02 Shilde, 2011

Qazaqstan Respýblıkasy Úkimetiniń qaýlysy №673

292 ret kórsetildi
2011 jylǵy 20 maýsym                      Astana, Úkimet Úıi Memleket baqylaıtyn aksıonerlik qoǵamdardyń jáne jaýapkershiligi shekteýli seriktestikterdiń, memlekettik kásiporyndardyń damý josparlaryn ázirleý, bekitý, sondaı-aq olardy iske asyrýdyń monıtorıngi men ony baǵalaý qaǵıdasyn bekitý týraly «Memlekettik múlik týraly» Qazaqstan Respýblıkasy Zańynyń 2011 jylǵy 1 naýryzdaǵy 11-babynyń 7) tarmaqshasyna sáıkes Qazaqstan Respýblıkasynyń Úkimeti qaýly etedi: 1. Qosa berilip otyrǵan memleket baqylaıtyn aksıonerlik qoǵamdardyń jáne jaýapkershiligi shekteýli seriktestikterdiń, memlekettik kásiporyndardyń damý josparlaryn ázirleý, bekitý, sondaı-aq olardy iske asyrýdyń monıtorıngi men ony baǵalaý qaǵıdasy bekitilsin. 2. Aksıonerlik qoǵamdar aksııalarynyń baqylaý paketterin, jaýapkershiligi shekteýli seriktestikterdiń jarǵylyq kapıtalyndaǵy memlekettik qatysý úlesterin ıelený jáne paıdalaný quqyǵyn júzege asyratyn nemese memlekettik kásiporyndardy basqaratyn memlekettik organdar (budan ári – memlekettik organdar) aǵymdaǵy jyly óndiristik- sharýashylyq qyzmetti bekitilgen 2011 jylǵa arnalǵan qarjy-sharýashylyq qyzmeti josparynyń negizinde júzege asyrsyn. 3. Memlekettik organdar zańnamada belgilengen tártippen 2012 jyldan bastap memlekettik múlikti esepke alý salasyndaǵy biryńǵaı operatorga memlekettik kásiporyndardyń, memleket baqy­laıtyn aksıonerlik qoǵamdardyń jáne jaýapkershiligi shekteýli seriktestikterdiń damý josparlaryn ázirleýdi jáne olardy memlekettik múlik tizilimine qosý úshin usynýdy qamtamasyz etsin. 4. Osy qaýly alǵashqy resmı jarııalanǵan kúninen bastap qoldanysqa engiziledi. Qazaqstan Respýblıkasynyń Premer-Mınıstri            K.MÁSIMOV. Qazaqstan Respýblıkasy Úkimetiniń  2011jylǵy 20 maýsymdaǵy  №673 qaýlysymen  bekitilgen Memleket baqylaıtyn aksıonerlik qoǵamdardyń jáne jaýapkershiligi shekteýli seriktestikterdiń, memlekettik kásiporyndardyń damý josparlaryn ázirleý, bekitý, sondaı-aq olardy iske asyrýdyń monıtorıngi men ony baǵalaý qaǵıdasy 1. Jalpy erejeler 1. Osy Qaǵıda «Memlekettik múlik týraly» Qazaqstan Respýblıkasynyń 2011 jylǵy 1 naýryzdaǵy Zańynyń 11-babynyń 7) tarmaqshasyna jáne 185-babynyń 2-tarmaǵyna sáıkes ázirlengen jáne ulttyq basqarýshy holdıngterdi, ulttyq holdıngter men ulttyq kompanııalardy qospaǵanda, memleket baqylaıtyn aksıonerlik qoǵamdardyń (budan ári – AQ), jaýapkershiligi shekteýli seriktestikterdiń (budan ári – JShS) jáne memlekettik kásiporyndardyń damý josparlaryn (budan ári – damý jospary) ázirleý, bekitý, sondaı-aq olardy iske asyrýdyń monıtorıngi men ony baǵalaý tártibin aıqyndaıdy. 2. Osy Qaǵıdada paıdalanylatyn negizgi uǵymdar: 1) uıymdar - memleket baqylaıtyn AQ jáne JShS, memlekettik kásiporyndar; 2) biryńǵaı operator – memlekettik múlikti uıymdastyrý men esepke alý salasyndaǵy biryńǵaı tehnıkalyq saıasatty iske asyrý jónindegi mindetter júktelgen, Qazaqstan Respýblıkasy Úkimetiniń sheshimimen aıqyndalǵan zańdy tulǵa; 3) atqarýshy organ – ataýy uıymnyń jarǵysymen aıqyndalatyn, atqarýshy organnyń fýnksııasyn jeke-dara júzege asyratyn alqaly organ nemese tulǵa; 4) tıisti salanyń ýákiletti organy – memlekettik basqarýdyń tıisti salasynda (aıasynda) memlekettik basshylyqty júzege asyratyn jáne «Memlekettik múlik