04 Naýryz, 2011

Saılaý bıýlletenderiniń sany – 9 191 977 dana

282 ret kórsetildi
Keshe Ortalyq saılaý komıssııasynyń tóraǵasy Qýandyq Turǵanqulovtyń tóraǵalyq etýimen komıssııanyń kezekti otyrysy ótti. Onda Qazaqstan Respýblıkasynyń kezekten tys prezıdenttik saılaýy jónindegi saılaý bıýlletenderi týraly qaýly qabyldandy. Ortalyq saılaý komıssııasynyń hat­shysy Baqyt Meldeshovtiń habardar etkenindeı, qaýly boıynsha 2011 jylǵy 3 sáýirge taǵaıyndalǵan Qazaq­stan Respýblıkasynyń kezekten tys prezıdenttik saılaýy jónindegi saılaý bıýlletenderi ortalyqtan­dy­ry­lyp daı­­yndalady. Saılaý bıýlle­ten­­deri­niń sany saılaýshylardyń ti­zimderine engizilgen saılaýshy­lar­dyń jalpy sanynyń 1 paıyzdyq rezervimen qosa, 9 191 977 danany qu­raı­tyn bolyp belgilendi. Al saılaý bıýl­letenderi QR Ult­tyq bankiniń Banknot fabrıka­synda basylyp shyǵarylady. Atalǵan qaýlyǵa sáıkes saılaý bıýlletenderiniń qorǵalý dárejesi de belgilendi jáne saılaý bıýlletenderindegi mátinder de bekitildi. Saılaý bıýlletenderi oblystyq, Astana jáne Almaty qalalyq saılaý komıssııa­laryna 2011 jyldyń 25 naýryzynan bastap berile bastaıdy. Al ýchaskelik saılaý komıssııalaryna saılaý bıýlletenderin oblystyq, Astana jáne Almaty qalalyq saılaý komıssııalary 2011 jylǵy 1 sáýirden keshiktirmeı jet­kizýdi jáne akt boı­ynsha berýdi qamtamasyz etýleri tıis. Otyrysta, sondaı-aq Ortalyq saılaý komıssııasynyń múshesi Tatıana Ohlopkova TMD-nyń baıqaýshy mıssııasynan eki baıqaýshyny tirkeý týraly qaýly qabyldanǵanynan habardar etti. Olar Belarýs Respýb­lıkasynyń ókilderi Nıkolaı Logovık pen Marına Rahmanova. T.Ohlo­pkova­nyń aıtýynsha, keshegi kúnge deıin Ortalyq saılaý komıssııasyna 59 baıqaýshy tirkelgen. Onyń 44-i EQYU-nyń Demokratııalyq ınstıtýttar jáne adam quqyqtary jó­nindegi bıýrosy mıssııasynan, 2-eýi TMD mıssııasynan, 11-i shet mem­leketterden, al 2-eýi Halyq­aralyq respýblıkalyq ınstıtý­tynan. *  *  * Keshe Ortalyq saılaý komıssııa­synyń tóraǵasy Qýandyq Tur­ǵan­qulov Qazaqstan Respýblıkasynyń prezıdenttigine kandıdat bolyp tirkelgen Mels Eleýsizov pen Ǵanı Qasymovqa kýálik tapsyrdy. Álısultan QULANBAI.
Sońǵy jańalyqtar

QHL: «Barys» «Vıtıazge» jol berdi

Hokkeı • Búgin, 19:35

«Egemenge» jazylyńyz – syılyq utyp alyńyz!

Egemen Qazaqstan • Búgin, 19:08

Kýrchatovta AES salynýy múmkin

Qazaqstan • Búgin, 18:02

Qyrǵyzstanda tynyshtyq kúni ornady

Álem • Búgin, 12:30

Koronavırýstyń jańa shtammyna ataý berildi

Koronavırýs • Búgin, 11:37

Vaksına saldyrǵandar sany artty

Koronavırýs • Búgin, 09:35

Pavlodar oblylysy «qyzyl» aımaqtan shyqty

Koronavırýs • Búgin, 09:16

905 adamnan koronavırýs anyqtaldy

Koronavırýs • Búgin, 09:08

Uqsas jańalyqtar