Qoǵam • 19 Sáýir, 2019

Talpynystan – tabysqa

1173 ret kórsetildi

О́z ómiri de kınoǵa suranyp tur­ǵan tanymal aktrısa, bir­neshe bıznesti qatar alyp júr­gen Gúlsharat Jubaevany jurt qazir segiz qyrynan da kórip júr. Oı-parasatymen, iskerligimen on jigitti orap ke­ter qasıeti bar qazaq qyzy sa­ýap­ty isterimen de talaıdyń oń ba­ta­syn alyp otyrǵan jaıy bar.

Elden ne alamyn demeı, óz elime ne beremin degen qaǵıdamen ómir súretin búgingi maqtan tutar marǵasqanyń kelbetin izdeıtin bolsaq, talaılar Gúl­sharattyń tirligin elestetken bo­lar edi. Ata-eneniń kóńilin taýyp, kúıeýdiń yrzalyǵyna bólenip, qazany asýly, balalarynyń baǵýly, kórpesiniń quraýly, baqytynyń turlaýly bolýyn bir sát te umytpaı, úlken kásipti dóńgeletý – bul da Qudaı­dyń bergen bir daryny bolar!

Bir ózi 60 shaqty adamǵa, «Shabyt» sheberhanasynda 15-ke jý­yq tigin­shige, «Shabyt» shoý tobynda 30 bı­shige, «Shabyt» sulýlyq salony men dúkeninde talaı qyz-kelinshekke jumys berip otyrǵan Gúlsharat Ju­baeva aqpan aıynan bastap elimizdiń túkpir-túkpirinde sheberlik dáristerin ótkize bastady. Maqsaty – otandyq kıim­derdi arzan ári úıde otyryp-aq tige ala­tyn ismerler daıyndaý.

«Biletinim – bir toǵyz, bilmeıtinim – toqsan toǵyz»

Úlken bıznestiń barlyǵy da kishkentaı ıdeıalardan bastaý alady. Gúlsharatqa kásipkerlikke qalaı keldińiz desek, ol Ǵ.Músirepov atyn­daǵy balalar men jasóspirimder teatrynyń jataq­hanasynda ju­mys­tan bos kezde tar jerge tyǵylyp, tigin mashınasymen esh­kimge alaqan jaı­­maı, eshkimnen nesıe almaı, óz kıim­derin tigýden bas­taǵanyn aıtar edi.

– Adam únemi úırený, damý ústinde júredi. Ártúrli salany, ártúrli ádis­ti qoldanyp kórý, táýekelge barý me­niń tabıǵatymda bar. Osydan 2 jyl buryn Corel draw baǵdarlamasyn oqyp aldym. Qazir ózim syzǵan oıýlar­dyń vektor nusqasyn jasaı alamyn. Sosyn grafıkalyq planshetti shetel­den aldyrtyp, meńgerýge tyrystym. Biraq men oılaǵandaı ońaı sha­rýa emes eken. Aǵylshyn tilin úıre­nýdi bas­taǵanmyn, shúkir qazir biraz úı­renip qaldym.

Tigin tigýdiń tıimdi tehnologııalaryn úırenemin dep kýrstarǵa baryp kórdim. Sovet tehnologııasy Season, nemis tehnologııasy Mıýller, zamanaýı Lıýboks – bárimen tanystym, bil­dim. Nátıjesinde óz jolymdy taptym.

Salonymda jóndeý jumystary júrip jatqanda, Resin art tehnıkasyna oqydym. Oıymdaǵy kartınany ózim salyp, janym rahattanyp ári sán salonym jaınap ketti.

Osydan keıin de aqshasyn tó­lep, onlaın kýrsqa jazyldym. Maq­satym 3D Max, VRay, Carona baǵdarlamalaryn úırenip, vızýalızasııa álemimen tanysý boldy. Sonda da, biletinim – bir toǵyz, al bilmeıtinim – toqsan toǵyz.


Úı kútýshisi bolǵan kúnder de artta qaldy

Atyraýǵa alǵash kelgen jylda­ry qa­rashanyń sýyǵynda sińlim ekeý­miz dalada qaldyq. Men dámhanada «bar­menmin», sińlim kondýktor. Oǵan deıin dámhana ıesi nemis áıelmen kelisip, sol jerge qonyp júrgen edik. Bir kúni ol endi bizdi turǵyza almaıtynyn aıtty. Tún ortasynda jamylǵymyzdy kó­terip, podezde otyrmyz. Kimniń tere­zesiniń jaryǵy janady, sonyń esigin qaǵýǵa batylymyz barmaı, búrseńdep otyramyz. Sodan shydamaı túngi sa­ǵat tórtte bir úıdiń esigin qaǵyp, qo­nyp shyǵýdy suradyq. Esik ashqan jasy  35 shamasyndaǵy qazaq jigiti basynda bizden qoryqsa da, ishke kirgizdi. Tańerteń ol Qarabatanǵa jumysqa ketip bara jatyp, ekeýmizge sháıimizdi berip, eki saǵat myzǵyp alýǵa mursat bergenin umytqan emespin.