týraly» Qazaqstan Respýblıkasynyń Zańy men Qazaqstan Respýblıkasynyń ózge de zańdarynda kózdelgen sharttarda respýblıkalyq múlikke qatysty quqyqtardy ıelenetin, Qazaqstan Respýblıkasynyń Úkimeti aıqyndaǵan ortalyq atqarýshy organ; 5) jergilikti atqarýshy organ (ákimdik) - oblystyń (respýblıkalyq mańyzy bar qalanyń jáne asta­na­nyń), aýdannyń (oblystyq mańyzy bar qalanyń) ákimi basqaratyn, óz quzyreti sheginde tıisti aýmaqta jergilikti memlekettik basqarýdy jáne ózin-ózi basqarýdy júzege asyratyn alqaly atqarýshy organ; 6) jergilikti bıýdjetten qarjylandyrylatyn atqarýshy organdar - aksıonerlik qoǵamdardyń memlekettik aksııalar paketin jáne jaýapkershiligi shekteýli seriktestikterdegi qatysý úlesterin, memlekettik zandy tulǵalar quqyǵynyń sýbektilerin ıelený jáne paıdalaný quqyǵyn júzege asyrýǵa, onyń ishinde sheshimder qabyldaýǵa ókilettikter berilgen basqarmalar (bólimder); 7) elektrondy esep - uıym baǵdarlamalyq qamtamasyz etýdi paıdalanyp daıyndaǵan jáne uıymnyń kýálandyrýshy ulttyq ortalyq bergen elektrondyq sıfrlyq qoltańbasymen qol qoıylatyn damý jospary. 2. Damý josparlaryn ázirleý jáne bekitý tártibi 3. Damý jospary bes jylǵa jasalady jáne Qazaqstan Respýblıkasynyń strategııalyq jáne baǵdarlamalyq qujattarynda jáne memlekettik organnyń strategııalyq josparynda, aýmaqtardy damytý baǵdarlamasynda baıandalǵan maqsattar men mindetterge sáıkestigi turǵysynan tıisti salanyń ýákiletti organymen nemese jergilikti atqarýshy organmen (jergilikti bıýdjetten qarjylandy­rylatyn atqarýshy organmen) kelisiledi. 4. Uıymnyń damý jospary maqsattardy, mindetterdi, nátıjeler kórsetkishterin jáne ınves­tısııalardy qosa alǵanda, qarjy-sharýashylyq qyzmettiń negizgi biriktirilgen jáne biriktirilmegen kórset­kishterin, kiristerdi, shyǵystardy, qaryzdardy, dıvıdendterdi (taza kiristiń bıýdjetke aýda­rylatyn bóligi), qarjylyq turaqtylyq kórsetkishterin jáne memlekettik josparlaý jónindegi ýáki­let­ti organ memleketik múlikti basqarý jónindegi ýákiletti organmen birlesip aıqyndaǵan damý jospary bólimderiniń qurylymyna, kórsetkishterdiń nysandaryna, tizbesine jáne olardyń quramyn qosa alganda, nysandardy toltyrý jónindegi ádistemelik usynymdarǵa sáıkes kózdeletin basqa da málimetterdi qamtıdy. Damý josparyn ázirleý jónindegi ádisnamalyq qamtamasyz etýdi memlekettik josparlaý jónindegi ýákiletti organ júzege asyrady. 5. Tıisti salanyń ýákiletti organy nemese jergilikti atqarýshy organ (jergilikti bıýdjetten qarjylandyrylatyn atqarýshy organ) josparlanatyn jyldyń aldyndaǵy jyldyń birinshi qyrkúıegine deıin mynalardy ázirleıdi jáne uıymǵa jetkizedi: 1) memlekettik organnyń óziniń strategııalyq josparynda (aýmaqtardy damytý josparynda) kórsetilgen, jıyntyǵynda strategııalyq baǵyttar men maqsattarǵa qol jetkizýge ákeletin uıym qyzmetiniń naqty, ólshenetin baǵdarlary (oqıǵalar, jaǵdaılar). Memlekettik organnyń óziniń strategııalyq josparynda (aýmaqtardy damytý josparynda) kórsetilgen strategııalyq baǵyttar men maqsattardy oryndaý jónindegi uıym qyzmetin sıpattaıtyn baǵdarlar (oqıǵalar, jaǵdaılar) men qyzmettiń túıindi kórsetkishterin uıym damý josparyn ázirlegen kezde eskerýi tıis; 2) memlekettik organnyń óziniń strategııalyq josparynda (aýmaqtardy damytý josparynda) kórsetilgen, strategııalyq baǵyttar men maqsattardy oryndaý jónindegi uıym qyzmetin sıpattaıtyn, sandyq jaǵynan