15 Maýsym, 2011

«EHRO – 2017-ge» Astana úmitker

210 ret kórsetildi
Jahandyq basqosýlar ótkizý Astana úshin tańsyq emes. Saryarqa tósindegi saltanaty jarasqan egemen elimizdiń elordasy tórtkúl dú­nıeni tamsandyrýdan da kende bo­lyp kele jatqan joq. Kúni keshe gazetimizde habarlaǵanymyzdaı, Astana taǵy bir álemdik aı­tý­ly oqı­ǵanyń ortalyǵyna aınal­ǵa­ly tur. Ústimizdegi jylǵy 14 maý­symda Qazaqstan Respýblıkasy Syrt­qy ister mınıstrliginiń jaýap­ty hat­shysy Rápil Joshybaev Qazaqstan Úkimeti atynan Halyqaralyq kórme bıýrosynyń bas hatshysy Vısente Lossertaleske 2017 jyly Astanada Halyqaralyq EHRO kórmesiniń mamandandyrylǵan kórmesin ótkizý jónindegi ótinishti tapsyrdy. EHRO Halyqaralyq kórmesiniń tarıhy 1851 jyldan bastaý alady. Halyqaralyq kórme bıýrosy bes jylda bir ótkizetin bul shara álem­dik jetistikterdi jarııa etetin teń­desi joq jahandyq sahna bolyp ta­bylady. Búginde álemniń 157 memleketi Halyqaralyq kórme bıýrosy­nyń múshesi bolsa, osy elderdiń ekonomıkalyq, ǵylymı jáne basqa salalardaǵy zamanaýı jetistikteri osy kórmede kórinis tabady. Kórme eki túrli – Álemdik ámbebap kórme jáne EHRO Halyqaralyq maman­dan­dyrylǵan kórmesi atty taqy­ryp­tarmen ótkiziledi. Álemdik ámbebap kórmesi bes jylda bir ret ótkizilip, alty aı mer­zimge sozylady. Onyń taqy­ry­by men aýqymyna shek qoıyl­maı­dy. Tórtkúl dúnıeni túgel jumyl­dyratyn bul jahandyq sharanyń mańyzy asa zor. Álemdik ámbebap kórme 2010 jyly QHR-dyń Shanhaı qalasynda «Úzdik qala – tamasha turmys» devızimen ótkizilip, oǵan 190 memleketten 100 mıllıonnan astam adam qatysty. Astana qalasy 2017 jyly ót­kiziletin EHRO-nyń Halyqaralyq mamandandyrylǵan kórmesinen úmit­ker bolyp otyr. Bul kórme Álemdik ámbebap kórmesiniń aralyǵynda ót­kizilip, úsh aı merzimge sozylady. Kór­meniń kólemi 25 gektar aýqym­nan aspaýy kerek jáne onyń taqy­ryptary adamzat qyzmetiniń naqty salalaryndaǵy ǵylymı, tehnolo­gııa­lyq jáne ekonomıkalyq jetistikterdi pash etýge tıis. Máselen, 2008 jyly Ispanııanyń Saragos qala­synda bul kórme «Sý jáne tu­raqty damý» uranymen ótken bolatyn. 2017 jyly ótetin osy kórmege Astana búginde adamzatty erekshe alańdatyp otyrǵan «Bolashaq ener­gııasy» atty taqyrypty usynyp otyr. Qazir álemde energetıkalyq qaýipsizdik, energııalyq qýatty únem­deý jáne balamaly qýat kózderin damytý máselesi óte ótkir qoıy­lýda. Meksıka buǵazyn­da­ǵy munaı qondyrǵysyndaǵy apat, «Fýkýsıma» AES-inde oryn alǵan qasiret planetamyzdyń ekologııa­lyq tepe-teńdigin saqtaýda balama­ly qýat kózderin tabýdy jáne damytýdy kezek kúttirmeıtin ma­ńyzdy problemalar deńgeıine shy­ǵa­ryp otyr. Astana usynyp otyr­ǵan «Bolashaq energııasy» atty másele jahandyq ekonomıka úshin de, álemdik ǵylym úshin de ótkir basymdyqqa ıe bolǵan taqyryp ekeni daýsyz. О́ziniń 160 jyldyq tarıhynda EHRO kórmesi adamzat órkenıe­ti­niń nebir ǵylymı jáne tehnolo­gııalyq jańalyqtaryn jarııa etti. Dúnıe júzindegi alǵashqy avtomobıl, tuńǵysh tigin mashınasy, birinshi baılanys telefony osy kór­meden bastaý alǵan. – Búginde EHRO kórmesi ar­qyly adamdar dúnıeniń tórt bury­shynda bolyp jatqan ekonomıka­lyq, ǵylymı, tehnologııalyq jáne mádenı jetistiktermen bir jerde, bir mezgilde tanysa alady, deıdi Ekonomıkalyq damý jáne saýda mı­nıstrligi Saýda komıtetiniń tór­aǵasy Aıdar Qazybaev. EHRO kór­mesine mıllıondaǵan týrıster keledi. Olar kórme ótkizilip otyrǵan eldiń mádenıetimen, dástúrimen, ult­tyq ereksheligimen tanys bolady. Qazaqstan EHRO kórmesin ót­kizý arqyly Astanada Halyq­ara­lyq balamaly energetıka ortaly­ǵyn ashý máselesin de oılastyryp otyr. « EHRO – 2017» kórmesin ót­kizetin qala 2012 jyldyń jel­toqsan aıynda Halyqaralyq kórme bıýrosyna múshe 157 memlekettiń daýys berýimen sheshiledi. Eger, Astana osy synnan súrinbeı ótetin bolsa, elimiz búkil Ortalyq Azııa jáne TMD elderiniń tarıhynda osyndaı zor qurmetke ıe bolǵan tuńǵysh memleket bolyp tabylmaq. Uzaǵynan bolǵaı! Jaras JAMASh. Astana.
Sońǵy jańalyqtar

