05 Shilde, 2011

Sýretshiler sımpozıýmy

216 ret kórsetildi
О́tken jeksenbide Astana kúni merekesiniń mádenı is-sharalar baǵ­darlamasy aıasynda «Astana-Báı­terek» monýmenti janynda Qa­zaq­stan sýretshileriniń respýblıka­lyq sımpozıýmy óz jumysyn bastady. El táýelsizdiginiń 20 jyldyq shejiresinde elimizdiń ekonomı­ka­sy, bilimi men ǵylymy, óneri men mádenıeti ǵaryshty qarqynmen da­my­dy. Jańa astananyń búgingi ba­lamasyz sáni men sáýletine Sýretshiler odaǵy shyǵarmashylyq ujy­my­nyń qosqan úlesi mol. Qaladaǵy «Qazaq Eli», «Jer Ana» eskertkish-monýmentteri, «Araı» etnosaıaba­ǵyn­daǵy músindik jobalar, Abaı, Bógenbaı, Jánibek pen Kereı, Sá­ken Seıfýllın eskertkishteri qala boıynsha landshaftyq dekoratıvtik pishinder, Aqorda, Saltanat sa­ra­ıy, Májilis, Úkimet úıi, ákim­shilik ǵımarattary ıntererleri qa­zaqstandyq sýretshilerdiń keskindeme týyndylarymen bezendirilse, «Dýman» oıyn-saýyq orta­ly­­ǵynyń, «Djýnglı» attraksıo­ny­nyń, kórkem-dekoratıvti ju­mys­tary tolyǵymen Astana qala­sy sýretshileriniń qolynan shyq­qan. Al mundaı aýqymdy shara­lar­dyń is júzine asýy sýretshilerge degen memleket tarapynan kórse­til­gen úlken senim ekendigi sózsiz. Beıneleý óneri boıynsha álem­de sımpozıýmdar men túrli forýmdar udaıy uıymdastyrylyp oty­rady. Osy jyldyń ózinde 330-dan asa mańyz­dy sımpozıýmdar, konferensııalar, kórmeler men forýmdar ótkizý isi josparlanǵan. Sol shara­lardyń biregeıi – Qazaqstan sýret­shileriniń respýblıkalyq sımpo­zıý­my. Ony ótkizýdegi basty maq­sat – beıneleý ónerin nasıhattaý, qala turǵyndary men qonaqtaryn res­pýb­lıkamyzdyń barlyq oblys­tary­nan kelgen sýretshiler shyǵar­ma­shylyǵymen tanys­tyrý, sýretshiler arasynda táji­rıbe almas­tyrý. Elimizdiń 14 oblysynan kelgen 22 qylqalam sheberleri qatysqan sımpozıýmda Parlament Senaty­nyń depýtaty Ǵarıfolla Esim: «Adam ómirge kelgende ásemdikke qushtar bo­la­dy ǵoı. Biraq, óse kele sol ásem­dikke qushtar qasıetti óz boıynda saqtaı alady ma? Kóp jaǵdaıda saq­taı almaı qalamyz. Sol bir jaqsy daǵdyny boıynda ustap qalatyn adamdardyń tobyn sýretkerler quraıdy. Sondyq­tan da biz sizderge bas ıemiz», – dese, Sýretshiler oda­ǵy basqarma­sy­nyń tóraǵasy Baıtur­syn О́mir­bekov: «Astana qalasynyń ákim­shi­ligi, Mádenıet basqarmasy uıym­­das­tyryp otyrǵan osynaý shara­nyń mańyzy óte zor. Qolǵa alynyp otyrǵan jańa bastamanyń aıaǵy keremet sharalarǵa ulasady dep oılaı­myn. Mundaı izgi bastamalar máde­nıettiń damýyna yqpal etetin bir­den-bir sara jol», – dedi. Sýretshiler odaǵynyń shyǵar­mashylyq ujymy halyqaralyq, respýblıkalyq deńgeıdegi kórm­e­lerge, baıqaýlarǵa, sondaı-aq sım­pozıýmdarǵa qatysyp, el má­de­n­ıetin shet elderge tanytyp, abyroımen eńbek etýde. Bul rette, Astana qalasy Sýretshiler odaǵynyń basqarma tóraǵasy Qo­ńyr Muhamedıev 2007 jyly Astanada álemniń 12 memleketinen shaqyrylǵan halyqaralyq tany­mal sýretshiler sımpozıýmy ót­ken­digin aıta kele: «Búgin Táýel­siz Qazaqstannyń barlyq oblys­tarynan shaqyrylǵan beıneleý óneriniń belgili qaıratkerleriniń basyn qosyp, shalǵaıdaǵy sýret­shilerimizdiń ónerimen Astana jurtshylyǵyn, qala qonaqtaryn tanystyryp, dúbirli merekemiz­diń tamasha bir bóligi retinde uıymdastyryp otyrmyz», – dep atap kórsetti. Sımpozıýmǵa qaty­sý­shy áriptesteriniń jumy­s­tary­na shyǵarmashylyq tabys, merekelik kóńil-kúı tiledi. Sımpozıýmǵa qatysýshy sý­ret­shilerdiń bir toby «Báıterek» monýmenti janyndaǵy sýly-ja­syl aımaqta sheberlik mektebin ót­kizse, ekinshi top Esil ózeni jaǵa­syndaǵy «Astana kórinis­teri» atty plenarlyq jumys­tar­ǵa qa­tys­ty. 4-shi shilde kúni atalǵan eki top oryn aýystyrdy. 5-shi shildede qylqalam sheberleri «Táýel­siz­dik jyldaryndaǵy beıneleý óne­ri­niń qalyptasý ke­ze­ńi» taqyry­bynda dóńgelek ús­tel, «Táýel­sizdiktiń 20 jyldy­ǵy» atty sheberlik mektebin uıym­­dastyrsa, Astana kúni merekesi atalatyn 6-shy shildede sım­po­zıým­nyń saltanat­ty jabylý rásimi ótedi dep josparlanýda. Sondaı-aq, sheberlik synyby konkýrsy aıasynda sýretshilerge aqshalaı syılyqtar tap­sy­ryla­tyn bolady. Juldyz BAIDILDA.
Sońǵy jańalyqtar

Amanatqa adaldyq

Ádebıet • Keshe

Jantórın jańalyǵy

Kıno • Keshe

Azattyq úshin arpalysqan

Tarıh • Keshe

Dıllıan Ýaıt qaharyna mindi

Kásipqoı boks • Keshe

Uqsas jańalyqtar