01 Shilde, 2011

Oıjaılaýdaǵy malshylar merekesi

225 ret kórsetildi
Jaz – qarbalas tirlikpen birge qys pen kóktemniń qur­saýynan shyǵyp, arqany keń­ge salatyn mezgil. Osy kezde alakóldik malshy qaýymy Oı­jaılaý aýylynda keleli ke­ńes ótkizip, jyl qorytyn­dysyn shyǵarýdy dástúrge aınaldyrǵan. Kóterińki kóńil-­­kúıdegi jurtshylyq or­ta­­synan ozǵan ozattaryna qo­shamet kórsetedi. О́tken qońyr kúzden bastap bel jazbastan eńbek etkender mereı tasytqan sha­ra­ǵa túgel jınaldy. Oblys áki­mi Ańsar Musahanov mal sharýashy­ly­ǵyn damytý ba­ǵy­tyn­daǵy keleli másele­ler­di ortaǵa salsa, asyl tu­qymdy mal sharýashy­lyǵy kórmesin­de «Taý sama­ly», «Toq­jaı­laý» aýyl sharýa­shy­lyǵy ón­diristik kooperatıvi, «Jazyl­bekov jáne K» senim seriktestigi, «Yrys» sha­rýa qo­jalyǵy tárizdi ujym­dar ákel­­gen asyl tuqymdy mal­dardyń ózgeler­den ar­tyq­­shy­lyǵyna, alyna­tyn ónim sa­­­pa­synyń ótimdili­gine kóz jetti. Asyl tuqymdy tórt túlik túrleri osy kórmeden tabyl­dy. Budan jergilikti jerdegi asyl tuqymdy mal ósiretin sharýashylyqtardyń isi jaq­sara bastaǵanyn, saýyn sıyr­lardan saýylatyn súttiń, bııa­zy júndi qoıdan qyrqy­la­tyn jún mólsheri, etti maldan aly­natyn taza ettiń sal­maǵy be­rekeli mal ósirgen sha­rýa­shylyqtardyń irgeli is­terin dáleldedi. О́ndiristik kooperatıvter men seriktestikter bo­ıyn­sha ozattardy marapattaý sharasy da jal­ǵa­syn tapty. Oblys ákimi óńirde mal ónimderin óndirý kólemi ar­typ, mal basyn ósirýdiń ná­tı­jeli ekendigine toqtaldy. Sonymen qatar etti baǵyt­taǵy 21,2 myń bas iri qara malyn ósiretin jańa sharýa­shy­lyq­tar qurý josparlansa, bıyl­dyń ózinde 14 fermerlik sha­rýa­shylyq qury­lyp­ty. Mal sharýashylyǵyn qoldaý men asyl tuqymdy mal ósirýge jergilikti bıýdjetten 312,9 mln. teńge qarjy bólingen. So­nymen qa­tar «Sybaǵa» baǵ­darla­ma­sy boıynsha qarjy ıns­tı­týt­taryna 3 mlrd. 432,8 mln. teńge bólinip, 7978 bas mal satyp alý kózdelgen. Taǵy basqa da salany damytýǵa ba­ǵyttalǵan sharalardyń aý­qymy tipten keń. Osy oraıda alakóldikter de jaqsy isterimen tanylyp, ótken jyl­dy tabysty qorytyndy­la­ǵan. So­nyń aıǵaǵyndaı mal sha­rýa­shylyǵyn tabysty sa­la­ǵa aı­nal­dyrǵan bir top mal­shy­lar bıylǵy tól alý men jún qyr­qýda úzdikter qatarynan kórin­di. «Taý sa­maly» se­riktes­tigi­niń shopa­ny M.Tu­rysbekovke «Jer – sý» kor­porasııasy ta­ǵaıyn­dalǵan bas júlde jeńil av­tokóliktiń kilti tapsyryldy. О́zge de ozattar baǵaly syı­lyq alyp, mereılendi. Oıjaılaý tórindegi mal­shy­lar sleti ulttyq at spor­ty­men jalǵasty. Alańda kók­barshylar tartyssa, boz kilemde balýandar kúsh synas­ty. Shalt qımyldap, qarsy­la­synyń jaýyrynyn jerge tıgizgen Oraldan kelgen S.Shamshıev pen elimizdiń birneshe dúrkin chempıony M.Tursynovtyń aıqasy erekshe edi. Asyǵy alshysynan tús­ken S.Shamshıev bas báıgege tigilgen «Jıgýlı» avtokóli­gin týǵan jerine minip ketti. At báıgesine jer-jerden kelgen sáıgúlikter qosyldy.  Máreni birinshi qıǵan Eńbek­shiqazaq aýdanynyń «Aqsuń­qa­ry» bas báıge temir tul­pardy ıesine syılasa, otyz­ǵa tarta jelmen jarysqan alaman báı­gege tigilgen sheteldik júrdek avtokólik ala­kóldik B.Kárimov­tyń júı­rigine buıyrdy. Dala tósin dúbirge bó­lep, malshylardyń me­reıin asqaqtat­qan toıdan mol tá­ji­rıbe al­ǵan­dar úl­ken yqy­­laspen tarasty. Kúmisjan BAIJAN, Almaty oblysy.
Sońǵy jańalyqtar

Elimizdiń 6 óńirinde joldar jabyldy

Oqıǵa • Búgin, 15:39

«Jasyl» aımaqta birde-bir óńir qalǵan joq

Koronavırýs • Búgin, 09:55

«Pfizer» vaksınasyn qansha adam saldyrdy

Koronavırýs • Búgin, 09:32

Uqsas jańalyqtar