Mańǵystaý oblysynda sot áleýmettik jelilerde jalǵan aqparat taratty dep aıyptalǵan áıeldi ákimshilik jaýapkershilikke tartyp, oǵan 778,5 myń teńge kóleminde aıyppul saldy, dep habarlaıdy Egemen.kz.
Aqtaý qalasynyń mamandandyrylǵan ákimshilik quqyq buzýshylyqtar jónindegi sotynyń málimetinshe, bıyl mamyr aıynda áleýmettik jelilerge júrgizilgen monıtorıng barysynda azamatsha R.-nyń Facebook, Instagram paraqshalarynda jáne WhatsApp chatynda Sh.Esenov atyndaǵy Kaspıı tehnologııalar jáne ınjınırıng ýnıversıteti oqytýshylaryna qatysty jazbalar jarııalaǵany anyqtalǵan.
Sottyń paıymdaýynsha, atalǵan jarııalanymdarda ustazdardyń ar-namysy, qadir-qasıeti men iskerlik bedeline nuqsan keltiretin jalǵan málimetter taratylǵan.
Germanııada kanslerdi áleýmettik jelide qorlaǵandarǵa aıyppul salyndy
Nátıjesinde azamatsha Ákimshilik quqyq buzýshylyq týraly kodekstiń 73-3-baby 2-bóligi boıynsha kináli dep tanylyp, oǵan 180 aılyq eseptik kórsetkish kóleminde, ıaǵnı 778,5 myń teńge aıyppul salynǵan.
Alaıda sot otyrysynda áıel ózine taǵylǵan aıyppen kelispeıtinin aıtyp, kinásin moıyndamaǵan. Al ýnıversıtet ókili ony ákimshilik jaýapkershilikke tartýdy suraǵan.
Atalǵan bapqa sáıkes, telekommýnıkasııa jelileri nemese buqaralyq aqparat quraldary arqyly jala japqany úshin jeke tulǵalarǵa 180 AEK kóleminde aıyppul salý nemese 20 táýlikke deıin ákimshilik qamaýǵa alý jazasy qarastyrylǵan.
Almatyda sahnada balaǵat sóz aıtqan ánshige aıyppul salyndy
Sot qaýlysy ázirge zańdy kúshine engen joq.