Almaty garnızonynyń áskerı sotynda Taldyqorǵandaǵy áskerı bólimderdiń birinde merzimdi áskerı qyzmet ótkergen sarbazdyń qaza bolý faktisine qatysty qylmystyq isti qaraý aıaqtaldy, dep habarlaıdy Egemen.kz.
2025 jylǵy 23 qyrkúıekte jeke quramnyń qarýmen jumys isteý barysynda pýlemetten abaısyzda oq atylyp, onyń saldarynan oq jaraqatyn alǵan qatardaǵy jaýynger Á. Seıtqalı qaıtys boldy.
Is boıynsha qadaǵalaýdy júrgizý barysynda áskerı prokýrorlar qaıǵyly oqıǵanyń barlyq mán-jaılaryn anyqtaýǵa jáne dáleldemelerdi jınaqtaýǵa baǵyttalǵan qajetti tergeý jáne prosestik áreketterdiń tolyq júrgizilýin qamtamasyz etti.
О́skemendegi sarbaz ólimi: Úsh áskerı qyzmetshi qyzmetinen bosatyldy
Tergep-tekserý barysynda batalon komandıriniń orynbasary qarýdy paıdalaný kezinde qaýipsizdik talaptarynyń saqtalýyn qamtamasyz etpegeni, sondaı-aq aldyńǵy ótkizilgen atystardan keıin qarýdy tolyq tekserýdi uıymdastyrmaǵany anyqtaldy. Sonyń saldarynan uńǵyda qalyp qoıǵan oq áskerı qyzmetshiniń qaza bolýyna sebep boldy.
Sot talqylaýynyń qorytyndysy boıynsha atalǵan laýazymdy tulǵa Qylmystyq kodekstiń 453-babynyń 2-bóligimen (aýyr zardaptarǵa ákep soqqan qyzmetke salǵyrt qaraý) kináli dep tanylyp, 4 jylǵa bas bostandyǵynan aıyrý jazasyna sottaldy. Úkim zańdy kúshine engen joq.
Sarbaz ólimi: Sottalǵan jigittiń anasy sot sheshimimen kelispeıtinin aıtty