09 Shilde, 2011

Qazaqstan Respýblıkasy Úkimetiniń qaýlysy №479

199 ret kórsetildi
2011 jylǵy 3 mamyr                                 Astana, Úkimet Úıi О́rt qaýipsizdigi salasyndaǵy qaterlerdi baǵalaý jónindegi eseptemelerdi júrgizý qaǵıdasyn bekitý týraly «О́rt qaýipsizdigi týraly» Qazaqstan Respýblıkasynyń 1996 jylǵy 22 qarashadaǵy Zańyna sáıkes Qazaqstan Respýblıkasynyń Úkimeti qaýly etedi: 1. Qosa berilip otyrǵan О́rt qaýipsizdigi salasyndaǵy qaterlerdi baǵalaý jónindegi eseptemelerdi júrgizý qaǵıdasy bekitilsin. 2. Osy qaýly alǵashqy resmı jarııalanǵanynan keıin kúntizbelik on kún ótken soń qoldanysqa engiziledi. Qazaqstan Respýblıkasynyń Premer-Mınıstri       K.MÁSIMOV. Qazaqstan Respýblıkasy Úkimetiniń 2011jylǵy 3 mamyrdaǵy № 479 qaýlysymen bekitilgen О́rt qaýipsizdigi salasyndaǵy qaterlerdi baǵalaý jónindegi eseptemelerdi júrgizý qaǵıdasy 1. Osy О́rt qaýipsizdigi salasyndaǵy qaterlerdi baǵalaý jónindegi eseptemelerdi júrgizý qaǵıdasy (budan ári - Qaǵıda) «О́rt qaýipsizdigi týraly» Qazaqstan Respýblıkasynyń 1996 jylǵy 22 qarashadaǵy Zańyna sáıkes ázirlengen jáne órt qaterleriniń shamalaryn aıqyndaý tártibin anyqtaıdy. 2. Qaǵıdada mynadaı termınder qoldanylady: 1) jeke órt qateri (órt kezinde adam óliminiń qateri) - órttiń qaýipti faktorlarynyń áser etýi nátıjesinde jekelegen adam ólimi yqtımaldyǵynyń sandyq sıpattamasy; 2) órt qateri - órt qaýiptiliginiń jáne adamdar men materıaldyq qundylyqtar úshin onyń zardaptarynyń taralý yqtımaldyǵynyń sandyq sıpattamasy; 3) óndiristik obektiler - ónerkásiptik jáne aýyl sharýashylyǵy maqsatyndaǵy obektiler, onyń ishinde qoımalar, ınjenerlik jáne kólik ınfraqurylymy (temirjol, avtomobıl, ishki sý, teńiz, áýe jáne magıstraldyq qubyr kóligi), baılanys obektileri; 4) áleýmettik órt qateri (órt kezinde adamdardyń jappaı óliminiń qateri) - órttiń qaýipti faktorlarynyń áser etýi nátıjesinde on jáne odan astam adam ólimi yqtımaldyǵynyń sandyq sıpattamasy. 5) qonystaný aımaǵy - turǵyn úı qoryn, qoǵamdyq ǵımarattar men qurylystardy, sondaı-aq jekelegen kommýnaldyq obektilerdi ornalastyrýǵa arnalǵan óndiristik obekti aýmaǵynyń bóligi. 3. О́rt qaterleriniń eseptik shamalaryn aıqyndaý: 1) ǵımarattardyń órt qaýiptiligin taldaý; 2) órt qaýipti jaǵdaılardyń týyndaý jıiligin anyqtaý; 3) órttiń ár túrli órshý ssenarııleri úshin onyń qaýipti faktorlarynyń alańdaryn salý; 4) órttiń qaýipti faktorlarynyń onyń ár túrli órshý ssenarııleri úshin adamdarǵa áser etý zardaptaryn baǵalaý; 5) ǵımarattardyń órt qaýipsizdigin qamtamasyz etý júıeleriniń bolýy negizinde júzege asyrylady. 4. О́rt qaterleriniń mánderin esepteý úshin Qazaqstan Respýblıkasynyń aýmaǵynda qoldaný úshin ruqsat etilgen memlekettik, memleketaralyq, halyqaralyq standarttardyń tehnıkalyq reglamentteri, belgilengen tártippen bekitilgen órt qaýipsizdigi salasyndaǵy normatıvtik qujattar qoldanylady. 5. Ǵımarattaǵy adamǵa órttiń qaýipti faktorlarynyń áser etý jıiligi qoǵamdyq ǵımarattar úshin jeke órt qateriniń sandyq máni bolyp tabylady. 6. О́rttiń qaýipti faktorlarynyń áser etý jıiligi ǵımarattaǵy adamdardyń ómiri men densaýlyǵy úshin edáýir qaýiptiligimen sıpattalatyn órt qaýipti jaǵdaı úshin anyqtalady. 7. Qoǵamdyq ǵımarattar úshin jeke órt qateriniń eseptik shamasy mynadaı kórsetkishter qoldanyla otyryp aıqyndalady: 1) ǵımaratta jyl boıy órttiń týyndaý jıiligi; 2) avtomatty órt sóndirý qondyrǵylarynyń tıimdi iske qosylý yqtımaldyǵy; 3) ǵımaratta adamdardyń bolý yqtımaldyǵy; 4) adamdardy kóshirý yqtımaldyǵy; 5) órt kezinde adamdardy qaýipsiz kóshirýdi qamtamasyz etýge baǵyttalǵan órtten qorǵaý júıesiniń tıimdi jumys isteý yqtımaldyǵy. 