Aımaqtar • 05 Sáýir, 2019

Pavlodarda ataýly áleýmettik kómek berý bóliminiń qyzmetkerleri demalyssyz qyzmet kórsetpek

578 ret kórsetildi

Oblys ortalyǵyndaǵy Jumyspen qamtý ortalyǵynyń ataýly áleýmettik kómek berý bóliminiń málimetinshe, qalada 1435 kóp balaly otbasy turady.

Sondyqtan, otbasyndaǵy ár balaǵa tólenetin 21 myń teńgelik járdemaqyǵa ótinish berýshiler sany  kóbeıýde. Mamandar aldaǵy ýaqytta da úzdiksiz jumys istep, turǵyndardyń ótinishterin qabyldamaq.

Ortalyqqa alǵash kúnderi 300-deı adam kelgen. Jalpy, jańa talap boıynsha ataýly áleýmettik kómek rásimdeýge kelgen turǵyndar  ótinish berip, jeke kýáligin kórsetedi.

Al, qalǵan qajetti qujattardy tıisti mekemelerge suranym jiberip, sol arqyly bólim mamandary ózderi toltyrady. Burynǵydaı qaǵaz-qujat tasyp áýre-sarsańǵa túspeıdi. Eski talap boıynsha ataýly áleýmettik kómekti shartty túrde alatyn otbasylar ár alty aı saıyn, al shartsyz negizde alatyndar toqsanyna bir ret (3 aı) qujattaryn jańartty.

Qazir jańa júıe boıynsha shartty túrde alatyndar jylyna bir ret, shartsyz negizde alatyndar jarty jyl saıyn ótinish beredi. Al, áleýmettik kómekti kóp balaly otbasylar ǵana emes, 1-2 balasy bar, biraq tabysy az otbasynyń da alýyna quqyǵy bar.

Ekinshiden, ataýly áleýmettik kómek alatyn otbasynyń kenje balasy 7 jasqa tolǵanǵa deıin ata-analardyń biri jumys istemeı úıde otyrýyna quqyly. Biraq erli-zaıyptylardyń bireýi mindetti túrde jumys isteýi qajet nemese jumyssyzdar tiziminde tirkelip turýy shart.

Oblystyq jumyspen qamtýdy úılestirý jáne áleýmettik baǵdarlamalar basqarmasynyń málimetinshe, bıyl óńirde 10 myńǵa jýyq adam ataýly áleýmettik kómek alady.

Sońǵy jańalyqtar

Jastar qalaýy – jarqyn keleshek

Referendým-2022 • Keshe

Referendýmdy qoldaýǵa úndeý jasady

Referendým-2022 • Keshe

Aǵa býynnyń aıtary bar

Referendým-2022 • Keshe

Áljannyń kise belbeýi

Tarıh • Keshe

Uqsas jańalyqtar