Qazaqstanda shetel azamattaryna arnalǵan kóshi-qon qyzmetterin sıfrlandyrý jumystary jalǵasyp jatyr. Endi olar jeke sáıkestendirý nómirin (JSN) jáne basqa da memlekettik qyzmetterdi jańa mobıldi qosymsha arqyly ala alady, dep habarlaıdy Egemen.kz.
Bul týraly Úkimet otyrysynda Ishki ister mınıstri Erjan Sádenov málimdedi.
Qazir elimizdiń áýejaılary men iri ótkizý beketterinde sheteldikterge QR-kody bar týrıstik kartalar taratylyp jatyr. Onda Qazaqstanda bolý erejeleri, tótenshe jaǵdaı qyzmetteri men uıaly baılanys operatorlary týraly mańyzdy aqparat qamtylǵan.
О́tken jyly shamamen 80 myń sheteldik Qazaqstanǵa em alý úshin kelgen
Kóshi-qon prosesterin odan ári sıfrlandyrý maqsatynda QazETA mobıldi qosymshasy ázirlenip jatyr. Jańa servıs arqyly shetel azamattary birqatar memlekettik qyzmetti onlaın formatta paıdalanyp, sonyń ishinde JSN rásimdeı alady.
Mınıstrdiń aıtýynsha, jańa sıfrlyq qyzmetterdi iske qosý úshin qajetti zańnamalyq túzetýler paketi qazir Senatta qaralyp jatyr.
Eske salaıyq, 2026 jylǵy 1 qańtardan bastap Qazaqstannyń elshilikteri, konsýldyqtary jáne sheteldegi basqa da mekemeler shetel azamattaryna JSN berýdi toqtatqan bolatyn.
Qazaqstanda sheteldikterge JSN berý ýaqytsha toqtatylady
Aıta keteıik, QazETA – sheteldikterge kóshi-qon jáne oǵan qatysty qyzmetterdi yńǵaıly, ashyq ári qaýipsiz túrde usynýǵa arnalǵan «bir tereze» qaǵıdaty boıynsha qurylǵan memlekettik sıfrlyq platforma.