8. О́ndiristik obektiler úshin órt qateriniń eseptik shamalary obektiniń órt qaýiptiliginiń jáne adamdar úshin onyń zardaptarynyń taralý yqtımaldyǵynyń sandyq ólshemi bolyp tabylady. О́rttiń qaýipti faktorlarynyń áser etýi nátıjesinde adamdar óliminiń qateri óndiristik obektiniń órt qaýiptiliginiń yqtımaldyǵynyń sandyq ólshemi bolyp tabylady, onyń ishinde: 1) obekt jumyskeri óliminiń qateri; 2) obekt mańyndaǵy qonystaný aımaǵyndaǵy adamdar óliminiń qateri. 9. Obektide órttiń qaýipti faktorlarynyń áser etýi nátıjesinde adamdar óliminiń qateri jeke jáne áleýmettik órt qaterleriniń sandyq mánderimen sıpattalady. 10. О́ndiristik obektiler úshin jeke jáne áleýmettik órt qaterleri mánderiniń esebi ǵımarattarda jáne obekt aýmaǵynda, sondaı-aq obekt mańyndaǵy qonystaný aımaǵynda júrgiziledi. 11. О́ndiristik obektiniń jumyskerleri úshin jeke órt qateri obektiniń belgili bir jumyskeriniń jyl boıynda órttiń qaýipti faktorlarymen zaqymdaný jıiligimen baǵalanady. Obektiniń aýmaǵy sektorlarǵa bólinedi. Obektiniń sektorlary men jumyskerleri nómirlenedi. Jumyskerdiń nómiri jumysker laýazymynyń ataýyn, onyń sanatyn jáne órt qaýipsizdigin baǵalaý úshin qajetti onyń kásibı qyzmeti boıynsha ózge de erekshelikterin anyqtaıdy. Obekt júmyskeri úshin ony edáýir qaýipti kásiptiń bir sanatyna jatqyza otyryp, jeke qater esebin júrgizýge ruqsat etiledi. 12. О́ndiristik obekt jumyskeriniń jeke órt qateri jumysker obekt aýmaǵynda jáne ǵımarattarynda bolǵan kezdegi jeke órt qateri shamalarynyń jıyntyǵy retinde aıqyndalady. 13. Obekt jumyskeri úshin ol obekt aýmaǵynda bolǵan kezde jeke órt qateriniń eseptik shamasy mynadaı kórsetkishter qoldanyla otyryp aıqyndalady: 1) órt qaýipti jaǵdaılardyń órshý ssenarııleriniń sany; 2) oqıǵaǵa sebep bolǵan belgili bir avarııaǵa saı keletin órt qaýipti jaǵdaılardyń órshý ssenarııiniń taralý nátıjesinde belgili bir aýmaqtyń núktesinde adamnyń zaqymdanýynyń shartty yqtımaldyǵy; 3) órt qaýipti jaǵdaılardyń órshý ssenarııiniń jyl boıynda taralý jıiligi; 4) jumyskerdiń obekt aýmaǵynyń belgili bir sektorynda bolý yqtımaldyǵy. 14. Jumysker obekt ǵımaratynda bolǵan kezde ol úshin jeke órt qateriniń eseptik shamasy mynadaı kórsetkishter qoldanyla otyryp aıqyndalady: 1) ǵımaratta órttiń týyndaý ssenarııleriniń sany; 2) órttiń belgili bir ssenarııiniń jyl boıynda taralý jıiligi; 3) belgili bir órt ssenarııiniń taralý kezinde úı-jaıda adam bolǵan kezde onyń zaqymdanýynyń shartty yqtımaldyǵy; 4) úı-jaıda jumyskerdiń bolý yqtımaldyǵy; 5) ǵımarattaǵy, qurylystaǵy jáne qurylymdaǵy úı-jaılardyń sany. 15. Obekt úshin áleýettik órt qateri 10 jáne odan astam adamnyń ólimine ákeletin oqıǵalardyń týyndaý jıiligine teń etip qabyldanady. Obekt mańyndaǵy qonystaný aımaǵyndaǵy adamdar úshin áleýmettik qater mynadaı kórsetkishter qoldanyla otyryp anyqtalady: 1) órt qaýipti jaǵdaılardyń (órtterdiń) órshý ssenarııleriniń sany; 2) órttiń, jarylystyń qaýipti faktorlarynyń áser etýi belgili bir ssenarııdiń taralý nátıjesinde obektiniń mańyndaǵy qonystaný aımaǵynda qaza tapqan adamdardyń ortasha sany; 3) obektige irgeles ornalasqan aýmaq bólingen sektorlardyń sany; 4) belgili bir ssenarııdiń taralý kezinde sektordaǵy adamnyń qaýipti faktorlarmen zaqymdanýynyń shartty yqtımaldyǵy; 5) sektordaǵy adamdardyń ortasha sany.
Sońǵy jańalyqtar

Almaty qalpyna keltirilýde

Aımaqtar • Keshe

Dalanyń dara kúıshisi

О́ner • Keshe

Uqsas jańalyqtar