Saılaý • 12 Sáýir, 2019

Qoǵamdyq uıymdar qoldaıdy

657 ret kórsetildi

О́skemenniń qoǵamdyq uıymdarynyń ókilderi shahardaǵy Taldaý jáne boljaý ınstıtýtynda bas qosyp, kezekten tys prezıdenttik saılaýdyń ótýin qoldaıtyndyqtaryn jetkizdi.

«Bul sheshimdi el damýyndaǵy saıası mańyzy joǵary qadam dep bilemin. Biz aldaǵy ýaqytta ótetin prezıdent saılaýyna atústi qaramaýymyz kerek. О́ıtkeni qazir álemde kún sa­ıyn ártúrli ózgerister bolyp ja­tyr. Tipti ekonomıkalyq turaq­syz­dyq beleń alyp jatqan elder de bar. Sol sebepten biz osyndaı syn saǵatta kelesi Prezıdentimizdi saı­lap, irgemizdi bekitip, bereke-bir­li­gi­mizdi tanytqanymyz abzal. Onyń ús­tine, saıası naýqannyń ádil ári ashyq túrde ótýine Prezıdent Qasym-Jomart Toqaev ózi kepildik bere­tinin aıtyp ótti. Bolashaq Prezı­denttiń eldegi beıbitshilik pen turaq­t­ylyqty saqtaýǵa, sondaı-aq qazaq­stan­dyqtardyń ál-aýqatynyń jaq­sa­rýy, qoǵamdyq turaqtylyq máse­lelerin sheshýge basa nazar aýdaratynyna senimdimiz», deıdi О́ske­men qalalyq aqsaqaldar keńesi­niń mú­she­si, jergilikti ózin-ózi basqa­rý komı­tetiniń tóraǵasy Serik Orazbaıuly. 

Dóńgelek ústel barysynda qo­ǵam­dyq uıym ókilderi elimizdiń Tuń­ǵysh Prezıdenti Nursultan Nazar­baevtyń el irgesin bekitý, qoǵam­dyq turaqtylyq qalyptastyrý men halyqtyń ál-aýqatyn arttyrý jolynda jasaǵan eńbegine laıyqty baǵa berip, bolashaq Prezıdenttiń de osy sara joldy jalǵastyrýǵa la­ıyq­ty tulǵa bolǵandyǵyn qalaı­tyn­dyqtaryn bildirdi. «Biz taǵy bir tarıhı oqıǵanyń kýási bol­dyq. Qa­za­qstan bıliginiń esh kıkil­jiń-jan­jalsyz, daý-damaısyz aýys­qa­ny eldiń tatýlyq pen berekeden aıy­ryl­maǵan, biraýyzdy ári tynysh­tyq súıgish memleket ekenin taǵy bir márte dáleldedi. Muny álem mo­ıyn­­dap, rızalyqpen atap aıtýda. Qasym-Jomart Toqaevtyń Pre­zı­dent saılaýynyń jaqyn ýaqytqa, 9 maý­sym­­ǵa belgilengenin kásipkerler pala­ta­­syndaǵy isker áıelder de quptaı­dy», deıdi oblystyq kásip­ker­ler palatasyndaǵy isker áıel­der keńesiniń tóraıymy Elena Berezın­skaıa-Abılova. 


О́SKEMEN
Sońǵy jańalyqtar

Bir kúnde 3907 adam koronavırýstan aıyqty

Koronavırýs • Búgin, 09:45

15169 adam koronavırýs juqtyrdy

Koronavırýs • Búgin, 09:17

Uqsas jańalyqtar