Balqash qalasynyń turǵyny kópqabatty úıdegi páterinde lashyn ustaıdy. Tabıǵatta sırek kezdesetin jyrtqysh qustyń bul túrin ol respýblıkalyq «Qyran» federasııasynyń ruqsatymen Túrkistan oblysynan ákelgen.
Qus ıesi Jumaǵazy Muhametjanov «Sadaq, arbalet jáne darts tartý federasııasy» qoǵamdyq birlestiginiń Balqash qalalyq fılıalynyń dırektory, sadaq atýdan sport sheberi. О́zi jergilikti №9 qazaq orta mektebinde dene shynyqtyrý pániniń muǵalimi bolyp jumys isteıdi.
«Lashyn – tekti qus, azattyqty jany súıedi. Mundaı qusty qolǵa úıretý – qıynnyń qıyny. Tazalyqty jaqsy kóredi, tek qana jas et jeıdi, – deıdi ol. – Muny asyraǵan adam da shylym men ishimdikke jolamaıtyn, balaǵat sóz aıtpaıtyn taza bolýy kerek».
Qusbegiler arasyndaǵy respýblıkalyq jarystarǵa úzbeı qatysyp júrgen Jumaǵazynyń aldyna qoıǵan múbárak maqsaty bar. Osy lashyndy qolǵa úıretý arqyly ol qalada ósip kele jatqan jas urpaqtyń boıynda ań-qusqa degen súıispenshilikti, qusbegilik ónerge degen qyzyǵýshylyqty oıatsam deıdi.
Balqashtyq muǵalim bir jarym jastaǵy qusyna «Kókdaýyl» dep at qoıǵan eken. Qoly qalt etken kezderi ol lashyn qusyn ózi eńbek etetin mekteptiń aýlasynda baptap, túrli pármenderge baǵynýdy úıretedi. Muny kórip, qyzyqtaǵan oqýshy balalardyń qatary kúnnen kúnge kóbeıip keledi.
Qaraǵandy oblysy
«Nauryz» serıaldar báıgesiniń jeńimpazdary anyqtaldy
Mádenıet • Búgin, 19:44
«Altyn alqa» men «Kúmis alqa» ıelerine járdemaqy avtomatty túrde taǵaıyndalady
Qoǵam • Búgin, 19:30
«Tumar» telebaǵdarlamalar baıqaýyna eki nomınasııa qosylady
Mádenıet • Búgin, 19:11
UQK Soltústik Qazaqstanda separatızmdi nasıhattaý baby boıynsha tintý júrgizýde
Qoǵam • Búgin, 18:32
Qaırat Boranbaevqa qatysty sot úkimi shyqty
Qoǵam • Búgin, 18:26
Taldyqorǵan qalalyq máslıhatynyń jańa tóraǵasy saılandy
Saıasat • Búgin, 18:20
Uqsas jańalyqtar
