Túnde Almaty zoobaǵy aýmaǵynda órt shyqty. Bul týraly qalalyq tótenshe jaǵdaılar departamenti habarlady, dep jazady Egemen.kz.
TJD málimetinshe, zoobaq ishindegi jalǵa alýshyǵa tıesili fotosalon býtıgi men janynda ornalasqan serýendeýge arnalǵan ekskýrsııalyq elektrmobılder otqa oranǵan. О́rt sóndirýshiler 25 sharshy metr aýmaqtaǵy órtti tolyq sóndirdi.
Haıýanattar baǵynyń baspasóz qyzmeti zoobaqtyń múlkine zııan kelmegenin habarlady. Qyzmetkerler men janýarlar arasynda zardap shekkender joq.
Aıta keteıik, elordada eki sharýashylyq qurylysy órtendi.
Buǵan deıin Almaty oblysynda er adam ıtti órtep jibergeni týraly habarladyq. Atalǵan derek boıynsha polısııa sotqa deıingi tergeýdi bastady.