Aımaqtar • 19 Sáýir, 2019

Túrkistan jastary Nur-Sultan qalasyna 1000 túp qyzǵaldaq syılady

772 ret kórsetildi

Búgin Astana qalasynyń Nur-Sultan ataný qurmetine jáne Jastar jylyna oraı Túrkistan oblysynyń jastary elordaǵa 1000 túp qyzǵaldaq gúlin syıǵa tartty. Bul týraly Túrkistan oblysy ákiminiń baspasóz qyzmeti habarlady.

Qyzǵaldaqtyń Otany – Túrkistan tórinde ósken ásem gúlder elordanyń «Botanıkalyq baǵyna» otyrǵyzylady. Qazaq dalasynyń kórki - qyzǵaldaqtardy  túrkistandyq jastar «Aqsý-Jabaǵyly alaýy, Shubaıqyzyl jalaýy!» atty qyzǵaldaq festıvalinde tartý etti. 

Mundaı erekshe syılyq jasaýdaǵy maqsat – tarıhy tereńde jatqan qyzǵaldaqtyń mánin kópshilikke jetkizý. Sebebi, qazaq dalasyna kórik bergen qyzǵaldaqty ata-babamyz jumaq gúline balaǵan. Sáýir aıynyń sońynda gúldep, 15 kún ǵana "ómir súretin" qyzǵaldaq qazaqtar úshin Naýryzdyń sımvoly bolyp sanalady. 

Jalpy, qazaq dalasynda qyzǵaldaq gúliniń 32 túri kezdesedi. Onyń 12-si endemıkalyq, ıaǵnı, tek qazaq jerinde ǵana ósetin túr bolyp sanalady. Osydan bolar, Qazaqstan «Qyzǵaldaqtyń otany» atanǵan. Ǵalymdar dáleldegendeı, atalmysh gúl qazaq dalasynan búkil jer júzine taralǵan. 
Túrkistan óńirinde kóptep kezdesetin qyzǵaldaqtyń beınesi Qoja Ahmet Iаsaýı kesenesindegi juqa kirpishterde, Otyrar dalasyndaǵy  ortaǵasyrlyq qyshtardan da kórinis beredi. Áziret sultan kesenesindegi áıgili taıqazanda da qyzǵaldaq beınelengen. