Syn saǵaty soqty

7-9 shilde kúnderi Býenos-Aıres qalasynda Argentına men Qazaqstan quram­alary­nyń arasynda ótetin Devıs kýbogynyń shırek fınalyn­da kezdesetin tennısshilerdiń esimderi belgili boldy. Bul matchqa Qazaqstan sa­pyn­da Andreı Golýbev, Mıhaıl Kýkýshkın, Iýrıı Shýkın men Evgenıı Korolev shyqsa, alań ıelerinen bizge qarsy Hýan Ignasıo Chela, Hýan Martın Del Potro, Davıd Nalbandıan men Hýan Monako oı­naıdy. Bizdiń qurama ja­qyn­da osy jaýapty synǵa daıyndalý úshin Ońtústik Amerıkaǵa at­tanyp ketti. Býenos-Aıreste ótetin shırek fınaldyq kezdesý 14 000 adamǵa arnalǵan «Pargue Roca» stadıonynda ótedi. 7 shilde kúni jekelegen kezdesý ótse, kelesi kúni tennısshiler juptasyp óner kórsetedi. Al sońǵy kúnge taǵy eki kezdesý josparlanyp otyr. Jankúıerler Devıs kýbogy­nyń shırek fınalyn Astana ýa­qyty boıynsha «El Arna» tele­arnasynan 7 shilde kúni sa­ǵat 20.00-de, 8 shildede saǵat 21.00-de, 9 shilde kúni saǵat 20.00-de kóre alady. Qazir Qazaqstan quramasy Devıs kýbogynyń reıtıngisinde 12 orynǵa ornalassa, Argentına álem­degi eń úzdik bes eldiń qa­taryna kiredi. Al tennısshilerimiz álemdik reıtıngide mynadaı orynda tur. Andreı Golýbev ATR tiziminde 44 orynda bolsa, Mıhaıl Kýkýshkın 58 oryndy ıelenýde. Iýrıı Shýkın jaqynda Ger­manııanyń Marbýrg qa­lasynda ót­ken halyqaralyq «Chel­lendjer» týrnıriniń serııa­syn­da týrnır­diń birinshi raket­kasy Alberto Ramostan (ATR reıtıngisinde 100 orynda) eki sette jeńilgen soń 137 orynnan 140 orynǵa túsip ketti. Devıs kýbogynyń shırek fınalynda bizde basqa Shvesııa men Serbııa, AQSh pen Ispanııa, Germanııa men Fransııa qurama­lary kezdesedi. Oıyndardyń bári birinshi atalǵan elderdiń kortta­ryn­da ótedi. Taǵy bir aıtatyn nárse, álemniń birinshi raketkasy Rafael Nadal ýaqytynyń ty­ǵyz­dyǵynan týrnırge qatysýdan bas tartyp otyr. Onyń ornynda Ispanııa quramasynda Davıd Ferrer, Fernando Verdasko, Felısıano Lopes pen Marsel Granolers qatysady. Elimizdiń bas komandasy Ar­gentınaǵa attanǵanda ulttyq qu­ra­manyń bolashaq músheleri Astanada tennısten jazǵy Qazaq­stan chempıonatyn ótkizýde. 27 maýsym kúni bastalyp, 2 shildege deıin jalǵasatyn chempıonatqa Astana, Almaty, Qaraǵandy, Pavlodar, Shymkent, Aqtóbe, Atyraý, Taldyqorǵan, Semeı, О́skemen men Tarazdyń tennısshileri qaty­syp, júlde qory 10 000 AQSh dollaryn sarapqa salýda.