02 Shilde, 2011

Qazaqstan Respýblıkasy Úkimetiniń qaýlysy №672

249 ret kórsetildi
2011 jylǵy 20 maýsym   Astana, Úkimet Úıi Memleket baqylaıtyn aksıonerlik qoǵamdardyń, jaýapkershiligi shekteýli seriktestikterdiń jáne memlekettik kásiporyndardyń damý josparlarynyń oryndalýy boıynsha esepterdi ázirleý jáne usyný qaǵıdasyn bekitý týraly «Memlekettik múlik týraly» Qazaqstan Respýblıkasy 2011 jylǵy 1 naýryzdaǵy Zańynyń 11-babynyń 9) tarmaqshasyna sáıkes Qazaqstan Respýblıkasynyń Úkimeti qaýly etedi: 1. Qosa berilip otyrǵan Memleket baqylaıtyn aksıonerlik qoǵamdardyń, jaýapkershiligi shekteýli seriktestikterdiń jáne memlekettik kásiporyndardyń damý josparlarynyń oryndalýy boıynsha esepterdi ázirleý jáne usyný qaǵıdasy bekitilsin. 2. Aksıonerlik qoǵamdar aksııalarynyń baqylaý paketterin, jaýapkershiligi shekteýli seriktestikterdiń jarǵylyq kapıtalyndaǵy qatysýdyń memlekettik úlesterin ıelený jáne paıdalaný quqyqtaryn júzege asyratyn nemese memlekettik kásiporyndardy basqaratyn memlekettik organdar zańnamada belgilengen tártippen 2013 jylǵy birinshi qańtardan bastap memleket baqylaıtyn aksıonerlik qoǵamdardyń jáne jaýapkershiligi shekteýli seriktestikterdiń, memlekettik kásiporyndardyń damý josparlarynyń oryndalýy boıynsha esepterdi memlekettik múlikti esepke alý salasyndaǵy biryńǵaı operatorǵa olardy memlekettik múlik tizilimine qosý úshin usynýdy qamtamasyz etsin. 3. Osy qaýly alǵashqy resmı jarııalanǵan kúninen bastap qoldanysqa engiziledi. Qazaqstan Respýblıkasynyń Premer-Mınıstri   K.MÁSIMOV. Qazaqstan Respýblıkasy Úkimetiniń 2011 jylǵy 20 maýsymdaǵy  № 672 qaýlysymen bekitilgen Memleket baqylaıtyn aksıonerlik qoǵamdardyń, jaýapkershiligi shekteýli seriktestikterdiń jáne memlekettik kásiporyndardyń damý josparlarynyń oryndalýy boıynsha esepterdi ázirleý jáne usyný qaǵıdasy 1. Jalpy erejeler 1. Osy Qaǵıda Qazaqstan Respýblıkasynyń 2011 jylǵy 1 naýryzdaǵy «Memlekettik múlik týraly» Zańynyń 11-baby 9) tarmaqshasyna jáne 185 baby 3-tarmaǵyna sáıkes ázirlengen jáne ulttyq basqarýshy holdıngterdi, ulttyq holdıngterdi jáne ulttyq kompanııalardy sanamaǵanda, memleket baqylaıtyn aksıonerlik qoǵamdardyń (budan ári – AQ), jaýapkershiligi shekteýli seriktestikterdiń (budan ári - JShS) jáne memlekettik kásiporyndardyń damý josparlarynyń oryndalýy boıynsha esepterdi ázirleý tártibin aıqyndaıdy (budan ári – Esep). 