«Egemen akademııasy» – Jýrnalısterge bilimin shyńdaýǵa, biliktiligin arttyrýǵa jáne zamanaýı trendtermen tanysýǵa múmkindik beretin oqý alańy.
«Akademııada» elimizdiń jýrnalıstıka salasynyń maıtalmandarymen qatar salalyq taqyryptar boıynsha mamandar bilimimen bólisedi. Jobanyń maqsaty - qazaqtildi basylym qyzmetkerleriniń bilimin arttyryp, salalyq jýrnalıstıkaǵa beıimdeý, sondaı-aq ózekti taqyryptar tóńireginde talqylaý alańyn keńeıtý.
«Ǵasyrlyq tarıhy bar «Egemen Qazaqstan» qazaq baspasóziniń qarashańyraǵy retinde keleli mektep qalyptastyrǵany belgili. Osy ıgi dástúrdi jańa deńgeıge shyǵaryp, jýrnalısterdiń bilimi men biliktiligin arttyrý isin júıeli jolǵa qoıý úshin bas basylymnyń janynan «Egemen akademııasyn» ashyp otyrmyz.
Semınar, leksııa, dóńgelek ústel sııaqty túrli formatta ótetin Akademııa sabaqtarynda qazaq jýrnalıstıkasynyń kórnekti tulǵalary men zamanaýı medıanyń qyr-syryn meńgergen bilikti mamandar sizdiń kásibı turǵydan shyńdalýyńyzǵa óz úlesin qosatyn bolady», – dedi basqarma tóraǵasy Darhan Qydyráli.
Semınar kýrstaryna jazylyp, elimizdiń bas gazetinde biliktiligin arttyrǵysy keletin áriptesterge esigimiz árdaıym ashyq. Tirkelý úshin www.academy.egemen.kz saıtyna ótýińizdi suraımyz.
