12 Shilde, 2011

Qazaqstan Respýblıkasy Úkimetiniń qaýlysy №686

200 ret kórsetildi
2011 jylǵy 22 maýsym  Astana, Úkimet Úıi Sharýashylyq júrgizý quqyǵyndaǵy memlekettik kásiporyndarda baıqaý keńesin qurý qaǵıdasyn, baıqaý keńesiniń quramyna saılanatyn adamdarǵa qoıylatyn talaptardy, sondaı-aq Baıqaý keńesiniń múshelerin konkýrstyq irikteý jáne olardyń ókilettigin merziminen buryn toqtatý qaǵıdasyn bekitý týraly «Memlekettik múlik týraly» Qazaqstan Respýblıkasynyń 2011 jylǵy 1 naýryzdaǵy Zańynyń 148-babynyń 2-tarmaǵyna sáıkes Qazaqstan Respýblıkasynyń Úkimeti qaýly etedi: 1. Qosa berilip otyrǵan: 1) Sharýashylyq júrgizý quqyǵyndaǵy memlekettik kásiporyndarda baıqaý keńesin qurý qaǵıdasy; 2) sharýashylyq júrgizý quqyǵyndaǵy memlekettik kásiporyndardaǵy baıqaý keńesiniń quramyna saılanatyn adamdarǵa qoıylatyn talaptar; 3) Baıqaý keńesiniń múshelerin konkýrstyq irikteý jáne olardyń ókilettigin merziminen buryn toqtatý qaǵıdasy bekitilsin. 2. Osy qaýly alǵashqy resmı jarııalanǵan kúninen bastap qoldanysqa engiziledi.   Qazaqstan Respýblıkasynyń Premer-Mınıstri K.MÁSIMOV. Qazaqstan Respýblıkasy Úkimetiniń 2011 jylǵy «22» maýsymdaǵy №686 qaýlysymen bekitilgen   Sharýashylyq júrgizý quqyǵyndaǵy memlekettik kásiporyndarda baıqaý keńesin qurý qaǵıdasy 1. Jalpy erejeler Osy Qaǵıda «Memlekettik múlik týraly» Qazaqstan Respýblıkasynyń 2011 jylǵy 1 naýryzdaǵy Zańynyń 148-babynyń 2-tarmaǵyna sáıkes ázirlendi jáne bilim berý men densaýlyq saqtaý salalarynda baıqaý keńesi bar sharýashylyq júrgizý quqyǵyndaǵy memlekettik kásiporyndy qurý tártibin, sondaı-aq bilim berý jáne densaýlyq saqtaý salalarynda jumys isteıtin sharýashylyq júrgizý quqyǵyndaǵy memlekettik kásiporyndarda baıqaý keńesin engizý tártibin aıqyndaıdy.   2. Sharýashylyq júrgizý quqyǵyndaǵy memlekettik kásiporyndarda baıqaý keńesin qurý tártibi 1. Tıisti saladaǵy ýákiletti organ Qazaqstan Respýblıkasy Úkimetiniń bekitilgen sharýashylyq júrgizý quqyǵyndaǵy memlekettik kásiporyndarǵa qoıylatyn ólshemderge sáıkes sharýashylyq júrgizý quqyǵyndaǵy respýblıkalyq memlekettik kásiporynǵa baıqaý keńesin engizý týraly nemese baıqaý keńesi bar sharýashylyq júrgizý quqyǵyndaǵy respýblıkalyq memlekettik kásiporyn qurý týraly usynystardy jáne bekitilgen tártippen ázirlenip, kelisilgen Qazaqstan Respýblıkasy Úkimetiniń tıisti sheshiminiń jobasyn Qazaqstan Respýblıkasynyń Úkimetine bir mezgilde engizedi. 2. Jergilikti bıýdjetten qarjylandyrylatyn atqarýshy organ Qazaqstan Respýblıkasy Úkimetiniń bekitilgen sharýashylyq júrgizý quqyǵyndaǵy memlekettik kásiporyndarǵa qoıylatyn ólshemderge sáıkes sharýashylyq júrgizý quqyǵyndaǵy kommýnaldyq memlekettik kásiporynda baıqaý keńesin engizý týraly nemese baıqaý keńesi bar sharýashylyq júrgizý quqyǵyndaǵy kommýnaldyq memlekettik kásiporyn qurý týraly jáne bekitilgen tártippen ázirlenip, kelisilgen jergilikti atqarýshy organnyń tıisti sheshiminiń jobasyn jergilikti atqarýshy organǵa bir mezgilde engizedi. 