Almaty oblysynda belgisiz er adam áıeldi qylǵyndyrmaq boldy. Atalǵan jaıtqa qatysty tergeý jumystary bastaldy, dep habarlaıdy Egemen.kz.
Oqıǵa 6 maýsym kúni Shamalǵan aýylynda bolǵan. Aldyn ala aqparat boıynsha belgisiz er adam kóshede ketip bara jatqan áıeldiń moınyna arqan salyp, tunshyqtyrýǵa áreket jasaǵan. Alaıda áıel qarsylyq kórsetip, qashyp ketken.
Jábirlenýshiniń týystarynyń málimetinshe, quzyrly organdarda beınebaqylaý kameralarynyń jazbalary bolǵanyna qaramastan, kúdiktiniń jeke basy áli anyqtalmaǵan.
Alaıda tártip saqshylary izdeý jumystary júrgizilip jatqanyn málimdedi.
«Qazirgi ýaqytta oqıǵanyń barlyq mán-jaıyn, sondaı-aq zańǵa qaıshy áreket jasaǵan adamdy anyqtaýǵa baǵyttalǵan keshendi jedel-izdestirý jáne tergeý sharalary júrgizilip jatyr», delingen oblystyq polısııa departamentiniń málimdemesinde.
Terezeden syǵalap, mazasyn alǵan: Atyraý oblysynda stalkıng týraly jańa bap negizinde úkim shyqty
Eske sala keteıik, buǵan deıin Jetisý oblysynda qyzdy uzaq ýaqyt boıy ańdyp, kýágerge pyshaq kezengen azamatqa qatysty sot úkimi shyqty. Alakól aýdandyq soty ony shızofrenııa dıagnozyna qatysty qylmystyq jaýapkershilikten bosatyp, psıhıatrııalyq stasıonarǵa emdeýge jiberý týraly sheshim qabyldady.