baǵalaýǵa bolatyn ólshemdi túıindi kórsetkishter. Túıindi kórsetkishter tikeleı nátıjelerdi (belgili bir kólemdegi jáne sapadaǵy usynylǵan ónimdi (jumystardy, qyzmetterdi), sodaı-aq túpkilikti nátıjelerdi (olardy alýshylar úshin usynylǵan ónimniń (jumystardyń, qyzmetterdiń) tıimdiligi) kórsetýge tıis. 6. Tıisti josparlanatyn kezeńge arnalǵan damý josparynyń jobasyn ázirleýdi biryńǵaı operator ázirlegen baǵdarlamalyq qamtamasyz etýdi paıdalanyp, atqarýshy organ júzege asyrady. Bul rette josparlanatyn birinshi jyldyń qarjy-sharýashylyq qyzmetiniń negizgi kórsetkishteri tolyq jazylyp (taratylyp), josparlanatyn kelesi jyldary jıyntyqtalyp (jınaqtalyp), jyldarǵa bólinip kórsetiledi. 7. Atqarýshy organ josparlanatyn kezeńniń aldyndaǵy jyldyń birinshi qazanyna deıin tıisti salanyń ýákiletti organyna nemese jergilikti atqarýshy organga (jergilikti bıýdjetten qarjy­landyrylatyn atqarýshy organǵa) damý josparynyń jobasyn qaraýǵa jáne kelisýge jiberedi. Baıqaý keńesi bar sharýashylyq júrgizý qúqyǵyndaǵy memlekettik kásiporyndarda atqarýshy organ damý josparynyń jobasyn tıisti salanyń ýákiletti organyna nemese jergilikti atqarýshy organǵa (jergilikti bıýdjetten qarjylandyrylatyn atqarýshy organ) kelisýge engizbesten buryn josparlanatyn kezeńniń aldyndaǵy jyldyń birinshi qyrkúıegine deıin ony aldyn ala baıqaý keńesimen kelisedi. Tıisti salanyń ýákiletti organy nemese jergilikti atqarýshy organ (jergilikti bıýdjetten qarjylandyrylatyn atqarýshy organ) damý josparynyń jobasyn ol kelip túsken kúnnen bastap on bes jumys kúni ishinde qaraıdy. Eskertýler bolǵan jaǵdaıda, atqarýshy organ on jumys kúni ishinde damý josparynyń jobasyn pysyqtap, ony qaıtadan tıisti salanyń ýákiletti organyna nemese jergilikti atqarýshy organǵa (jergilikti bıýdjetten qarjylandyrylatyn atqarýshy organ) kelisýge usynady. Tıisti salanyń ýákiletti organy nemese jergilikti atqarýshy organ (jergilikti bıýdjetten qarjylandyratyn atqarýshy organ) pysyqtalǵan damý josparynyń jobasyn on jumys kúni ishinde qaraıdy. 8. Atqarýshy organ josparlanatyn kezeńniń aldyndaǵy jyldyń on besinshi qarashasyna deıin kelisilgen damý josparynyń jobasyn aksıonerlik qoǵamnyń dırektorlar keńesiniń (jaýapkershiligi shekteýli seriktestiktiń baıqaý keńesiniń) qaraýyna engizedi. Aksıonerlik qoǵamnyń dırektorlar keńesi (jaýapkershiligi shekteýli seriktestiktiń baıqaý keńesi) damý josparynyń jobasyn ol kelip túsken kúnnen bastap on bes jumys kúni ishinde qaraıdy. Eskertýler bolǵan jaǵdaıda, atqarýshy organ on kúntizbelik kún ishinde damý josparynyń jobasyn pysyqtaıdy jáne ony qaıtadan aksıonerlik qoǵamnyń dırektorlar keńesiniń (jaýapkershiligi shekteýli seriktestiktiń baıqaýshy keńesiniń) qaraýyna usynady. Aksıonerlik qoǵamnyń dırektorlar keńesi (jaýapkershiligi shekteýli seriktestiktiń baıqaý keńesi) pysyqtalǵan damý josparynyń jobasyn on kúntizbelik kún ishinde qaraıdy. 9. Damý josparynyń jobasyn aksıonerlik qogamnyń dırektorlar keńesi, jaýapkershiligi shekteýli seriktestiń baıqaý keńesi, memlekettik kásiporyndar boıynsha – tıisti salanyń ýákiletti organy nemese jergilikti atqarýshy organ (jergilikti bıýdjetten qarjylandyrylatyn atqarýshy organ) josparlanatyn kezeńniń aldyndaǵy jyldyń jıyrma besinshi jeltoqsanyna deıin bekitedi. 