04 Naýryz, 2011

Halyqaralyq qujattar qoldaý tapty

247 ret kórsetildi
Senat Tóraǵasynyń orynbasary Muhambet Kópeevtiń tóraǵalyǵymen ótken palatanyń keshegi jalpy otyrysynyń kún tártibinde eki hattama men shartty ratıfıkasııalaýǵa qatysty úsh zańdyq qujat qaraldy. «Keden odaǵy biryńǵaı keden aýma­ǵynyń jumys isteý rejiminen jekelegen ýaqytsha alýlar týraly hattamany ratıfıkasııalaý týraly» zań jobasy boı­ynsha baıandamany Ekonomıkalyq damý jáne saýda mınıstriniń mindetin atqarýshy Marat Qusaıynov jasady.  Hattamada jeke tulǵalar jeke paı­dalanýǵa arnalǵan jeńil avtokólikterin ákelý kezinde ýaqytsha jeńildetilgen kedendik baj stavkalaryn qoldaný kóz­delip otyr. Jeńildik ústimizdegi jyl­dyń 1 shildesine deıin qoldanylady. Qorǵaý, dempıngke qarsy jáne ótemaqy sharalary, ár túrli saýda rejimderi qol­danylatyn taýarlar ımportyna, Qa­zaqstan Respýblıkasy ótpeli kezeńde neǵurlym tómen kedendik baj stavka­laryn qoldanatyn taýarlarǵa da kedendik deklarasııany qoldaný kózdelgen. Biryńǵaı kedendik tarıfti qalyp­ta­s­tyrý  kelissózder negizinde sezimtal degen 400 taýarlyq pozısııa boıynsha qol­danylatyn bolady. Zań jobasy bir­aýyzdan qoldaý taýyp, qabyldandy. Ekinshi qaralǵan zań jobasy «Táýelsiz Memleketter Dostas­tyǵyna qatysýshy memleketter­diń qylmystyq kiristerdi zańdas­tyrý­ǵa (jylystatýǵa) jáne terrorızmdi qarjylandyrýǵa qarsy is-qı­my­ly týraly shartty ratıfıkasııalaý týraly» dep atalady. Ol bo­ıyn­sha baıandamany Qarjy mınıstri Bolat Jámishev jasady. Mı­nıstrdiń málimetinen belgili bol­ǵan­daı, 2007 jylǵy 5 qazanda Dýshanbede Qazaqstan, Reseı, Armenııa, Belorýssııa, Qyrǵyzstan já­ne Tájikstan memleketteri atal­­ǵan shartqa qol qoıǵan. Shartta normatıvtik quqyqtyq bazany qalyptas­tyrýǵa qatysty erejeler kózdel­gen, oǵan sáıkes taraptar ózderi­niń quziretti organ­dary­na qyl­mys­tyq kiristerdi jáne terrorızmdi qar­jy­lan­dyrý­ǵa arnalǵan qarajatty sáıkesten­dirýge, izdestirýge, osyn­daı kiristermen jáne qarajatpen ja­sala­tyn operasııalar men mámi­le­ler­di, olardy berýdi nemese  olar­­­ǵa ózgeshe ıelik etýdi boldyrmaý jan-jaqty qarastyrylǵan. Depýtat Tasbaı Sımambaev osy rette kóptegen qarjylar shetel asyp jatqandyǵyn alǵa tarta otyryp, solardy qaıtarýda nendeı is-áreketter jasalyp jatqan­dyǵyn surady. Mınıstr óz jaýa­byn­da Qarjy monıtorıngi komıteti quqyq qorǵaý organdaryna tek málimet berýmen shekteletindikten, bul máselemen túbegeıli aınalyspaıtyndyǵyn jetkizdi. Zań jobasy biraýyzdan qabyldan­dy. «Dúnıejúzilik poshta odaǵy­nyń Jarǵysyna Segizinshi qo­sym­sha hattamany ratıfıkasııalaý tý­raly» zań jobasy boıynsha Baıla­nys jáne aqparat mınıstri Asqar Jumaǵalıev qysqasha baıandama ja­sa­dy. Bul Hattama poshta operator­lary úshin standart­talǵan termınderin belgileý, ámbebap poshta qyzmetteriniń quqyqtyq negizin keńeıtý jáne ózara yqpaldastyqty damytýǵa baǵyttalǵan. Segizinshi hattama sonymen qatar halyqara­lyq poshta almasýdy keńeıtý úshin de qajet, Jazbasha hat-habarlar reglamentin jáne Poshta jóneltilim­deri reglamentin saqtaý mindettemesin kózdeıdi. Sonymen qatar olar halyqaralyq poshta qyzmeti­n­e qoldanylatyn jalpy qaǵıda­lar­dy, halyqaralyq poshta almasý­dy júzege asyrǵan kezde, múshe elder aýmaǵy arqyly erkin tranzıt usynǵan kezde jazbasha hat-habar­lar men poshta jóneltimderi qyz­met­teri týraly erejelerdi qamtı­dy. Senatorlar atalǵan zańdyq qujattyń mańyzyn eskerip, ony biraýyzdan qabyldady. Asqar TURAPBAIULY.
Sońǵy jańalyqtar

Altaı úzdikteri anyqtaldy

Aımaqtar • Keshe

Bir oblys «qyzyl» aımaqta tur

Koronavırýs • Keshe

Uly dala muralary

Elorda • Keshe

Eki júlde – «egemendikterde»

Egemen Qazaqstan • Keshe

Tbılısıde top jardy

Sport • Keshe

Kardıng shabýyly

Qoǵam • Keshe

Uqsas jańalyqtar