Jetisý oblysynda qyzdy uzaq ýaqyt boıy ańdyp, mazalaǵan azamatqa qatysty sot úkimi shyqty, dep habarlaıdy Egemen.kz.
Tergeý málimetinshe, Alakól aýdanynyń turǵyny birneshe aı boıy qyzdy ańdyp, sezimin bildirip qyr sońynan qalmaǵan. Boıjetkenniń qarsylyǵyna qaramastan áleýmettik jeliler arqyly mazalap, turmysqa shyǵýǵa usynys jasaǵan. Sot deregine sáıkes, mundaı áreketter jábirlenýshiniń boıynda qorqynysh pen alańdaýshylyq týdyrǵan.
Keıin jaǵdaı ýshyǵyp, er adam dúkenderdiń birinde qyzǵa til tıgizgen. Oqıǵaǵa kýá bolǵan azamat qyzǵa arasha túsken sátte ony pyshaqpen qorqytqan. Kóp uzamaı ony polısııa qyzmetkerleri ustady.
«Keshendi psıhıatrııalyq saraptamanyń qorytyndysyna sáıkes, aıyptalýshy «Paranoıdty shızofrenııa» dıagnozymen psıhıkalyq aýrýǵa shaldyqqan. Sarapshylar onyń qoǵamdyq qaýipti is-áreketterdi jasaǵan kezde óz áreketteriniń naqty sıpaty men qoǵamdyq qaýiptiligin uǵyna almaǵanyn jáne olardy basqara almaǵanyn anyqtaǵan», delingen sot habarlamasynda.
Nátıjesinde Alakól aýdandyq soty ony qylmystyq jaýapkershilikten bosatyp, jalpy úlgidegi psıhıatrııalyq stasıonarǵa májbúrli emdeýge jiberý týraly sheshim qabyldady.
Terezeden syǵalap, mazasyn alǵan: Atyraý oblysynda stalkıng týraly jańa bap negizinde úkim shyqty
Eske sala keteıik, elimizde stalkıng úshin 200 AEK-ke deıin (865 myń teńge) aıyppul qarastyrylǵan. Buǵan deıin Ishki ister mınıstriniń orynbasary Sanjar Ádilov qaıtalanǵan stalkıngtik áreketter úshin bas bostandyǵynan aıyrý jazasy engiziletinin málimdedi.