2. Osy Qaǵıdada paıdalanylatyn negizgi uǵymdar: 1) uıymdar - memleket baqylaıtyn AQ jáne JShS, memlekettik kásiporyndar; 2) biryńǵaı operator - memlkettik múliktiń esebi salasyndaǵy biryńǵaı operator (budan ári - Biryńǵaı operator) - Qazaqstan Respýblıkasy Úkimetiniń sheshimi boıynsha aıqyndalǵan, oǵan memlekettik múlikti uıymdastyrý men esepke alý salasyndaǵy biryńǵaı tehnıkalyq saıasatty júzege asyrý máseleleri júktelgen zańdy tulǵa 3) atqarýshy organ - atqarýshy organnyń fýnksııasyn derbes júzege asyratyn, ataýy Uıymnyń jarǵysymen aıqyndalatyn alqaly organ nemese tulǵa; 4) tıisti salanyń ýákiletti organy - memlekettik basqarýdyń tıisti salasyn (aıasyn) basqarý jónindegi ýákiletti organ (budan ári - tıisti salanyń ýákiletti organy) - Qazaqstan Respýblıkasynyń Úkimeti aıqyndaǵan, memlekettik basqarýdyń tıisti salasynda (aıasynda) memlekettik basshylyqty júzege asyratyn jáne «Memlekettik múlik týraly» Qazaqstan Respýblıkasynyń Zańynda jáne Qazaqstan Respýblıkasynyń ózge de zańdarynda kózdelgen sharttarda respýblıkalyq múlikke qatysty quqyqtardy ıelenetin ortalyq atqarýshy organ; 5) jergilikti atqarýshy organ (ákimdik) - oblystyń (respýblıkalyq mańyzy bar qalanyń jáne astananyń), aýdannyń (oblystyq mańyzy bar qalanyń) ákimi basqaratyn, óz quzyreti sheginde tıisti aýmaqta jergilikti memlekettik basqarýdy jáne ózin-ózi basqarýdy júzege asyratyn alqaly atqarýshy organ; 6) oblystardyń, respýblıkalyq mańyzy bar qalalardyń, astananyń, aýdandardyń, oblystyq mańyzy bar qalalardyń jergilikti atqarýshy organdary Qazaqstan Respýblıkasynyń 2011 jylǵy 23 qańtardaǵy «Qazaqstan Respýblıkasyndaǵy jergilikti memlekettik basqarý jáne ózin-ózi basqarý týraly» Zańyna sáıkes basqarmalardy (bólimderdi) aksıonerlik qoǵamdardyń memlekettik aksııalar paketin jáne jaýapkershiligi shekteýli seriktestikterdiń qatysý úlesterin, memlekettik zańdy tulǵalar sýbektileri quqyǵyn ıelený jáne paıdalaný qúqyǵyn júzege asyrýǵa, onyń ishinde tıisti salanyń ýákiletti organynyń quzyretine uqsas sheshimder qabyldaýǵa qarjylyq ókilettikter beredi (budan ári-jergilikti bıýdjetten qarjylandyrylatyn atqarýshy organ); 7) elektrondy esep - Uıymnyń baǵdarlamalyq qamtamasyz etýdi paıdalanyp ázirlegen jáne ulttyq rastaýshy ortalyq bergen Uıymnyń elektrondy sandyq qoltańbasy qoıylatyn esep. 2. Esepti ázirleý jáne bekitý tártibi 3. Uıymnyń damý josparynyń oryndalýy boıynsha esep árbir jyldyń qorytyndylary boıynsha ázirlenedi. 4. Damý josparynyń oryndalýy boıynsha esepti ázirleý memlekettik josparlaý jónindegi ýákiletti organ memlekettik múlik jónindegi ýákiletti organmen birlese otyryp aıqyndaǵan bólimderiniń quramyn qosa alǵanda olardyń qurylymyna, kórsetkishteriniń nysandaryna, tizbesine jáne nysandardy toltyrý jónindegi ádistemelik usynymdarǵa sáıkes júzege asyrylady. Damý josparynyń oryndalýy boıynsha Esepti ázirleý jónindegi ádistemelik qamtamasyz etýdi memlekettik josparlaý jónindegi ýákiletti organ júzege asyrady. 