10. Uıym damý jospary bekitilgen kúnnen bastap bes jumys kúni ishinde elektrondy esepke aksıonerlik qoǵamnyń dırektorlar keńesiniń (jaýapkershiligi shekteýli seriktestiktiń baıqaý keńesiniń, tıisti salanyń ýákiletti organynyń nemese jergilikti atqarýshy organnyń (jergilikti bıýdjetten qar­jylandyrylatyn atqarýshy organnyń) ony bekitkeni týraly skanerlengen sheshimin qosa tirkep, elek­trondy esepti memlekettik múlik tizilimine (budan ári – Tizilim) qosý úshin biryńǵaı operatorǵa jiberedi. 11. Biryńgaı operator uıymnyń elektrondy esebi túsken kúnnen bastap bes jumys kúni ishinde onyń elektrondy mekenjaıyna elektrondy eseptiń Tizilimine engizgeni týraly nemese ony qabyl­daýdan bas tartý sebepteri týraly habarlama jiberedi. Uıymnyń osy Qaǵıdada kórsetilgen talaptar­dy buzýy biryńǵaı operatordyń elektrondy esepti qabyldaýdan bas tartýy úshin negiz bolyp tabylady. Biryńǵaı operator elektrondy esepti qabyldaýdan bas tartqan jaǵdaıda, uıym eskertýlerdi joıady jáne elektrondy esepti qabyldaýdan bas tartý týraly eskertý alǵan kúnnen bastap, bes jumys kúni ishinde elektrondy esepti biryńǵaı operatorǵa qaıtadan engizedi. 12. Damý josparyna ózgerister men tolyqtyrýlar engizýge aǵymdaǵy jyldyń aıaqtalýyna deıin keminde otyz kúntizbelik kún qalǵanda, bir jylda bir retten asyrmaı mynadaı tártippen ruqsat etiledi: 1) ekinshi jyl: birinshi jyldyń baǵalanýy, ekinshi jyl tolyq jazylyp, kelesi jyldar jıyn­tyqtalyp (jınaqtalyp), engiziletin túzetýlerdi kórsete otyryp, jyldar boıynsha bólingen túrde; 2) úshinshi jyl: birinshi-ekinshi jyldardyń baǵalanýy, úshinshi jyl tolyq jazylyp, kelesi jyldar jıyntyqtalyp (jınaqtalyp), engiziletin túzetýlerdi kórsete otyryp, jyldar boıynsha bólingen túrde; 3) tórtinshi jyl: birinshi-úshinshi jyldardyń baǵalanýy, tórtinshi jyl tolyq jazylǵan, kelesi jyldar jıyntyqtalyp (jınaqtalyp), engiziletin túzetýlerdi kórsete otyryp, jyldar boıynsha bólingen túrde; 4) besinshi jyl: birinshi-tórtinshi jyldardyń baǵalanýy, besinshi jyl tolyq jazylady. Damý josparynyń basqa kórsetkishterin ózgertýge jol berilmeıdi. Atqarýshy organǵa josparly kórsetkishterdiń bekitilgen somalarynyń on paıyzynan aspaıtyndaı shekte damý josparyna ózgerister men tolyqtyrýlardy jylyna eki ret derbes engizýge jol beriledi. 13. Mynadaı jaǵdaılarmen baılanysty damý josparyna ózgerister men tolyqtyrýlar engizýge jol beriledi: 1) Qazaqstan Respýblıkasy Prezıdentiniń eldegi jaǵdaı men ishki jáne syrtqy saıasattyń negizgi baǵyttary týraly Qazaqstan halqyna Joldaýymen, memlekettik josparlaý júıesiniń qujattaryna engiziletin ózgeristermen, sondaı-aq uıymnyń qyzmetine mańyzdy áseri bar ishki jáne syrtqy ortanyń ózgerýimen; 2) uıym qyzmetiniń negizgi baǵytynyń ózgerýimen. 14. Atqarýshy organ aksıonerlik qoǵamnyń dırektorlar keńesine, jaýapkershiligi shekteýli seriktestikterdiń baıqaýshy keńesine, tıisti salanyń ýákiletti organyna nemese jergilikti atqarýshy organǵa (jergilikti bıýdjetten qarjylandyrylatyn atqarýshy organǵa) tıisti negizdemelerimen túzetilgen damý josparynyń jobasyn qaraýǵa usynady. Baıqaý keńesi bar sharýashylyq júrgizý quqyǵyndaǵy memlekettik kásiporynnyń atqarýshy organy damý josparynyń túzetilgen jobasyn ony tıisti salanyń ýákiletti organymen nemese jergilikti atqarýshy organymen (jergilikti bıýdjetten qarjylandyrylatyn atqarýshy organǵa) kelisýge engizgenge deıin aldyn ala baıqaý keńesimen kelisedi. Aksıonerlik qoǵamnyń dırektorlar keńesi, jaýapkershiligi