3. Sharýashylyq júrgizý quqyǵyndaǵy memlekettik kásiporynda baıqaý keńesin engizý nemese baıqaý keńesi bar sharýashylyq júrgizý quqyǵyndaǵy memlekettik kásiporyn qurý týraly Qazaqstan Respýblıkasy Úkimetiniń (jergilikti atqarýshy organnyń) tıisti sheshimi qabyldanǵannan keıin tıisti saladaǵy ýákiletti organ (jergilikti atqarýshy organ): baıqaý keńesi týraly erejeni, baıqaý keńesin shaqyrý men otyrys ótkizý tártibin bekitedi; Qazaqstan Respýblıkasynyń Úkimeti bekitken Sharýashylyq júrgizý quqyǵyndaǵy memlekettik kásiporyndardaǵy baıqaý keńesiniń múshelerin konkýrstyq irikteý qaǵıdasyna sáıkes baıqaý keńesiniń quramyna úmitkerlerdi konkýrstyq irikteýdi júrgizedi; baıqaý keńesiniń quramyn qalyptastyrady jáne bekitedi. 4. Baıqaý keńesi týraly erejeni, sharýashylyq júrgizý quqyǵyndaǵy memlekettik kásiporyndaǵy baıqaý keńesiniń otyrystaryn shaqyrý jáne ótkizý tártibin tıisti salanyń ýákiletti organy (jergilikti atqarýshy organ) bekitedi. 5. Sharýashylyq júrgizý quqyǵyndaǵy memlekettik kásiporyndardaǵy baıqaý keńesi músheleriniń sany taq bolýǵa jáne keminde bes adamnan quralýǵa tıis. Memlekettik kásiporynnyń basshysyn qospaǵanda, baıqaý keńesiniń músheleri sharýashylyq júrgizý quqyǵyndaǵy memlekettik kásiporyn jumyskerleriniń shtatyna kirmeıdi. Baıqaý keńesiniń tóraǵasy baıqaý keńesi músheleriniń kópshilik daýysymen baıqaý keńesi músheleriniń qatarynan saılanady. Memlekettik kásiporyn basshysy baıqaý keńesiniń tóraǵasy bolyp saılana almaıdy. 6. Baıqaý keńesiniń quramyna tıisti saladaǵy ýákiletti organnyń (jergilikti atqarýshy organnyń) ókilderi, sharýashylyq júrgizý quqyǵyndaǵy memlekettik kásiporyn basshysy jáne Qazaqstan Respýblıkasy Úkimetiniń qaýlysymen bekitilgen Sharýashylyq júrgizý quqyǵyndaǵy memlekettik kásiporyndaǵy baıqaý keńesiniń múshelerin konkýrstyq irikteý qaǵıdasyna sáıkes konkýrstyq tártippen saılanatyn ózge de tulǵalar kiredi. 7. Sharýashylyq júrgizý quqyǵyndaǵy memlekettik kásiporynnyń baıqaý keńesi músheleriniń ókilettik merzimi úsh jyldy quraıdy. _________________________     Qazaqstan Respýblıkasy Úkimetiniń 2011 jylǵy «22» maýsymdaǵy №686 qaýlysymen bekitilgen   Sharýashylyq júrgizý quqyǵyndaǵy memlekettik kásiporyndardaǵy baıqaý keńesiniń quramyna saılanatyn adamdarǵa qoıylatyn talaptar   1. Bilim berý jáne densaýlyq saqtaý salasyndaǵy sharýashylyq júrgizý quqyǵyndaǵy memlekettik kásiporyndardaǵy baıqaý keńesterine saılanatyn adamdarǵa qoıylatyn talaptar: 1) ekonomıka, quqyq, bilim berý nemese densaýlyq saqtaý salalaryndaǵy joǵary biliminiń; 2) bilim berý nemese densaýlyq saqtaý salalaryndaǵy basshylyq qyzmette (zańdy tulǵa basshysy nemese onyń orynbasarlary) kem degende bes jyl jumys tájirıbesiniń bolýyn qamtıdy. 