5. Eseptiń jobasyn ázirleý jáne bekitý kelesi tártippen oryndalady: 1) tıisti esepti kezeńdegi eseptiń jobasyn ázirleýdi Biryńǵaı operator ázirlegen baǵdarlamalyq qamtamasyz etýdi paıdalana otyryp Uıymnyń atqarýshy organy ázirleıdi. Uıymnyń atqarýshy organy Eseptiń jobasyn dırektorlar keńesine, baqylaý keńesine, tıisti salanyń ýákiletti organy nemese Uıymnyń jergilikti bıýdjetinen qarjylandyrylatyn atqarýshy organǵa engizedi: Bir jyldyń qorytyndylary boıynsha - esepti kezeńinen keıingi úshinshi aıdyń otyzynshy kúninen keshiktirmeı (jedel derekter boıynsha); aýdıttelgen qarjylyq esepti bekitkennen keıin - on bes jumys kúnniń ishinde, biraq esepti jyldan keıin jyldyń birinshi qyrkúıeginen keshiktirmeı. Eskertýler bolǵan jaǵdaıda atqarýshy organ on bes jumys kúniniń ishinde Eseptiń jobasyn pysyqtaıdy jáne ony qaıtadan dırektorlar keńesine, baqylaý keńesine, tıisti salanyń ýákiletti organy nemese Uıymnyń jergilikti bıýdjetten qarjylandyrylatyn atqarýshy organyna engizedi; 2) Eseptiń jobasyn dırektorlar keńesi, baqylaý keńesi, tıisti salanyń ýákiletti organy nemese Uıymnyń jergilikti bıýdjetten qarjylandyrylatyn atqarýshy organy bekitedi: bir jyldyń qorytyndylary boıynsha - esepti kezeńinen keıingi tórtinshi aıdyń otyzynshy kúninen keshiktirmeı (jedel derekter boıynsha); aýdıttelgen qarjylyq esep bekitilgennen keıin - ony qaraýǵa engizgen kúninen bastap on bes jumys kúniń ishinde. Damý josparynyń oryńdalýy boıynsha eseptiń jobasyn bekitý merzimi dırektorlar keńesiniń, baqylaý keńesiniń, tıisti salanyń ýákiletti organyń nemese Uıymnyń jergilikti bıýdjetten qarjylandyrylatyn atqarýshy organyń sheshimi boıynsha, osy Qaǵıdanyń osy tarmaqshada belgilengen merzimnen on jumys kúninen artyq emes merzimge uzartylýy múmkin. 6. Uıym esep bekitilgen kúnnen bastap 5 jumys kúniniń ishinde onyń elektrondy esebin oǵan dırektorlar keńesiniń (baqylaýshy keńestiń, tıisti salanyń ýákiletti organynyń nemese Uıymnyń jergilikti bıýdjetten qarjylandyrylatyn atqarýshy organyń) elektrondy esepti bekitkeni týraly skanerlengen sheshimin qosa otyryp memlekettik múliktiń tizilimine engizý úshin Biryńǵaı operatorǵa jiberedi; 7. Biryńǵaı operator Uıymnyń elektrondy esebi túsken kúnnen bastap bes jumys kúni ishinde onyń elektrondy mekenjaıyna elektrondy esepti memlekettik múlik tizilimine qosqany nemese ony qabyldaýdan bas tartý sebepteri týraly habarlama jiberedi. Uıymnyń elektrondy esebin qabyldaýdan bas tartý negizi elektrondy esebtiń Biryńǵaı operator ázirlegen baǵdarlamalyq qamtamasyz elektrondy formatqa sáıkes kelmeýi. Biryńǵaı operator elektrondy esepti qabyldaýdan bas tartqan jaǵdaıda Uıym eskertýlerdi joıady jáne Esepti qabyldaýdan bas tartý týraly habarlamany alǵan kúnnen bastap on jumys kúniniń ishinde esepti Biryńǵaı operatorǵa qaıtadan engizedi.
Sońǵy jańalyqtar

Almaty qalpyna keltirilýde

Aımaqtar • Keshe

Dalanyń dara kúıshisi

О́ner • Keshe

Uqsas jańalyqtar