shekteýli seriktestikterdiń baıqaýshy keńesi, tıisti salanyń ýákiletti organy nemese jergilikti atqarýshy organ (jergilikti bıýdjetten qarjylandyrylatyn atqarýshy organ) túzetilgen damý josparynyń jobasyn tıisti negizdemelerimen qosa kelip túsken kúninen bastap on bes jumys kúni ishinde qaraıdy. Eskertýler bolǵan jaǵdaıda atqarýshy organ bes jumys kúni ishinde túzetilgen damý josparynyń jobasyn pysyqtaıdy jáne aksıonerlik qoǵamnyń dırektorlar keńesine, jaýapkershiligi shekteýli seriktestikterdiń baıqaýshy keńesine, tıisti salanyń ýákiletti organyna nemese jergilikti atqarýshy organǵa (jergilikti bıýdjetten qarjylandyrylatyn atqarýshy organ) qaıtadan usynady. Aksıonerlik qoǵamnyń dırektorlar keńesi, jaýapkershiligi shekteýli seriktestikterdiń baıqaýshy keńesi, tıisti salanyń ýákiletti organy nemese jergilikti atqarýshy organ (jergilikti bıýdjetten qarjylandyrylatyn atqarýshy organ) pysyqtalǵan damý josparyn on kún ishinde qaraıdy. 15. Atqarýshy organ damý josparyna túzetýler engizý týraly sheshim qabyldaǵan kúnnen bastap bes jumys kúni ishinde elektrondy esepti osy Qaǵıdanyń 10 jáne 11-tarmaqtaryna sáıkes Tizilimge engizý úshin biryńǵaı operatorǵa berýdi qamtamasyz etedi. 3. Damý josparynyń monıtorıngi jáne iske asyrylýyn baǵalaý 16. Damý josparynyń iske asyrylýyna monıtorıngini tıisti salanyń ýákiletti organy (jergilikti bıýdjetten qarjylandyrylatyn atqarýshy organ) Qazaqstan Respýblıkasynyń strategııalyq jáne baǵdarlamalyq qujattarynyń (aýmaqtardy damytý baǵdarlamasynyń) kórsetkishterin oryndaý týraly aqparatty taldaý jáne qorytý jáne qarjy-sharýashylyq qyzmet kórsetkishterin oryndaý maqsatynda júzege asyrady. 17. Monıtorıng memlekettik josparlaý jónindegi ýákiletti organ jáne bıýdjettiń atqarylýy jónindegi ortalyq ýákiletti organ bekitken, damý josparynyń iske asyrylý monıtorıngin júrgizý úshin esepti aqparatty usyný formatyn qamtıtyn Memlekettik múlikti basqarý tıimdiliginiń monıtorıngi jáne baǵalaý jónindegi ádistemelik usynymdarǵa sáıkes júzege asyrylady. 18. Memleket baqylaıtyn AQ men JShS damý josparynyń iske asyrylýyn baǵalaýdy aýdıttelgen qarjylyq esepti bekitkennen keıin, olardyń dırektorlar keńesi, baıqaý keńesi, memlekettik kásiporyndardikin - tıisti salasynyń ýákiletti organy nemese jergilikti atqarýshy organ (jergilikti bıýdjetten qarjylandyrylatyn atqarýshy organ) júzege asyrady. 19. Uıymnyń damý josparynyń júzege asyrylýyn baǵalaý tizbesiniń kórsetkishteri: 1) uıymnyń damý josparynyń oryndalýyn eldiń baǵdarlamalyq jáne strategııalyq qujattarynyń oryndalýyna sáıkestigine; 2) uıym qyzmetiniń qarjy kórsetkishteriniń oryndalýyn; 3) ınvestısııalyq (ınnovasııalyq) jobalardyń iske asyrylýyn; 4) korporatıvtik basqarýdy; 5) basqa da maqsattardyń, mindetterdiń oryndalýy jáne uıymnyń bekitilgen damý josparynda kórsetilgen qyzmetterdiń boljamdy túıindi kórsetkishterine qol jetkizýdi baǵalaýdy qamtıdy. 20. Damý josparyn iske asyrýdy baǵalaý nátıjelerin atqarýshy organ biryńǵaı operatorǵa damý josparynyń iske asyrylýyn baǵalaý bekitilgennen keıin bes kún ishinde aksıonerlik qoǵamnyń dırektorlar keńesi, jaýapkershiligi shekteýli seriktestiktiń baıqaý keńesi, tıisti salanyń ýákiletti organy nemese jergilikti atqarýshy organ (jergilikti bıýdjetten qarjylandyrylatyn atqarýshy organ) sheshiminiń skanerlengen kóshirmesimen qosa usynady.
Sońǵy jańalyqtar

