Týrızm jáne sport mınıstri Erbol Myrzabosynov mánerlep syrǵanaýdan Olımpıada chempıony Mıhaıl Shaıdorovpen qandaı kelisimshart jasalǵanyn málimdedi, dep habarlaıdy Egemen.kz.
Mınıstrdiń aıtýynsha qazirgi ýaqytta olımpıada chempıonynyń jalaqysyna qatysty barlyq máseleler sheshilgen.
«Mıhaılmen jasalǵan kelisimshart máselesi sheshildi. Bul – standartty shart, oǵan tek olımpıada chempıondary ǵana emes, barlyq sportshylar qol qoıady. Biz ony BAQ qysymymen jeke túrde ázirleı almaımyz», dedi mınıstr Úkimettegi brıfıngte.
Erbol Myrzabosynov sportshyǵa talaptar durys túsindirilmegenin aıtyp, osyǵan baılanysty kináliler jaýapqa tartylǵanyn atap ótti.
«Biz Mıhaılmen birge kelisimshartty qarap shyqtyq, eki taraptan da qorytyndy jasaldy. Kommýnıkasııada olqylyqtar bolǵan, durys túsindirilmegen. Qazir másele tolyq sheshildi. Eń bastysy – aldaǵy maýsymǵa daıyndyqqa kóńil bólý. Eki taraptyń da oryndaýshylary men menedjerleri ákimshilik jazaǵa tartyldy», dedi ol.
Mınıstrdiń aıtýynsha, Shaıdorovpen tıptik úlgidegi kelisimshart jasalǵan. Ol olımpıada chempıondary men tómen deńgeıdegi sportshylarǵa da birdeı mindetter júkteıdi. Kelisimshartqa sáıkes, tólengen qosymsha qarjy keri qaıtarylmaıdy.
Aıta keteıik, buǵan deıin Mıhaıl Shaıdorov aqpan aıynan beri jalaqy almaǵanyn málimdegen bolatyn. Keıin bul máselege qatysty Týrızm jáne sport mınıstrligi túsinikteme berip, sportshyǵa jańa kelisimshart usynylǵanyn habarlaǵan edi. Sondaı-aq jaqynda sportshy 30 jas sportshynyń árqaısysyna 200 myń teńgelik sertıfıkat tabys etti.