Jańa sport saraıy salynady

Jambyl oblysynyń ortalyǵy – Taraz qalasy sońǵy jyldary oń­tústik-batys aımaqqa qaraı qulash jaıyp, kemeldene kórkeıip keledi. Mysaly, búginde bul mańaıda «Kók­tem», «Araı» sııaqty jeke úıler aı­maǵymen birge, kóp qabatty turǵyn úılerden turatyn «Báıterek» sha­ǵyn aýdany, birneshe saýda keshenderi bar. Qala turǵyndaryn jumys oryn­darymen qamtamasyz etetin ja­ńa kásiporyndar da kóptep saly­ný­d­a. Mine, endi osy aradan aldaǵy ýaqyt­ta sport saraıynyń záýlim ǵımaraty boı kótermek. Jaqynda onyń irge­tasy qa­lanyp, oǵan osy ıgilikti iske uıyt­qy bolyp júrgen oblys ákimi Qanat Bozymbaev qatysty. Jańa qurylys nysanyna ob­lys ákimdiginiń qurylys, jolaý­shy­lar kóligi jáne avtomobıl joldary basqarmasy tapsyrys beripti. Bas jobashy bolyp «Or­ta­lyq Azııa jo­balaý-qurylys kom­panııasy»  JShS bekitilgen. Jobanyń smeta­lyq qu­ny 4 mlrd. 876,2 mln. teńgeni qu­raı­dy. Onyń ishinde qurylys-mon­taj ju­mys­taryna  3 mlrd. 677 mln. teńge jum­salsa, jabdyq­tary­na – 477,6 mln. teńge jumsalatyn bolyp otyr. Sport saraıy boı kóteretin jer­diń kólemi 7,727 gektar jerdi alyp jatyr. Onda jalpy dene shy­n­yq­ty­rý jáne atletıka daıyn­dyǵy, sport­tyq-balldyq bı, sport oıyn­dary: voleıbol, basketbol, mını-fýtbol, tennıs, sporttyq basseın, onyń ishinde basketbolǵa arnalǵan aýy­symyna 24 adamdyq zal, voleı­bolǵa arnalǵan sondaı 24 adamdyq zal, qol dobyna arnalǵan 24 adam­dyq zal, mını-fýt­bolǵa arnalǵan aýysymyna 24 adam­dyq zal, boksqa arnalǵan aýysymyna 25 adamdyq zal, klassı­kalyq jáne erkin kúres­ke arnalǵan aýysymyna 24 adamdyq zal, dzıýdo jáne samboǵa arnalǵan aýysymyna 30 adamdyq zal, taekvon­doǵa arnalǵan aýysy­myna 30 adamdyq zal, aýyr atletıkaǵa arnal­ǵan aýysymyna 11 adamdyq zal, ústel tennısine arnal­ǵan aýy­sy­myna 12 adamdyq zal, sport­tyq-balldyq bıge arnalǵan aýy­symyna 100 adam­dyq  zal, tır sportyna ar­nalǵan aýysy­myna 10 adamǵa arnal­ǵan zal bar. Sport saraıyna kelýshilerdi dámdi, qunarly taǵammen qamta­masyz etý úshin 2 qoǵamdyq ta­maq­tandyrý orny jumys isteıtin bolady. Onyń bireýi – 120, ekinshisi – 110 adamǵa arnalǵan. Taraz qalasynda tuńǵysh ret boı kótergeli otyrǵan sport saraıy óńirdegi sporttyq oqý-jattyǵý jumystarynyń sapasyn arttyryp, oblys sportshylaryn álemdik bıikterge jańa qyrynan tanyta bastaıdy degen úmit bar. Sport saraıynyń qurylys jumy­sy 2013 jyly aıaqtalady dep kútilýde. Kósemáli SÁTTIBAIULY, Jambyl oblysy.