Qazaqstan amerıkandyq Remitly kompanııasy daıyndaǵan Immigration Index 2026 halyqaralyq reıtınginde TMD elderi arasynda birinshi orynǵa ıe boldy, dep habarlaıdy Egemen.kz
, dep habarlaıdy Egemen.kz
82 memleketti qamtyǵan álemdik reıtıngte Qazaqstan jalpy esep boıynsha 53-orynǵa jaıǵasyp, zertteýge engen óńirdegi barlyq elderden ozyp shyqty.
Salystyrý úshin, postkeńestik keńistiktegi basqa memleketterdiń kórsetkishteri tómendegideı boldy:- Moldova - 56-oryn;- Ázerbaıjan - 66-oryn;- Armenııa - 74-oryn;- О́zbekstan - 75-oryn.
Al Reseı, Belarýs, Qyrǵyzstan, Tájikstan jáne Ýkraına bul zertteýge engizilmegen.
Reıtıng avtorlary elderdi 34 kórsetkish boıynsha baǵalaǵan. Olar 16 sanatqa biriktirilgen. Olardyń qatarynda qaýipsizdik deńgeıi, densaýlyq saqtaý men bilim sapasy, ekologııa jaǵdaıy, jumyspen qamtý múmkindikteri, ómir súrý quny, turǵyn úıdiń qoljetimdiligi, qoǵamdyq kólik damýy, otbasylardy qoldaý jáne mıgranttardyń iri qaýymdastyqtarynyń bolýy bar.
Álemdik reıtıngte Shveısarııa kósh bastap tur.
Remitly sarapshylary reıtıngti qurastyrý kezinde tek ekonomıkalyq kórsetkishter ǵana emes, sonymen qatar ómir sapasy, qaýipsizdik, otbasylar úshin qolaılylyq jáne mıgranttardyń uzaq merzimdi beıimdelý múmkindikteri de eskerilgenin atap ótti.
Zertteý qorytyndysyna sáıkes, qazirgi mıgranttar úshin basty krıterııler ómir sapasy, qaýipsizdik, medısınalyq qyzmetke qoljetimdilik jáne turaqty bolashaq qurý múmkindigi. Osy faktorlardyń jıyntyǵy boıynsha Qazaqstan 2026 jylǵy reıtıngte TMD elderi arasynda eń úzdik el atandy.