Beıbit Isabaev jańa qyzmetke taǵaıyndaldy

Taǵaıyndaý • Búgin, 10:55

Qarý urlap, úılerdi tonaǵan

Aımaqtar • Búgin, 10:35

Vaksına saldyrǵandar sany ósti

Koronavırýs • Búgin, 10:20

Oraldyq ǵalymdar halyqaralyq grant utty

Aımaqtar • Búgin, 10:10

«Qyzyl» aımaqtyń qatary sıremeı tur

Koronavırýs • Búgin, 09:45

2236 adam koronavırýstan jazyldy

Koronavırýs • Búgin, 09:30

Qazaqstanda qasqyr azaıyp barady

Ekologııa • Búgin, 09:15

Syılyq ıeleri jarııa etildi

Fýtbol • Búgin, 08:58

Rahmanberdiniń qustary

Aımaqtar • Búgin, 08:51

Baltyq jaǵalaýyndaǵy báseke

Sport • Búgin, 08:42

Qazaq bıine qumartqan qyz

О́ner • Búgin, 08:40

Irikteý jarystary aıaqtaldy

Qysqy sport • Búgin, 08:37

О́ńirde baǵa baılaýǵa kónbeı tur

Aımaqtar • Búgin, 08:33

Kúrdeli jóndeýdi qajet etedi

Aımaqtar • Búgin, 08:30

Úshinshi chempıonattan úmitimiz kóp

Fýtbol • Búgin, 08:28

Táýelsizdik tusynda túgendelgen mura

Qazaqstan • Búgin, 08:27

О́simdik maıyn óndire almaımyz ba?

Qazaqstan • Búgin, 08:22

Eki aýylǵa gaz jetti

Aımaqtar • Búgin, 08:20

Keshendi jospar – turaqtylyq kepili

Ekonomıka • Búgin, 08:18

Aqyldy Úkimet halyqty ashyndyrmaıdy

Qazaqstan • Búgin, 08:11

Halyq senimine syzat túspeýi kerek

Qoǵam • Búgin, 08:07

Sot segiz myńnan astam is qaraǵan

Qazaqstan • Búgin, 08:04

Ortaq energetıkalyq naryq qurylady

Úkimet • Búgin, 08:02

«Omıkron» órship barady

Koronavırýs • Búgin, 08:00

Ulttyq bolmysty bederlegen

Qoǵam • Keshe

Esimnen ketpes eki etıýd

Rýhanııat • Keshe

Besinshi element

О́ner • Keshe

Aqadyrdyń aqjoltaıy

Sport • Keshe

Uqsas jańalyqtar