02 Shilde, 2011

Rozanyń jańa konserttik baǵdarlamasy

275 ret kórsetildi
Jyl saıyn bolatyn Astana kúni merekesi qazaq­stan­dyqtar úshin asa qadirli ári dýmandy kún bolyp esepteledi. Sebebi, enshisi bó­lin­be­gen, irgesi sógilmegen egemen eldiń bul uly toıyn toı­laý bárimiz úshin zor maq­tanysh bolyp tabylmaq. Bı­ylǵy merekelik dýmandy sha­ralar da óz erekshelikterimen árbir adamnyń júre­gin­de máńgi qalatyny sózsiz. Astana kúni merekesi aıa­synda uıymdastyrylatyn mádenı is-sharalardyń ishinde 2 shilde kúni Astana qa­la­syndaǵy Kogress-Hollda Qa­zaq­stan Respýblıkasynyń Ha­lyq ártisi Roza Rymbaeva shyǵarmashylyǵynyń 35 jyl­dyǵyna arnalǵan «Araıly Astana» konserti de bar. Roza Rymbaevanyń bul jolǵy konsertiniń mańyzdylyǵyn bilý úshin keshe uıym­das­ty­rýshylar tarapynan bolǵan atalmysh konserttiń bas­pa­sóz konferensııasyna biz de qatysyp qaıtqan edik. Shyǵarmashylyqtyń as­qa­raly asýyna óziniń eń­be­gimen jetken  Roza Rym­baeva sahnada júrgen 35 jyl ishinde talaı ánjı­naq­tar shy­ǵaryp, talaı ándi shyr­qap, kez kelgen adamnyń júre­gi­nen jyly oryn ala bildi. Roza esimi «Gúlder», «Araı» ansamblderimen tyǵyz baı­lanysty ekenin onyń shy­ǵar­mashylyǵymen tanys ár­bir ónerdi súıetin adam jaqsy biledi. Bul jolǵy konserttiń ereksheligine jýrnalıstermen bolǵan baspasóz kon­fe­rensııasynda Roza Rym­bae­va arnaıy toqtaldy. Onyń aı­tý­ynsha, aty ańyzǵa aınal­ǵan «Araı» ansambliniń bu­rynǵy quramy tuńǵysh ret merekelik konserttiń qur­me­tine oraı qaıta bas qospaq eken. Baıǵalı Serkebaev, «A-Stýdıonyń» ánshisi Vladımır Mıkloshıch, Batyrhan Shúkenov, Bolat Syzdyqov, Nadjıb Vıldanov jáne Saǵynaı Abdýllın syndy sahna sańlaqtary Roza Rym­baevamen birge án shyr­qamaq. «Meniń bul jolǵy konsertim elime, halqyma, Astanama arnalady. «Astana – Aq ordam» degen ánmen kon­serttiń shymyldyǵyn asha­myn. Al eń sońynda «Araı­ly Astana» áni shyrqalady. Repertýarymdaǵy osy eki án elordaǵa arnalmaq. Aıty­la­tyn ánder óte kóp. Alaıda olardy bir konserttik baǵ­dar­lamaǵa syıdyrý óte qı­yn. Sondyqtan da tańdap, tal­dap júrip baǵdarlamaǵa sáıkes ánderdi iriktep al­dym. Bir aıta ketetin nárse, Uly Otan soǵysynyń baty­ry – Álııa Moldaǵulovaǵa ar­nalǵan «Álııa» ánin men árbir konsertimde oryndaýǵa tıispin. Onsyz konsertim sátti shyqpaıtyndaı kórinedi de tu­ra­dy. Árbir konsert bary­syn­da maǵan orkestrdiń qol­daýy asa qajet. Bul jolǵy keshtiń de jaýapty salmaǵy orkestrge túsetin bolady. Konserttiń kóńilimdegideı shyǵatynyna kámil senemin. Senim joq jerde jemistiń de bolmaıtyny sekildi, qasym­da­ǵy qoldaý kórsetken bar­lyq jandarǵa senýge tıispin», – dedi halyq ártisi Roza Rymbaeva. Baspasóz konferensııa­sy­na qatysqan Batyrhan Shú­kenov pen Bolat Syz­dy­qov ta, konsert dırıjeri Ar­týr Arenbýrgskıı men ánshi Baı­ǵalı Serkebaev ta Roza Rym­baevanyń jeke adam­gershilik qasıetteri men shyǵarma­shy­lyqtaǵy adal­dy­­ǵyna toqta­lyp, ómirlik es­telikterden syr shertetin áńgimelerin or­taǵa saldy. Búgingi óner salasyn­daǵy jetken jetistikterin de Roza Rymbaevamen baıla­nys­tyratyndyqtaryn ja­syr­ma­dy. Merekelik kon­sert­tiń qur­metti qonaǵy Bol­garııadan kelgen Orlın Garanov bolatyny da bas­pa­sóz konferensııasy bary­syn­da belgili boldy. Araı ÚIRENIShBEKQYZY.
Sońǵy jańalyqtar

Amanatqa adaldyq

Ádebıet • Keshe

Jantórın jańalyǵy

Kıno • Keshe

Azattyq úshin arpalysqan

Tarıh • Keshe

Dıllıan Ýaıt qaharyna mindi

Kásipqoı boks • Keshe

Uqsas jańalyqtar