Almatydaǵy kópqabatty úıdiń tóbesine jeke turǵynjaı salynǵan. Bul úı týraly byltyr áleýmettik jelilerde keńinen talqylanǵan. Ákimdik onyń zańdylyǵyn anyqtaý úshin arnaıy tekserý júrgizgen. Jyljymaıtyn múlik mamandarynyń aıtýynsha, barlyq qujattary talapqa saı bolyp shyqqan, dep habarlaıdy Egemen.kz.
«Úı barlyq tekserýlerden, sonyń ishinde seısmıkalyq tózimdilik synaqtarynan ótýi kerek bolǵan. Sáýlettik sheshimder tolyq tekserilgen. Munda ortalyq sý qubyry men ortalyq jylytý júıesi tartylǵan, bári negizgi úıden qosylǵan. Sondyqtan bul úı tolyqtaı zańdy», dedi Jyljymaıtyn múlik jónindegi sarapshy Vladıslav Sarjan.
Qalalyq ákimdik daýly qurylystyń taǵdyryn sot arqyly sheshpek bolǵanyn habarlady. Alaıda qala qurylysy baqylaý basqarmasynyń menshik ıesine qarsy bergen talaby qaraýsyz qaldyrylǵan.
Zańsyz salynǵan turǵyn úı kesheni buzyldy
Zańger Rýslan Qojahmettiń pikirinshe, sheneýnikter aldymen mundaı úı salýǵa kimniń, qashan jáne qandaı negizde ruqsat bergenin, sondaı-aq ruqsat berý barysynda zań buzýshylyqtar bolǵan-bolmaǵanyn anyqtaýy kerek edi.
«Iá, ótken ýaqytta belgili bir qatelikter jiberilgen bolýy múmkin. Biraq bul jaýapkershilikti qazirgi menshik ıelerine júkteýge bolmaıdy. Olar bul múlikti barlyq ruqsat qujattary rásimdelip, azamattyq aınalymǵa zańdy túrde engizilgen nysan retinde satyp alǵan», dedi ol.
Zańgerdiń pikirinshe, endi bılik organdary jiberilgen qatelikterdi taldap, osyndaı jaǵdaılarǵa qatysty naqty ustanym qalyptastyrýy qajet. Bul aldaǵy ýaqytta basqa kópqabatty úılerdiń shatyrlarynda jańa baspanalardyń paıda bolmaýyna septesedi.
Páter ishin zańsyz josparlaý nege aparady