Aımaqtar • 11 Aqpan, 2019

Aqtóbede jańa jylyjaı kesheni jumys isteı bastady

233 ret kórsetildi

Memleket basshysynyń tapsyrmasyna sáıkes, Aqtóbe oblysynda óńirdiń azyq-túlik qaýipsizdigin arttyrýǵa jáne azyq-túlik salasyndaǵy ımportty almastyrýǵa baǵyttalǵan jobalardy júzege asyrý jalǵasýda.

Atap aıtqanda, Aqtóbe qalasynda «Grın Kapıtal» JShS ónerkásiptik úlgidegi taǵy bir jylyjaı kesheni iske qosyldy, onda qyzanaqtyń alǵashqy túsimi kútilip otyr. 2021 jylǵa deıin jylyjaı kesheniniń jalpy aýdany 20 gektardan asatyn bolady. Joba boıynsha jeke ınvestısııalardyń kólemi 20 mlrd. teńgeden asady, búgingi tańda 7,2 mlrd teńge qarajat salyndy. 9 aqpan, senbi kúni oblys ákimi Berdibek Saparbaev Aqtóbe qalasyn jumys saparymen aralaý barysynda keshenniń qyzmetimen tanysty.

Jylyjaı basshysy Anastasııa Popova: «Bul sońǵy klımattyq jaǵdaılar men konstrýktıvti sheshimderdi qoldana otyryp jasalǵan sońǵy úlgidegi jylyjaı. Alǵashqy 5 gektarda tek qyzanaq otyrǵyzyldy. Biz jylyna shamamen 1,5 myń tonna jınaýdy josparlap otyrmyz. Jylyjaı qyzanaqtarynyń ereksheligi joq, biraq biz ósirgen negizgi sorttyń dámi joǵary dep maqtanyshpen aıtýǵa bolady. Biz tabıǵı ósimdiktiń tabıǵı modelin ǵana qoldanamyz - tabıǵı tozańdaný jáne entomofagtar, ıaǵnı bári tabıǵattaǵydaı jasalady», - dedi oblys ákimine.

Jylyjaı kesheni keńeıtýden keıin aqtóbelikterdi tek qyzanaqpen ǵana emes, kókónis, baıaldy jáne tátti buryshpen qamtamasyz etedi. Bolashaqta kókónisterdi ishki naryqqa jetkizýde basymdyq artyp, artyǵy eksportqa jiberiledi.

О́ńir basshysy ónim túrlerin keńeıtýdiń josparlaryn maquldady.

«Bul óte durys, óıtkeni Aqtóbede qajettilik tek qyzanaqqa ǵana emes», - dedi keshen ujymynyń eńbegine sáttilik tilegen oblys ákimi.

Budan soń oblys ákimi «Nur Aqtóbe» turǵyn úı alabynda «Nurly jer» baǵdarlamasy boıynsha salynyp jatqan az qabatty turǵyn úılerdiń qurylys barysymen tanysty. Atap óteıik, osy memlekettik baǵdarlamanyń aıasynda byltyr oblysta 908 myń sharshy metrden astam turǵyn úı nemese 7875 jańa páter paıdalanýǵa berildi, al bıylǵy jyly aımaq bıligi kem degende 1 mln. sharshy metr turǵyn úıdi tapsyrý mindetin alǵa qoıdy.

Sondaı-aq, Berdibek Saparbaev Qarǵaly turǵyn úı aýdanyndaǵy Sátpaev kóshesiniń boıyndaǵy kópirdiń jaǵdaıyn kórdi. Buǵan áleýmettik jeli qoldanýshylarynyń 2018 jyly salynǵan jol ótkeliniń aǵymdaǵy jaı-kúıine qatysty jazǵan shaǵymdary sebep boldy. Aqtóbe qalasy ákiminiń orynbasary Ybyraı Kózbaev qurylysshylardyń kishigirim kemshilikterge jol bergenin rastap, ony merdiger aýa-raıy jylyǵan soń óz esebinen tolyǵymen durystaıtynyn aıtty. Oblys basshysy jumys sapasyn qatań qadaǵalaýdy tapsyrdy.

Sonymen qatar, oblys ákimi 41-shi razezd aýmaǵyna baryp, beton ónimderin shyǵaratyn zaýyttyń qurylys barysymen tanysty. Jobanyń quny shamamen 1,5 mlrd. teńgege jetedi. Salynyp otyrǵan ınvestısııa - jekeniki. Joba keste boıynsha júzege asyrylýda. О́ndiris aǵymdaǵy jyldyń tamyz aıynda iske qosylmaq.120 adam turaqty jumys ornymen qamtylady.

Oblys ákimi Batys-3 yqshamaýdanyndaǵy «Qyzǵaldaq» turǵyn úı kesheniniń qurylysymen de tanysty. 3,2 mlrd. teńgeni quraıtyn jobanyń tapsyrys berýshisi - «Aqtóbe» ÁKK. Turǵyn úı kesheni jalpy aýdany 24 myń sharshy metrdi quraıtyn 305 páterge arnalǵan eki úıden turady. Qazirgi ýaqytta birinshi úıdiń qurylysy júrip jatyr, ekinshisiniń qurylysy naýryz aıynda bastalady. Úıdiń qurylysyn jyl aıaǵyna deıin aıaqtaý josparlanǵan.

Temir QUSAIYN,

"Egemen Qazaqstan"

Aqtóbe oblysy

Sońǵy jańalyqtar

Italııada toǵyz júlde aldyq

Sport • Búgin, 10:10

«Barys» utylyp qaldy

Sport • Keshe

Eldos Smetov kúmis aldy

Sport • Keshe

«Qaırat» – qola júldeger

Aımaqtar • Keshe

Kóktemdegi UBT 10-naýryzda bastalady

Bilim • 05 Naýryz, 2021

Almatyda «Jyl qusy-2021» kórmesi bastaldy

О́ner • 05 Naýryz, 2021

Ár sala úzdikterine qurmet tanytty

Aımaqtar • 05 Naýryz, 2021

Almaty taýlarynda qar kóshkini júredi

Ekologııa • 05 Naýryz, 2021

Baǵdat Mýsın Shymkentke bardy

Aımaqtar • 05 Naýryz, 2021

Almatyda gashısh satqan azamat ustaldy

Qoǵam • 05 Naýryz, 2021

Rýslan Beketaev jańa qyzmetke taǵaıyndaldy

Taǵaıyndaý • 05 Naýryz, 2021

Qazaqstanda taǵy bir mereke paıda bolady

Qazaqstan • 05 Naýryz, 2021

Uqsas jańalyqtar