16 Shilde, 2011

Orman alqaby órtenýde

214 ret kórsetildi
Reseıdiń Sibir federaldyq okrýginde oryn alǵan orman órtiniń aýmaǵy sońǵy bir táýliktiń ishinde alty esege ulǵaıypty. Sońǵy málimetterge qaraǵanda, tilsiz jaý 242-den 1,5 myń gektar aýmaqty jalmaǵan.  Qazirgi tańda 68 orman órtiniń oshaǵy tirkelip otyr. TJM-niń Sibir aımaqtyq ortalyǵynyń habaryna qara­ǵanda, keshe 457 gektardy qamtyǵan 17 órt oshaǵy són­dirilgen. Bunyń aldyńǵy kúni de 1,5 myń gektarlyq 39 órt oshaǵy aýyzdyqtalǵan bolatyn. О́rttiń negizgi shyǵý sebebi jaı túskennen delinýde. Ásirese onyń Irkýtsk obly­sy men Krasnodar aımaǵynda jıi tutanatyny anyqtalypty. Túrkııada taǵy bir qaqtyǵys oryn aldy Túrik áskerılerine separatıster tarapynan taǵy da shabýyl jasaldy. Kúrd jumysshy partııasynyń sodyr­lary  Dııarbaqyr provınsııasynyń taýlarynda túrkııalyq áskerılerdiń jolyn tosyp, onyń 13-in óltirip, taǵy 7-eýin jaralaǵan. Osy oqıǵadan keıin premer-mınıstr Redjep Taııp Erdogan ásker jáne ishki ister mınıstrligi basshylarymen jedel jıyn ótkizip, tez arada shara qabyldaýǵa shaqyrdy. О́tken aqpannan bergi bul eń iri shabýyl sanalady. Qaqty­ǵys oryn alǵan aýdanǵa túrik áskerı ushaqtary jóneltildi. Ál-Kaıdaǵa áýeden soqqy berildi Iemen áskerıleri eldiń ońtústigindegi Abıan prov­ın­sııasynda oryn tepken «Ál-Kaıda» bazalaryna áýeden soqqy berdi. Bombalaýdyń nátıjesinde on sodyr qaza taýyp, taǵy  ondaǵan adam jaraqattanǵan. Shabýylshy ushaqtar «Ál-Kaıda» bir kezderi basyp alǵan Zındjıbar provınsııasy ákimshilik ortalyǵyndaǵy basty polısııa basqarmasyn bombalaǵan. Áýeden soqqy berý áli de jalǵasyn tabýda. Sodyrlar Zındjıbar qalasyn «Islam emıratynyń» astanasy etemiz dep jarııalap ta jibergen edi. Sodan beri ókimet áskeri men «Ál-Kaıda» jasaqtarynyń ara­syn­daǵy qaqtyǵystan 100-ge tarta adam qaza tapqany belgili. Zańmen shekteý qoıylady Bolgarııa parlamenti buryn ult­tyq qaýipsizdik qyzmetinde istegen nemese istes bolǵan azamattardy eldiń syrtqy ister mınıstrligine jumysqa alýǵa shekteý qoıatyn zań jobasyn qabyl­dady. El zań shyǵarýshy organynyń mundaı qadamǵa barýy sońǵy kezderi baspasóz betterinen burynǵy kommýnıstik arnaıy qyzmet oryndary qyzmetkerleri shet elderdegi dıplomatııalyq mıssııalardyń 40 paıyzyn qurap otyr degen málimetterdiń jıi jaryq kórýimen baılanysty. Eni Venesýela munaıynan múddeli Italııalyq Eni konserni Venesýelanyń munaı salasyna 7 mıllıard dollar ınvestısııa quıyp, 2018 jyly qara altyn óndirisin táýligine 240 myń barrelge deıin jetkizýdi maqsat etip otyr. Bul jóninde kompanııa basshysy Paolo Skaronı málim etti. Osy elde ótkizilgen baspasóz-máslıhatynda ol Venesýelamen qurǵan birlesken kásiporyn Orınoko ózeni basseıninen munaı óndiretindigin aıtqan. Sondaı-aq munda munaı aıyrý zaýyty salynyp, dızel otyny Eýropaǵa eksporttalatyn bolady. AQSh reıtıngi tómendeı me? Standard & Poor s halyqaralyq reıtıng agenttigi eger kongress memqaryzdyń deńgeıin kóterýge qol jetkizgenniń ózinde AQSh-tyń eń joǵary senimdi degen AAA reıtıngin tómendetetindigin málim etti. Qazirgi málimet boıynsha, memlekettik qaryz 14,3 trıllıon dollarǵa jetken. Mem­le­kettiń aǵymdaǵy tólemderdi tóleýge aqshasy taýsylǵan 2011 jyldyń 2 tamyzynda AQSh-ta defolt oryn alady dep kútilý­de. Jańa qaryz alýǵa respýblıkashylar qarsylyq tanytýda. Muhıt jaǵalaýynda daq paıda boldy Qytaıdyń resmı buqaralyq aqparat quraldary eldiń soltústik-shyǵysyndaǵy muhıt jaǵalaýynda aý­qym­­dy munaı daǵynyń paıda bolǵanyn moıyndap otyr. Osy kezge deıin aıtylmaı kelgen aýmaq 4250 shar­shy kılometrdi nemese alty Sıngapýr aýmaǵyn quraıdy. Budan basqa 3400 sharshy kılometr aýmaq jartylaı byl­ǵan­ǵany anyqtalyp otyr. Memlekettik okeanologııa basqar­masy tabıǵatqa keltirilgen zııan úshin ótemaqy talap etetindikterin málimdegen. Bul aımaqta amerıkalyq ConocoPhillips mu­naı kompanııasy men qytaılyq CNOOC memlekettik komp­a­nııa­synyń birneshe munaı óndirýshi platformalary ornalasqan.   Qysqa qaıyryp aıtqanda: Venesýela prezıdenti Ýgo Chaves raktan emdelý kýrsynan ótý úshin Brazılııaǵa jol tartpaqshy. Munda oǵan hımııalyq terapııa jasalady dep kútilýde. Nıý-Iorkte altyn baǵasy tarıhı shegine, ıaǵnı bir troılyq ýnsııa úshin 1594 dollarǵa jetti. Sarapshylar ony tamyz aıynyń basynda kútilip otyrǵan AQSh defoltymen baılanystyrýda. Egıpettiń burynǵy basshysy H.Mýbarak beıbit sherýshilerdiń qazasyna óziniń qatysy joqtyǵyn aıtyp, sonda 900 manıfestanttyń ólimine kim kináli degen suraqqa jaýap berýden qashqaqtap otyr. Avstrııa áıelder quqyn qorǵaý uıymdarynyń yqpalymen memlekettik gımn mátinine ózgeris engizýi múmkin. Buryn onda «uly uldary» dep jazylsa, endi oǵan «uly qyzdary» degen joldy da qosý usynylýda. Londonda munaı fıýchersteriniń baǵasy 118,32 dollarǵa deıin tómendedi. Saýda nátıjesinde Brent munaıyna baǵa 0,46 dollarǵa tómen syrǵyǵan. Al Nıý-Iorkte qara altyn baǵasy 95,69 dollarǵa tústi.

Internet materıaldary negizinde ázirlendi.

Sońǵy jańalyqtar

Elordada Ulttyq Onim kórmesi ashyldy

Elorda • Búgin, 16:52

Dollar 425 teńgeni qurady

Qarjy • Búgin, 16:33

Aqtóbede jol apatynan eki adam qaza tapty

Aımaqtar • Búgin, 13:35

Uqsas jańalyqtar