresten ruqsaty bolmaǵanyn atap ótti. Sondaı-aq AQSh Memlekettik departamenti men AQSh Azamattyq jáne ımmıgrasııalyq qyzmeti (USCIS) mundaı alymdy óz betinshe engize almaıtynyn aıtty.
Tramp jańa málimdeme jasady: Iran ıadrolyq qarýdan bas tartýy múmkin
Bul alym AQSh-ta stýdenttik vızamen júrgen shetel azamattaryna beriletin H-1B vızalaryna qoldanylmaǵan. Al mundaı azamattar jańa H-1B vızasyn alýshylardyń edáýir bóligin quraıdy.
Aq úı bul sheshimniń apellıasııalyq satyda kúshin joıatynyna senimdi.
«Prezıdent Tramptyń Amerıka múddesine saı kelmeıtin kez kelgen sheteldikter sanatynyń elge kirýin shekteýge daýsyz zańdy ókilettigi bar jáne ol osy quqyǵyn paıdalandy», dep málimdedi Aq úıdiń baspasóz hatshysy.
100 myń dollarlyq alym engizilgennen beri ony óte az jumys berýshi tólegen. 15 aqpandaǵy málimet boıynsha, USCIS bar bolǵany 85 tólem qabyldaǵan.
Tramp Izraıl men «Hezbolla» atysty toqtatýǵa keliskenin málimdedi