Ábilhan kásipqoı boksqa aýysty ma?

Kásipqoı boks • Búgin, 12:39

7361 týrıst elge oraldy

Qoǵam • Búgin, 12:20

Rezervte qansha dáriger bar?

Koronavırýs • Búgin, 12:16

Qazposhta tarıfter qunyn tómendetti

Qazaqstan • Búgin, 11:55

Qor naryǵynda dollar taǵy arzandady

Ekonomıka • Búgin, 11:46

Elde shekteý sharalary kúsheıtildi

Koronavırýs • Búgin, 11:45

Qanat Islam reıtıngte tómendedi

Kásipqoı boks • Búgin, 10:30

«Sary» aımaqta jalǵyz-aq óńir qaldy

Koronavırýs • Búgin, 09:56

Jańa bapkerlerge úmit artamyz

Kúres • Búgin, 09:47

1142 adam koronavırýstan saýyqty

Koronavırýs • Búgin, 09:05

Jánibek tórtinshi orynda

Boks • Búgin, 08:59

Qańtarda adasqan qarshyǵa

Qazaqstan • Búgin, 08:57

Tuńǵysh ret qatysady

Qysqy sport • Búgin, 08:55

Shyrshalar «shyryldamaıdy»

Aımaqtar • Búgin, 08:52

Býblık ekinshi kezeńge ótti

Tennıs • Búgin, 08:50

Uqsas jańalyqtar