Munyń bárin ne úshin aıtyp otyrmyn? Máseleniń barlyǵyn tek eńbek sheshpeıdi. Eńbekqor adam kóp. Biraq nege barlyǵy tabysqa jetpeıdi? Ideıa qajet.

Áleýmettik paraqshamda bir qyz: «Siz osy nemen aınalysasyz?, Kimsiz?» dep suraq qoıypty. Oral­man­myn, ultym qazaq! Mektepte 5 sy­nypqa deıin oqyp, 6 synyptan bastap Nókistegi mýzykalyq ýchı­lısheniń horeografııa bólimin qyzyl dıplommen bitirdim. Ata-anam ónerge jibergisi kelmeı, Tashkentte zańgerlikke oqyt­ty. Sodan keıin Atyraýdaǵy H.Dos­mu­hamedov ýnıversıtetinde taǵy zań fa­kýltetinde oqydym.

Almatyǵa kelgen soń T.Júr­genov atyndaǵy Ult­tyq óner akademııa­synda kı­­­no prodıýseri jáne TV ma­man­dy­ǵyna túsip, tur­mys­qa shyǵýyma baı­lanys­ty, teatrdaǵy jumy­symdy da, oqýym­­dy da jal­ǵas­tyra alma­dym. Keıin Bish­kek­tegi B.Bı­shenalıeva atyn­daǵ­y óner ıns­tıtýtyn syrttaı bi­tirdim. So­nymen 2 orta, 2 joǵary bilimim bar bolsa, onyń 4-eýi – 4 elden.

Mektepti qaraqalpaq-ózbek ti­linde latyn álipbıimen oqy­dym. Qazaqsha qate jibere­tin­dik­ten, namystanyp qazaqsha saýat­ty jazýdy ózdigimnen úırendim.

Tashkentte júrgende aspaz bolamyn dep kondıterlik kýrs bitirgenim de bar. Negizi ózimdi myqty bıshi retinde kóretinmin, biraq halyq meni ak­trısa retinde tanydy. Ǵ.Mú­sirepov teatryn­da horeo­graf bolyp júrip, arnaıy dáris­ter alyp, sahnaǵa shyǵa bastadym. Sátsiz jobalarym da bolǵan, deıdi Gúlsharat Jubaeva.

Osydan 15 jyl buryn ǵana Qul­sary qalasynda úı qyzmetshisi bol­ǵanmyn desem senesiz be? Ja­lyndaǵan jas shaǵymda úı­renbegen ólkede osyndaı jumys isteý maǵan ońaı bolǵan joq. О́ıtkeni men mýzykalyq ýchılıshedegi kúnderimdi, sportty, ósken ortamdy, anamnyń 40 qyz jumys isteıtin tigin sehyn, aýyldaǵy úıimizdi, dámhana-dúkenimizdi, bastyqtyń erke qyzy bolyp júrgen kezderimdi saǵynatynmyn.

Úı qyzmetshisi bolyp júrgende sýdy aýladaǵy bóshkeden shelekpen tasyp, qolmen kir jýyp, tamaq pisirip, keıde aq jaımalaryn tigip, odan qalsa sol úıdiń balalaryna jattyqtyrýshy bolyp, kúnder ótip jatty. Sondaı kúnderdiń birinde sý tasyp júrip, úıdiń aldynda qulap qaldym. Sol kezde tizem aýyrmaǵan da bolar, bálkim. Biraq yzadan, tamaqqa tyǵylyp turǵan óksikten eńirep jylaǵanym áli esimde.

Munyń barlyǵyn aıtyp otyr­ǵanym, Allaǵa myń shúkir, alǵa qoı­ǵan maqsattaryma birtindep jetip kele­min. Búginde nólden bastaǵan «Shabyt» degen óz álemim bar. Bul jer­de joldasyń kásipker degińiz kelse, ol da men sııaqty páterde birge júrip bárin nólden bastaǵan azamat!


«Analar úıindegi» qaragózderdi kásipke baýlydy

О́mirdiń tezinde jeńimpaz bolýdy úırengen Gúlsharat alǵash ret «Analar úıinde» taǵdyryna moıymaı, balacyn tum­syǵymen tistelep baǵyp júrgen qyz­darmen bilgenimen bólisip, tigin óne­rinen tegin sheberlik dárisin bastaıdy.

