О́ner • 07 Aqpan, 2019

Almatyda dıgıtaldy grafıka óneriniń aıryqsha kórmesi ashyldy.

247 ret kórsetildi

Á.Qasteev atyndaǵy óner mýzeıinde zamanaýı dıgıtaldy grafıka óneriniń aıryqsha kórmesi ashyldy. Esimderi sýret áleminen góri jýrnalıstıkada qalyptasqan Alena Veselova men Nadejda Besedına bul baǵyttaǵy tól týyndylaryn mýzeı keńistiginde alǵash ret usynyp otyr.

Kompıýterlik grafıka – buqaralyq aqparat quraldarynda dara mánge ıe bolǵanymen, joǵary óner retinde tolyq tanylmaǵan qubylys. Ámbebaptyq, aıqyndylyq, yqshamdylyq osynaý ózekti salanyń basty ereksheligi. О́ner ıeleri beıneshildikke mátinder arqyly boılaǵan, sondyqtan ádebılik – olardyń grafıkasynyń ortaq ereksheligi. Ekeýi de bir tehnıkada jumys isteı otyryp, túbegeıli qarama-qaıshy beıneler jasaıdy.

Qos avtordyń týyndylaryn bir arnada toǵystyrǵan kórme eki bólimnen turady. Alena Veselovanyń shyǵarmashylyq jumystary «Vektorlar», al Nadejda Besedınanyń kórmesi «Dara esim» dep atalypty.   

Nadejda Besedınanyń negizgi mamandyǵy - sáýletshi. 90-jyldardyń sońynda ol ózin sýretshi-anımator retinde synap kóredi. Anımatorlar tobynyń quramynda «Aldar-Kóse», «Zdravstvýı, detka!», «Legendy stepeı» syndy mýlthıkaıalardyń jasalýyna, otandyq telearnalardaǵy túrli baǵdarlamalardyń anımasııalyq bezendirý jumystaryna qatysady. Ásirese, «Gazeta KZ», «Tochka KZ», «ALAÝ Kazahstan», Forbes Kazakhstan sııaqty basylymdarda sýretshi bolyp qyzmet atqarǵan jyldary óner ıesin shyǵarmashylyq erkindikke jetelepti.

Alena Veselova bolsa, bul ispen jıyrma jyldan astam ýaqyttan beri áýestenip keledi. Alaıda, tylsym ónerge degen qyzyǵýshylyǵy bala jastan oıanǵan. Ol jastaıynan janyna jaqyn bolǵan dızaın men óner álemine jan dúnıesimen enip ketkenin aıtady. Tabıǵatynan sezimtal Alena óz grafıkalyq paraqtaryn ómirge, álemge, adamdarǵa degen ystyq yqylaspen, mahabbatpen toltyrady. Onyń kompozısııalarynda súıikti qalasy Almatynyń ásem kórinisteri, tanys kósheleri kórermenge qalypty kúıinde emes, arman sekildi, ádebı metafora, jumbaq grafıkalyq belgi, shıfrlanǵan nyshan sııaqty  eles beredi.

Kórme «bizdiń zamanaýı álem qandaı» dep tolǵanǵan talǵampaz kórermendi minez-qulqy, temperamenti men kózqarasyna qaramastan oı tereńine tartady.    

Arman OKTIаBR,

«Egemen Qazaqstan»

ALMATY

Sońǵy jańalyqtar

Tergeýshilerdiń ustazy ulyqtaldy

Aımaqtar • Búgin, 19:35

Reseı ınvestorlary Atyraýǵa bet burdy

Aımaqtar • Búgin, 16:56

Erteń Úkimet otyrysy ótedi

Úkimet • Búgin, 15:17

Qýatty qurylymnyń shýaqty merekesi

Qazaqstan • Búgin, 14:15

Naýryz aıynda aýa raıy qandaı bolady?

Aýa raıy • Búgin, 13:30

Uqsas jańalyqtar