Qoǵam • 16 Sáýir, 2019

Jalaqyny arttyrý tártibin túsindirdi

1222 ret kórsetildi

Bilim jáne ǵylym mınıstri Kúlásh Shámshıdınova bilim berý salasynda júrgizilip jatqan jumystar týraly Úkimette ótken baspasóz konferensııasynda aıtyp berdi. Onyń aıtýynsha, 2019 jylǵy 1 maýsymnan bastap bilim berý salasynyń qyzmetkerleri jańa esepteý kestesi boıynsha eńbekaqy ala bastaıdy. Bıýdjet salasynyń tómengi jalaqy alatyn qyzmetkerleriniń jalaqysyn esepteýge koeffısıentterdiń jańa kestesi engiziledi.

– Bilim berý uıymdary qyz­met­kerleri jalaqysyn 10-nan 30 paıyzǵa deıin saralanǵan túrde ulǵaıtý jos­parlanýda. Koeffısıentter kestesi bilim berý deńgeıine, biliktilikke, jumys jaǵdaıyna qaraı negizgi býyndaǵy qyzmetkerlerge (oǵan kolledj oqytýshylary, muǵalimder, psıhologtar, áleýmettik pedagogtar, balabaqsha tárbıeshileri, qosymsha bilim berý salasynyń pedagogtary jatady); kómekshi qyzmetkerlerge (balabaqshalardaǵy bala baǵý­shy­lar, mekemelerdi tazalaıtyn qyzmetkerler, aýla tazalaýshylar, kúzetshiler) jáne basqarýshylarǵa (kolledj, mektepter basshylary, balabaqsha meńgerýshileri) qatysty bolady. Sóıtip bıýdjet salasynyń az jalaqy alatyn qyzmetkerleriniń eńbekaqysyn arttyrýǵa bólingen qarajattyń 75 paıyzy bilim salasyna jumsalady, – dedi K.Shámshıdınova. 

Sondaı-aq Bilim jáne ǵylym mınıstri 2018 jyldan bastap 208 myń muǵalim bilim berýdiń jańar­tylǵan mazmuny boıynsha 30 pa­ıyzdyq qosymsha aqy, biliktilik synaqtaryn sátti tapsyrǵan 60 myń muǵalim 30-50 paıyz aralyǵynda ústemeaqy alatynyn atap ótti.

«Testileýge pedagogtar jylyna eki ret – mamyr jáne qarasha aılarynda qatysady. Úsh jyl ishinde biliktilik arttyrý kýrstarynan orta bilim berýdiń jańartylǵan mazmuny boıynsha 144 myń muǵalim, 82 myń psıholog jáne synyp jetekshileri, 15 myń kolledjdiń ınjenerlik-pedagogıkalyq qyzmetkeri, 2,4 myń JOO oqytýshylary ótedi», dedi K.Shámshıdınova.

Onyń aıtýynsha, mekteptegi oqý baǵdarlamalaryna ıntegrasııalaý, AT-daǵdylardy damytý, jobalyq jáne zertteý jumystaryn júrgizý, bilim berýdi ıntegrasııalaý jáne olardy tájirıbe júzinde qoldaný, oqý josparyn tolyqtyratyn jáne balalardy damytýǵa baǵyttalǵan synyptan tys is-sharalar jalǵasady.

TjKBB jáne joǵary bilim júıesinde bilim berý baǵdarlamalaryn jańartý eńbek naryǵynyń talaptaryn, kásiptik standarttardy, WorldSkills standarttaryn, jetekshi shetel ýnıversıtetterimen bilim berý baǵdarlamalaryn úılestirýdi, kásipkerlik negizderin, jobalyq bilim berýdi eskere otyryp jalǵasady.

«Stýdentterdi volonterlik qyzmetke tartý týraly Elbasynyń tapsyrmalaryn oryndaý úshin vo­lonterlik vaýcher júıesin engizý bas­talady: 25 saǵatqa – 25 myń teńge jáne eki kredıtti qaıta tapsy­ryp, 50 saǵatqa – 50 myń teńge alyp, 5 kredıtti qaıta tapsyrady. Osy­laısha, belsendi stýdentter óz basta­ma­laryn kórsetip qana qoımaı, sonymen qatar ózderiniń kiristerin kóbeı­tip, erekshe qajettilikteri bar balalarmen jumys isteıdi, kámelet jasqa tolmaǵan devıanttyq minez-qulqy bar balalarmen, egde jastaǵy balalarmen áleýmettik jumys júrgizip, repetıtorlyqpen aınalysady», dedi Bilim jáne ǵylym mınıstri.

K.Shámshıdınova jýrnalıster qoıǵan suraqtardyń bárine jaýap berdi. Sonyń ishinde jalaqynyń ósýi balabaqshalardaǵy tárbıeshilermen qatar olardyń kómekshisi atalatyn bala kútýshilerge de qatysty ekenin ashyp aıtty. Sondaı-aq mektep bitirýshilerdiń dástúrli qoshtasý keshin ótkizýi keıingi kezde básekege, asta-tók sharaǵa aınalyp ketkenin aıtyp, aldaǵy ýaqytta ata-analar men mektep bitirýshilerdi bul másele jóninde oılanýǵa shaqyrdy. «Mundaı shara kezinde eń bastysy, qaýipsizdik máselesi qatań eskerilýi kerek, sondyqtan qoshtasý keshterin ótkizý jarysqa aınalmaı, mektep aýmaǵynda ótkeni durys jáne mundaı shara úshin arnaıy kóılekter tiktirip te qajeti joq», dedi.
Sońǵy jańalyqtar

Aqyly joldaǵy ahýal qandaı?

Aımaqtar • Keshe

Buǵybulaý

Qazaqstan • Keshe

Júze bilý – ómir

Qoǵam • Keshe

О́lketanýshy

Qazaqstan • Keshe

Kebenek

Tarıh • Keshe

Sáýkele

О́ner • Keshe

Uqsas jańalyqtar