2. Mynadaı: 1) Qazaqstan Respýblıkasynyń zańnamasynda belgilengen tártippen sottylyǵy ótelmegen nemese alynbaǵan; 2) buryn sharýashylyq júrgizý quqyǵyndaǵy osy memlekettik kásiporynnyń basshysy bolǵan; 3) buryn sybaılas jemqorlyq quqyq buzýshylyq jasaǵan; 4) baıqaý keńesiniń basqa múshesimen nemese memlekettik kásiporyn basshysymen jaqyn týystyq jáne týystyq qatynastaǵy adamdy baıqaý keńesiniń múshesi retinde saılaýǵa bolmaıdy. _________________________     Qazaqstan Respýblıkasy Úkimetiniń 2011 jylǵy «22» maýsymdaǵy №686 qaýlysymen bekitilgen   Baıqaý keńesiniń múshelerin konkýrstyq irikteý jáne olardyń ókilettigin merziminen buryn toqtatý qaǵıdasy 1. Jalpy erejeler 1. Osy Qaǵıda «Memlekettik múlik týraly» Qazaqstan Respýblıkasynyń 2011 jylǵy 1 naýryzdaǵy Zańynyń 148-babynyń 2-tarmaǵyna sáıkes ázirlendi ári bilim berý jáne densaýlyq saqtaý salalarynda sharýashylyq júrgizý quqyǵyndaǵy memlekettik kásiporyndardaǵy baıqaý keńesiniń múshelerin (budan ári – baıqaý keńesiniń músheleri) konkýrstyq negizde irikteý men olardyń ýákilettigin merziminen buryn toqtatý tártibin aıqyndaıdy. 2. Konkýrs Qazaqstan Respýblıkasynyń Úkimeti aıqyndaǵan talaptarǵa sáıkes tıisti saladaǵy ýákiletti organnyń (jergilikti atqarýshy organnyń) ókilderi bolyp tabylatyn baıqaý keńesiniń músheleri men memlekettik kásiporyn basshysyn qospaǵanda, baıqaý keńesiniń múshelerin irikteý maqsatynda júrgiziledi.   2. Sharýashylyq júrgizý quqyǵyndaǵy memlekettik kásiporyndardaǵy baıqaý keńesiniń múshelerin konkýrstyq irikteýdi uıymdastyrý jáne júrgizý tártibi 3. Tıisti saladaǵy ýákiletti organ ( jergilikti atqarýshy organ): 1) konkýrs ótkizý týraly sheshim qabyldaıdy; 2) konkýrsty ótkizý sharttaryn, kúni men ornyn anyqtaıdy; 3) konkýrstyq komıssııany (budan ári – Komıssııa) qalyptastyrady jáne tıisti saladaǵy ýákiletti organnyń (jergilikti atqarýshy organnyń) ókilderi arasynan Komıssııa tóraǵasyn taǵaıyndaıdy. 4. Konkýrsty uıymdastyrýdy jáne ótkizýdi Komıssııa júzege asyrady. Komıssııa músheleriniń sany keminde bes adamnan quralýy tıis. Komıssııa tóraǵasy laýazymy boıynsha tıisti saladaǵy ýákiletti organnyń (jergilikti atqarýshy organnyń) birinshi basshysynyń orynbasarynan tómen emes tulǵa bolyp tabylady. 5. Komıssııa mynadaı fýnksııalardy júzege asyrady: 1) konkýrstyq qujattamany daıyndaıdy; 2) tıisti kásiporynnyń qarajaty esebinen konkýrs ótkizý týraly habarlandyrýdy jarııalaýdy qamtamasyz etedi; 3) konkýrsqa qatysý úshin usynylǵan qujattardy qabyldaýdy, tirkeýdi jáne saqtaýdy júrgizedi; 4) konkýrstyń qorytyndylary boıynsha tıisti saladaǵy ýákiletti organǵa (jergilikti atqarýshy organǵa) Konkýrs jeńimpazyn memlekettik kásiporynnyń baıqaý keńesi múshesiniń laýazymyna taǵaıyndaý týraly usynys engizedi. 6. Baıqaý keńesi múshesiniń laýazymyn atqarýǵa konkýrs ótkizý týraly habarlandyrý respýblıkalyq resmı buqaralyq aqparat quraldarynda, sondaı-aq tıisti saladaǵy ýákiletti organnyń (jergilikti atqarýshy organnyń) ınternet-saıtynda memlekettik jáne orys tilderinde konkýrs ótkiziletin kúnge deıin kúntizbelik otyz kún buryn jarııalanýy tıis. 7. Konkýrs ótkizý týraly habarlandyrý mynadaı málimetterdi qamtýy tıis: 1) konkýrs ótkizý kúni men orny; 2) ornalasqan ornyn, poshtalyq mekenjaıyn, telefonyn kórsete otyryp, kásiporynnyń ataýy, onyń negizgi qyzmetiniń qysqasha sıpattamasy; 3) konkýrsqa qatysýshylarǵa qoıylatyn talaptar; 4) konkýrsqa qatysý týraly ótinishterdi berý merzimi; 5) konkýrsqa qatysý týraly ótinishke qosa beriletin qujattardyń tizbesi; 6) qujattardy qabyldaý bastalatyn kún. Konkýrsqa qatysýǵa nıet bildirgen tulǵalardyń qujattaryn qabyldaý bastalatyn kún buqaralyq aqparat quraldarynda konkýrs ótkizý habarlandyrýy ornalastyrylǵan kúnnen bastap aıqyndalady. Konkýrsqa qatysýǵa nıet bildirgen tulǵalardyń qujattaryn qabyldaý buqaralyq aqparat quraldarynda konkýrs ótkizý habarlandyrýy ornalastyrylǵan kúnnen bastap kúntizbelik otyz kún ótken soń aıaqtalady. 