– Budan bes-alty jyl buryn Almatyda eki-aq «Analar úıi» bolsa, qazir respýblıkada olardyń sany 24-ke jetken. Árqaısysynda 10-20 shaqty jas ana turady. Arasynda 30-35 jastaǵy aqyl toqtatqan kelin­shekter de, 15-16 jastaǵy boıjetkender de bar. Jýyrda jumysqa «Analar úıindegi» 17 jastaǵy eki jasar balasy bar anany aldym. Ol 14 jasynda aldanyp, júkti bolyp qalǵan. Ol jerge baryp júrgen bes-alty jylda baıqaǵanym, onda kileń elimizdiń túkpir-túkpirinen kelgen aýyldyń qyzdary. Olarǵa tegin kásip úıretip, qabiletti degenderin jumysqa bedel jınaý úshin alyp jatqanym joq. Súrinip júrgen bir adamnyń bolsyn qoltyǵynan demep, eńsesin kóterýine kómektessem deımin.

«Analar úıine» baryp tegin sabaq ótkizetinimdi, qolastymdaǵy qyzmet­kerlerge arnap úı salyp jatqanymdy jarııa ete bermeımin. Sebebi jazbamdy kórgen soń, qolushyn sozýymdy ótinip, hat jazatyn adamdar sany tolas­tamaı ketedi. Birinshiden, men olar­dyń bárin jumyspen qamtı almaı­myn. Ekinshiden, balasymen kelgen kelin­shekterdiń jaýapkershiligi kóp. Kish­kentaı sábıimen kelgen soń, jyly úı, aı saıyn turaqty jalaqy berýim kerek.


Jalǵyzbasty analarǵa jataqhana saldy

Jubaeva jalǵyzbasty analar men qolastyndaǵy qyzmetkerlerge arnalǵan tegin jataqhana qurylysyn ótken jyly qolǵa alǵan bolatyn. Amandyq bolsa, qonystoı jasaıtyn kúnder de alys emes.

Qazir qyz-kelinshekterge arnalǵan trenıngter, aqyl aıtatyn psıhologtar kóp qoı. Tabysqa jetken ataqty psıholog, kásipkerlerdiń kitaptaryn oqyp, sóz sapyryp shyǵý bir bólek. Al óz basyńnan bárin ótkizip, qaı jer­de quladyń, nege quladyń, qandaı qıyn­dyqtar kezdesedi degen syndy suraq­tarǵa jaýap bere otyryp, ómir­lik tájirıbeńmen bólisý – ol bas­qa dúnıe. Onyń ústine óziń­niń de, ózgeniń de ýaqytyn alyp, sabaq ótken soń: «Mynaý bylaı tigi­ledi, mynaý bylaı qıylady» dep qaıtaryp jibermeı, motıvasııa berý, senimdilik uıalatý kerek. Eshqandaı Báke-kókesiz qaltaly kúıeýsiz kásip ashý qolymnan keldi. «Seniń de qolyńnan keledi» degendi sanalaryna sińirgim keledi.

Respýblıka boıynsha kýrstar legin bastadyq. Kýrsta negizinen kıim­­di qalaı piship, ońaı jolmen tigý ádis­terin úıretemin. Kóp nárseni qıyndatýdyń qajeti joq. Búginde alty aılyq baladan bastap, standartty emes ólshemge arnalǵan kıimderdiń túr-túriniń úlgisi ınternette tolyp tur. Nıet bolsa, bárin úırenip alýǵa bolady. Bastysy mıdaǵy kedergilerdi joıý kerek. Biz búgin kıimdi de, basqany da shetelden satyp alyp jatyrmyz. Bizdiń elde ıkemdi, ismer qyz-kelinshekter jetedi. Aqyly kýrs ashý negizi oıymda bolmaǵan. «Analar úıinde» ótkizip júrgen sheberlik sabaqtaryn tikeleı efırden kórgender «bizge de úıretińizshi» dep hattar jaza bastady. Sonymen aıaq astynan sheberlik kýrsyn bas­tap kettim. Elimizde kásip bastaımyn, jumys jasaımyn degen janǵa múmkindik kóp. Kýrsta «nesıe alsam» deıtin kelinshekter jıi kezdesedi. Negizi nesıesiz-aq kásip bastaýǵa bolady, biraq tájirbıesi bar adammen aqyldasyp, júıeli jospar quryp baryp kirisý kerek, – deıdi Gúlsharat.

 

ALMATY


Sońǵy jańalyqtar

Ulttyq bolmysty bederlegen

Qoǵam • Keshe

Esimnen ketpes eki etıýd

Rýhanııat • Keshe

Besinshi element

О́ner • Keshe

Aqadyrdyń aqjoltaıy

Sport • Keshe

Qara qazanda qasıet bar

О́ner • Keshe

Uqsas jańalyqtar