2026 jyldyń qańtar − mamyr aılary aralyǵynda Qazaqstan boıynsha aqyly qyzmetterdiń baǵasy orta eseppen 10 paıyzǵa ósti. Bul rette Astana qyzmet kórsetý salasyndaǵy ınflıasııa deńgeıi eń tómen óńir retinde tirkeldi, dep habarlaıdy Egemen.kz.
Statıstıkalyq málimetterge sáıkes, elordada qyzmetter quny 7,5 paıyzǵa qymbattaǵan. Almatyda bul kórsetkish 9,2 paıyzdy, al Shymkentte 9,5 paıyzdy qurady.
Qyzmet kórsetý baǵasynyń eń joǵary 15,9 paıyz ósim Soltústik Qazaqstan oblysynda baıqaldy. Odan keıin Atyraý oblysy (14,9%) men Túrkistan oblysy (13,1% paıyz) tur. Almaty (12,4%) men Pavlodar oblystary da (12%) osy qatardan tabylyp otyr.
Al eń tómen ósim baıqalǵan óńirler qatarynda Astana (7,5%), Mańǵystaý oblysy (8,3%), Aqmola oblysy (8,5%), Shyǵys Qazaqstan oblysy (9%) men Almaty qalasy 9,2% bar.
Inflıasııa baıaýlady: Qazaqstanda ótken jylmen salystyrǵanda ne arzandady?
Sarapshylardyń aıtýynsha, qyzmet kórsetý salasyndaǵy baǵa ózgerisi óńirlerdiń ekonomıkalyq erekshelikterine, eńbek naryǵyna, halyq tabysy men básekelestik deńgeıine tikeleı baılanysty. Sondyqtan ár aımaqtaǵy ınflıasııa qarqyny ártúrli qalyptasady.
Eske sala keteıik, buǵan deıin Ulttyq ekonomıkalyq zertteýler bıýrosy 2026 jyldyń jeltoqsanyna qaraı jyldyq ınflıasııa 10,4%-ǵa deıin tómendeýi múmkin ekendigin málimdegen bolatyn.