8. Konkýrs mynadaı kezeńderden turady: 1) konkýrstyq ótinimderi bar konvertterdi ashý; 2) konkýrsqa óziniń qatysýyn rastaǵan úmitkerlerdiń biliktiligin baǵalaý; 3) úmitkerlermen áńgimelesý júrgizý jáne baıqaý keńesi múshelerin irikteý; 4) konkýrstyń qorytyndysyn shyǵarý. 9. Konkýrsqa qatysýǵa nıet bildirgen tulǵa konkýrs ótkizý týraly habarlandyrýda kórsetilgen merzimde Komıssııaǵa mynadaı qujattardy usynýy tıis: 1) konkýrsqa qatysý týraly ótinish; 2) memlekettik jáne orys tilderinde túıindeme; 3) erkin nysanda jazylǵan ómirbaıan; 4) úmitkerdiń jeke basyn kýálandyratyn qujattyń kóshirmesi; 5) bilimi týraly qujattyń kóshirmesi; 6) eńbek kitapshasynyń (ol bolǵan kezde) nemese eńbek shartynyń kóshirmesi ne sońǵy jumys ornyna qabyldanǵany jáne eńbek shartynyń toqtatylǵany týraly buıryqtardyń kóshirmesi; 7) Qazaqstan Respýblıkasy Bas prokýratýrasynyń Quqyqtyq statıstıka jáne arnaıy esepke alý komıtetiniń aýmaqtyq bólimsheleri bergen sottylyǵy jáne sybaılas jemqorlyq quqyq buzýshylyqtary joq ekendigin rastaıtyn qujattar. Konkýrsqa qatysýshy óziniń bilimine, jumys tájirıbesine, kásibı deńgeıine qatysty qosymsha aqparatty (biliktiligin arttyrý, ǵylymı dárejeler men ataqtar berý, ǵylymı jarııalanymdar, osynyń aldyndaǵy jumys ornynyń basshylyǵynan usynym) berýine bolady. 10. Úmitker konkýrstyq ótinimniń túpnusqasyn «Túpnusqa» dep belgilengen konvertke salyp mórleıdi. Bul konvertte úmitkerdiń aty-jóni jáne mekenjaıy kórsetilýi tıis. Sodan keıin konvert syrtqy konvertke salynyp mórlenedi. Ishki jáne syrtqy konvertter: 1) shaqyrýda nemese merzimdik basylymdaǵy aqparatta kórsetilgen mekenjaı boıynsha tıisti saladaǵy ýákiletti organǵa (jergilikti atqarýshy organǵa) baǵyttalýy; 2) «Baıqaý keńesi músheleriniń – memlekettik kásiporynnyń baıqaý keńesi músheleriniń konkýrsy» jáne «______________ deıin ashýǵa bolmaıdy» (shaqyrýda nemese merzimdik basylymda kórsetilgen konvertti ashý kúni men ýaqyty) degen sózderdi qamtýy tıis. 11. Konkýrstyq ótinim memlekettik jáne orys tilderinde bir-bir danadan jiberiledi. 12. Konkýrstyq komıssııa shaqyrýlarda nemese merzimdik basylymdaǵy aqparatta kórsetilgen jerde jáne ýaqytta usynylǵan konkýrstyq ótinimder berilgen konvertterdiń túpnusqasyn ashady. 13. Konkýrstyq ótinimderi bar konvertterdi ashý rásiminen keıin konkýrstyq komıssııanyń hatshysy konkýrstyq komıssııa músheleri men hatshy qol qoıatyn ashý hattamasyn jasaıdy. 14. Eger konkýrsqa qatysýǵa Qazaqstan Respýblıkasy Úkimetiniń qaýlysymen bekitilgen talaptarǵa sáıkes keletin ekeýden az úmitker konkýrstyq ótinim berse ne konkýrstyq ótinimder túspese nemese qaıtarylyp alynsa, onda Konkýrstyq komıssııa konkýrsty ótkizilmedi dep sanaıdy jáne qaıta konkýrs ótkizý týraly sheshim qabyldaıdy. 