Apple kompanııasy Eýropalyq odaq elderinde Siri daýystyq kómekshisiniń jańa jasandy ıntellekt nusqasyn iske qosýdan bas tartty. Oǵan sebep Eýropalyq komıssııa onyń jergilikti zańnama talaptarynan bosatý týraly ótinishin qanaǵattandyrmaǵan, dep jazady Egemen.kz.
Bul týraly Eýrokomıssııa ókili Toma Rene málimdedi.
Onyń aıtýynsha, servısti eýropalyq naryqqa shyǵarmaý týraly sheshimdi Apple kompanııasynyń ózi qabyldaǵan.
Daýly másele EO-nyń iri tehnologııalyq kompanııalarǵa arnalǵan erejelerine baılanysty. Bul talaptarǵa sáıkes, jańa sıfrlyq servıster tek óz ázirleýshileriniń ónimderimen ǵana emes, úshinshi tarap kompanııalarynyń sheshimderimen de ózara árekettese alýy tıis. Siri jasandy ıntellekt jaǵdaıynda bul basqa óndirýshilerdiń qurylǵylary jáne qosymshalarymen tyǵyz ıntegrasııany bildirýi múmkin.
Reneniń sózinshe, Apple úılesimdilik talaptaryna da, qaýipsizdik pen jeke derekterdi qorǵaý jónindegi eýropalyq standarttarǵa da birdeı saı keletin sheshim usyna almaǵan. Onyń ornyna kompanııa qoldanystaǵy erejelerden ózine erekshelik berýdi suraǵan, alaıda bul ótinish qabyldanbady.
Aıta keteıik, buǵan deıin Apple kompanııasy óz qurylǵylaryndaǵy Siri daýystyq kómekshisin jańartatyny týraly jazǵan bolatyn.