14 Sáýir, 2019

Rıdder ákimi halyqpen baılanys jasaý úshin 14 topta otyrady

819 ret kórsetildi

Rıdder qalasynyń ákimi Jomart Muratov halyqpen tyǵyz qarym-qatynas ornatý úshin whatsapp (vatsap) áleýmettik jelisinde 14 topqa tirkelgen eken.

Prezıdent Qasym-Jomart Toqaev memlekettik qyzmet­shi­lerge halyqpen jaqyn bolý úshin áleýmettik jelilerdi keńinen qoldaný qajettigin tapsyrǵan edi. Memleket basshysynyń tapsyrmasynan soń oblys ákimderi birinen soń biri áleýmettik jelilerde óz paraqshalaryn asha bastady. Oblys ákimi Danıal Ahmetov te 8 sáýir kúni feısbýkte óz paraqshasyn iske qosty.

«Aıshylyq alys jerlerden kózdi ashyp, jumǵansha jyldam habar alǵyzǵan zamanda» áleýmettik jeliniń sheneýnikter úshin ǵana emes, áleýmet úshin de mańyzdylyǵy aıtpasa da túsinikti. Búginde óńirimizdiń qala-aýdandarynda da jergilikti atqarýshy oryndar áleýmettik jelini keńinen qoldanýda. Máselen, Rıdder qalasynyń ákimi Jomart Muratov halyqpen tyǵyz qarym-qatynas ornatý úshin whatsapp (vatsap) áleýmettik jelisinde 14 topqa tirkelgen eken. «Bul toptar qaladaǵy barlyq sala ókilderin qamtıdy deýge bolady. Jastar da, qoǵamdyq birlestikter de, BAQ ókilderi de osy toptarǵa tirkelgen. Olardyń ishindegi eń belsendileri - kásipkerler. 2013 jyly ashylǵan topta 223 qatysýshy bar. 14 toptyń qatysýshylary bul jerde qala ákimine ózderin tolǵandyrǵan saýaldaryn tikeleı qoıa alady. Aqyl-keńes suraıdy. Shahar basshysy olardyń ótinish-tilekterine ózi jaýap berip otyrady, bólimderge tapsyrma beredi. Sonymen qatar qala ákiminiń Instagram, Twitter, Telegram áleýmettik jelilerinde de óz paraqshasy bar», - deıdi Rıdder qalasy ákiminiń apparat basshysy Ashat Saǵıdoldın.


Shyǵys Qazaqstan oblysy,

Rıdder qalasy

Sońǵy jańalyqtar

Kelisimde keleshek bar

Qoǵam • Keshe

Teńiz túısigi

О́ner • Keshe

Ańshylyq – asyl óner

Rýhanııat • Keshe

Uqsas jańalyqtar