Aımaqtar • 18 Naýryz, 2019

Sharyn shatqaly aımaqtyń sánine aınalady

965 ret kórsetildi

Almaty oblysynyń Kegen aýdanynyń aýmaǵyndaǵy Sharyn shatqaly elimizdiń týrıstik jaýhary sanatynda.

Dúnıejúzi boıynsha dál osy Sharyn tektes shatqal  Soltústik Amerıkada ǵana bar. Sol sebepten alyp daladaǵy tereń quzdy kórip, tamashalaýǵa  el ishinen bólek, shetelden de adamdar legi jıi keledi.

Buıyrsa, Sharynǵa kelýshilerdiń tabıǵat aıasyndaǵy demalysyn laıyqty ótkizýge jaǵdaı jasalmaq. Jer aıaǵy keńı sala, shatqal boıynda qurylys bastaldy. Joba boıynsha bul jerge zamanaýı oıyn saýyq parki salynbaq. Quny 1,5 mlrd teńge bolatyn qurylys Sharyn shatqalynyń jańa beınesine aınalmaq. Qazir «Park Canyon» seriktestigi álemdik talapqa saı keletin oıyn saýyq parkiniń qurylysyna kiristi. Jobany keler jyl tolyq aıaqtamaq.  Nysan jobasynda uzyndyǵy 200 metr jáne bıiktigi 80 metrge jetetin úsh aspaly kópir salynbaqshy. Sondaı-aq, 40 adamǵa arnalǵan qonaq úı qurylysy da bastalady.

- Qurylys jumystaryn júrgizýge 24 gektar jer telimi bólinip otyr. Osy jyly birinshi kezekte 700 mln teńgege qurylys jumystaryn bastaıdy. Joba iske qosylǵan jaǵdaıda jylyna orta eseppen 375 mln teńgege aqyly týrıstik qyzmet kórsetetin bolady. Bolashaqta 35 adam turaqty jumyspen qamtylyp, bıýdjetke jylyna 47 mlnteńge qarajat túsiredi dep josparlap otyrmyz, - deıdi Kegen aýdanynyń ákimi Talǵat Báıedilov.

Qalmahanbet MUQAMETQALI,

«Egemen Qazaqstan»

Almaty oblysy

Sońǵy jańalyqtar

Qaı salada jalaqy ósti?

Ekonomıka • Keshe

Reseı azamattary alǵys aıtty

Aımaqtar • 26 Aqpan, 2021

Jambyl Jabaevtyń 175 jyldyq mereıtoıy bastaldy

Fotogalereıa • 26 Aqpan, 2021

Fýtzal: Belarýske qarsy oınaımyz

Sport • 26 Aqpan, 2021

Uqsas jańalyqtar