Memleket basshysynyń tapsyrmasy boıynsha Qazaqstanda azamattardyń ómir súrý sapasyn arttyrý, adamı kapıtaldy damytý jáne áleýmettik turaqtylyqty nyǵaıtý jónindegi sharalar iske asyrylyp jatyr. Jumyskerlerdiń kásibı damýyna, otbasylardy qoldaýǵa jáne óńirlerdiń turaqty damýyna jaǵdaı jasaı otyryp, bul mindetterdi sheshýge elimizdiń iri jumys berýshileri eleýli úles qosyp otyr.
Osyndaı jumys berýshilerdiń biri − «Qazaqstan temir joly» UK» AQ. Ulttyq kompanııanyń áleýmettik saıasaty ardagerler men jastardy qoldaýdan bastap temirjolshylar turatyn jáne jumys isteıtin eldi mekenderde áleýmettik ınfraqurylymdy damytýǵa deıingi baǵyttardyń keń aýqymyn qamtıdy.
О́ńirlerde ómir súrý úshin qolaıly jaǵdaı jasaýǵa erekshe kóńil bólinedi. Sonymen, Wabtec kompanııasymen birlesip Sekseýil men Shalqarda shyǵarmashylyq ortalyq pen óner mektebin salý boıynsha jobalar iske asyrylyp jatyr. Jarkentte Altynkól – Jetigen temir jol ýchaskesin jańǵyrtý aıasynda «Qazaqstan temir joly» UK» AQ oblys ákimdigimen birlesip jáne «Temirjol jóndeý» JShS kómegimen salǵan 140 oryndyq balabaqsha ashyldy. Bul nysandar jumysshylar men otbasylarynyń ómir súrý sapasyn jaqsartyp qana qoımaı, eldi mekenderdiń áleýmettik ınfraqurylymyn damytýǵa yqpal etedi.
Sala ardagerlerin qoldaý mańyzdy baǵyt bolyp qala beredi. Kompanııa 45 myńnan astam zeınetkerge medısınalyq kómek, sanatorly-kýrorttyq emdeý jáne mereıtoılyq tólemderdi qosqanda áleýmettik qoldaý kórsetip keledi. QTJ ardagerler keńesi men Ardagerlerdiń konsýltatıvtik keńesi arqyly urpaqtar baılanysy saqtalyp otyr, al ardagerlerdiń kásibı tájirıbesi jas mamandardy daıarlaýda suranysqa ıe.
Jumysshylardyń otbasylaryna kóp kóńil bólinip otyr. Bıyl QTJ balalardy saýyqtyrý lagerlerine tegin jol júrýimen 7 372 joldama satyp aldy. Jalǵyzbasty ata-analarǵa ataýly qoldaý kórsetiledi, mektep túlekteriniń ata-analaryna qosymsha aqyly demalys kúnderi beriledi.
Dástúrli túrde balalardy qorǵaý kúnine oraı aýqymdy is-sharalar ótkiziledi. Bıylǵy jyly QTJ Basqarma tóraǵasynyń tapsyrmasy boıynsha shalǵaı stansııalarda turatyn temirjolshylardyń kópbalaly otbasylarynan shyqqan júz bala zııatkerlik jáne shyǵarmashylyq damýǵa, sondaı-aq belsendi demalysqa yqpal etetin velosıpedter, LEGO konstrýktorlary jáne basqa da damytýshy jıyntyqtar aldy.
Elimiz boıynsha balalary oqý, sport jáne shyǵarmashylyq boıynsha eleýli nátıjelerge qol jetkizgen qyzmetkerlerdiń otbasylaryn quttyqtaý uıymdastyryldy.
О́skeleń urpaqty qoldaý kásiptik baǵdar berý jumysyn da qamtıdy. Kompanııa mektep oqýshylary men stýdentterdi temirjol mamandyqtarymen tanystyra otyryp, óndiristik nysandar men salalyq murajaıǵa ekskýrsııalar uıymdastyrady. Bıyl QTJ ortalyq murajaıyna 400-den astam joǵary synyp oqýshylary men kolledj stýdentteri keldi.
