Qazaqstanda týrızm salasynyń tabysy 5 trln teńgege jetti. Qazirgi ýaqytta bul salada 600 myńnan astam adam eńbek etedi. Bul týraly Úkimet otyrysynda Týrızm jáne sport mınıstri Erbol Myrzabosynov málimdedi, dep habarlaıdy Egemen.kz.
Mınıstrdiń aıtýynsha, sheteldik týrısterdiń Qazaqstan aýmaǵynda jumsaǵan shyǵyndary 2,9 mlrd dollardy quraǵan. Sonymen qatar týrızm salasyna tartylǵan ınvestısııalar kólemi ótken jylmen salystyrǵanda 33 paıyzǵa artyp, 1,3 trln teńgege jetken. Salyq túsimderi de 18 paıyzǵa ósip, 630 mlrd teńgeni qurady.
«Salany odan ári damytý maqsatynda osy jyldyń naýryz aıynda zańnamalyq túzetýler qabyldandy. Atap aıtqanda, týrıstik avtobýstar úshin «jasyl dáliz» tetigi engizilip jatyr. Sondaı-aq vızıt-ortalyqtardyń mártebesi zań júzinde bekitilip, olardyń qyzmetine qoıylatyn talaptar aıqyndaldy. Týrıstik qyzmetterdiń sapasyn arttyrý maqsatynda gıdterdiń, ekskýrsovodtardyń jáne týrızm nusqaýshylarynyń qyzmetin júzege asyrý qaǵıdalary bekitiledi», dep atap ótti Erbol Myrzabosynov.
Almatyǵa «Almaty Superski» jobasy ne úshin kerek?
Jańartylǵan zańnamada balalar týrızmi men ekologııalyq demalysty damytýǵa erekshe nazar aýdarylǵan. Endi 18 jasqa deıingi balalar ulttyq parkter aýmaǵyna tegin kire alady.
Eske sala keteıik, buǵan deıin Almatyda «Almaty Superski» taý shańǵysy kýrortyn salý boıynsha qoǵamdyq tyńdalym ótti. Talqylaý barysynda qoldaý tapqan jobany 2028 jyly jeltoqsanda iske qosý josparlanǵan.