15. Konkýrstyq komıssııa konkýrstyq ótinimderi bar konvertterdi ashqan kúnnen bastap bes jumys kúni ishinde osy Qaǵıdanyń 9-tarmaǵyna sáıkes úmitker usynǵan qujattardy jáne úmitkerdiń Qazaqstan Respýblıkasy Úkimetiniń qaýlysymen bekitilgen talaptarǵa sáıkestigin baǵalaýdy qaraıdy. 16. Konkýrstyq komıssııa júrgizilgen baǵalaýdyń nátıjeleri boıynsha áńgimelesý kúnin, ýaqytyn jáne ol ótkiziletin jerdi kórsete otyryp, shaqyrý jiberiletin, Qazaqstan Respýblıkasy Úkimetiniń qaýlysymen bekitilgen talaptarǵa sáıkes keletin úmitkerlerdi irikteýdi júrgizedi. 17. Komıssııa konkýrsqa qatysýshylarmen áńgimelesý júrgizý kezinde memlekettik kásiporyn qyzmetiniń salasyndaǵy qatynastardy retteıtin Qazaqstan Respýblıkasynyń normatıvtik quqyqtyq aktilerin bilýi, sondaı-aq densaýlyq saqtaý nemese bilim berý uıymdarynyń qyzmet erekshelikterin bilýi tekseriledi. 18. Komıssııanyń sheshimderi komıssııa músheleriniń jalpy sanynyń qarapaıym kópshilik daýysymen qabyldanady. Daýystar teń bolǵan kezde Komıssııa tóraǵasynyń daýysy sheshýshi bolyp tabylady. Komıssııa qabyldaǵan sheshim Komıssııanyń barlyq músheleri, sondaı-aq hattama júrgizýdi júzege asyratyn hatshy qol qoıatyn hattama túrinde resimdeledi. 19. Konkýrstyq komıssııanyń sheshimimen kelispegen jaǵdaıda, úmitkerler mundaı sheshimge Qazaqstan Respýblıkasynyń zańnamasyna sáıkes shaǵymdana alady. 20. Konkýrs ótkizýdiń jalpy merzimi konkýrs ótkizý týraly sheshim qabyldaǵan kúnnen bastap eki aıdan aspaıtyn ýaqytty quraıdy. 21. Komıssııanyń oń qorytyndysyn alǵan konkýrsqa qatysýshymen tıisti saladaǵy ýákiletti organnyń (jergilikti atqarýshy organnyń) basshysy tıisti shart jasasady.   3. Baıqaý keńesi músheleriniń ókilettikterin merziminen buryn toqtatý 22. Sharýashylyq júrgizý quqyǵyndaǵy memlekettik kásiporynnyń baıqaý keńesi múshesiniń ókilettigi onyń jazbasha ótinishiniń negizinde merziminen buryn toqtatylýy múmkin. Baıqaý keńesi múshesiniń jazbasha ótinishinde budan ári óziniń mindetterin oryndaı almaýynyń sebebi kórsetilýge tıis. 23. О́z qalaýy, densaýlyǵynyń jaǵdaıy, kúshine engen sot úkimi, baıqaý keńesiniń basqa múshesimen nemese memlekettik kásiporyn basshysymen týystyq qatynastyń týyndaýy, sondaı-aq Qazaqstan Respýblıkasynyń zańnamasynda kózdelgen ózgede negizder baıqaý keńesi múshesiniń ókilettigin merziminen buryn toqtatý sebepteri bolyp tabylady. 24. Baıqaý keńesi baıqaý keńesi múshesiniń óz ókilettigin merziminen buryn toqtatý týraly ótinishin qaraıdy jáne osy ótinish tıisti salanyń ýákiletti organyna (jergilikti atqarýshy organǵa) kelip túsken kúnnen bastap on bes jumys kún ishinde sheshim shyǵarady.  
Sońǵy jańalyqtar

Sal-seriniń sońy

Qazaqstan • Keshe

Jazda lager jetispeıdi

Qoǵam • Keshe

Alash ardaqtysyn túrki álemi ulyqtady

Ahmet Baıtursynuly • Keshe

Bizdiń Saıyn

Ádebıet • Keshe

Shavqat jeńiske jetti

Sport • Keshe

Maǵjannyń qarasózderi

Ádebıet • Keshe

Saf aýadaǵy serýen

Egemen Qazaqstan • Keshe

Uqsas jańalyqtar