Balalardyń shyǵarmashylyq jáne zııatkerlik áleýetin damytý mańyzdy. Kompanııada temirjol kásipterin tanymal etýge jáne urpaqtar sabaqtastyǵyn nyǵaıtýǵa yqpal etetin «Temir jol balalar kózimen» taqyrybynda beınekonkýrstar men shyǵarmalar konkýrstary ótkiziledi.
Bıyl kompanııa temir jolǵa áýestik tanytqan 6 jasar Ánýar Ábsattarov pen 11 jastaǵy Ámir Janǵalıevtiń tilekterin oryndap, olardy lokomotıv kabınalarynda saparlaýǵa múmkindik jasady jáne depo boıynsha ekskýrsııalar uıymdastyrdy. Sonymen qatar, QTJ 100 jas sportshy-temirjolshy arasynda shaǵyn fýtboldan respýblıkalyq týrnır ótkizdi.
Jas kadrlardy daıarlaý da mańyzdy mindet bolyp qala beredi. Jastar saıasatynyń 2023-2026 jyldarǵa arnalǵan baǵdarlamasy sheńberinde jas qyzmetkerlerdiń kásibı jáne basqarýshylyq quzyretterin damytýǵa baǵyttalǵan jobalar iske asyrylyp jatyr. Olardyń qatarynda «QTJ-nyń 100 jas esimi» jas mamandardy damytý baǵdarlamasy, «Jas úzdik maman» kásibı sheberlik konkýrsy, «Temirjol bilgirleri» ıntellektýaldy lıgasy, «Moıa PROFessııa» jáne «Zaman AI» konkýrstary, sondaı-aq KVN korporatıvtik qozǵalysy jáne «GalstýkOFF» medıa jobasy bar.
Buqaralyq sportty damytý kompanııanyń áleýmettik saıasatynyń bir bóligi. Osy jyldyń alǵashqy bes aıynda 9,2 myńnan astam jumysshy sport seksııalarynda jattyqty. 7,1 myńnan astam adamnyń qatysýymen 197 sporttyq is-shara ótti. Kompanııa qyzmetkerleri halyqaralyq jarystarda QTJ men Qazaqstan atynan jaqsy nátıje kórsetip júr.
Sonymen qatar, korporatıvtik volonterlik belsendilik damyp keledi. Temirjolshylar qaıyrymdylyq pen ekologııalyq aksııalarǵa qatysyp, ardagerler men zeınetkerlerge járdemdesedi, áleýmettik mekemelerge qoldaý kórsetedi jáne óńirlik ózara kómek jobalaryn júzege asyrady.
Aıta keteıik, Astanadaǵy Paralımpıadalyq ortalyqty qoldaý, Qaraǵandyda «Qustarǵa kómektesemiz» ekologııalyq aksııasy, Ramazan aıynda oraza ustaýshylarǵa qurma men sý taratý, «Júrekten júrekke» jáne «Jaqsylyq jasap jarysaıyq» óńirlik ıgi ister marafondary, sondaı-aq ataýly áleýmettik-turmystyq kómek kórsetý jáne ardagerler men zeınetkerlerge azyq-túlik sebetterin tapsyrý sııaqty is-sharalar ótkizildi.
Tájirıbe kórsetkendeı, búginde iri jumys berýshiniń áleýmettik jaýapkershiligi eńbek ujymy aldyndaǵy mindettemelerdi oryndaý sheńberinen asyp túsedi. Sóz adamı kapıtaldy damytýǵa jaǵdaı jasaý, áleýmettik turaqtylyqty nyǵaıtý jáne adamdardyń ómir súrý sapasyn arttyrý týraly bolyp otyr. Sondyqtan da QTJ-nyń áleýmettik jobalary korporatıvtik saıasattyń bir bóligi ǵana emes, sonymen qatar óńirler men tutastaı alǵanda eldiń turaqty damýyna qosqan úlesi bolyp otyr.