Ulttyq qaýipsizdik komıteti Atyraý qalasy ákiminiń orynbasaryna qatysty sotqa deıingi tergep-tekserý júrip jatqanyn rastady, dep habarlaıdy Egemen.kz.
Buǵan deıin áleýmettik jelilerde Atyraý qalasy ákiminiń orynbasary Meıirjan Muqasov pen kommýnaldyq mekeme basshysynyń orynbasary Beıbit Maǵzumov ustaldy degen aqparat taraǵan bolatyn. Sondaı-aq qala ákimi Shákir Keıkındi de UQK departamenti sybaılas jemqorlyqqa qarsy is-qımyl qyzmetiniń qyzmetkerleri oblys ákiminiń ǵımaratynan alyp ketken. Alaıda keıinnen ol bosatylyp, úıine jiberilgen.
UQK qalǵan eki tulǵaǵa qatysty sotqa deıingi tergep-tekserý jumystary júrgizilip jatqanyn málimdedi.
«Sotqa deıingi tergep-tekserý júrip jatqanyn habarlaımyz. О́zge aqparat Qylmystyq-prosestik kodekstiń 201-baby 1-tarmaǵyna sáıkes jarııa etýge jatpaıdy», delingen UQK habarlamasynda.
Atyraý oblysy ákiminiń burynǵy orynbasary Baqytgúl Hamenovanyń jazasy jeńildetildi
Eske salaıyq, buǵan deıin Ishki ister mınıstrligi Atyraý qalalyq polısııa basqarmasynyń basshysy men Atyraý oblysy Polısııa departamentine qarasty eki basqarmanyń jetekshisi qyzmetinen shettetilgenin habarlaǵan bolatynbyz.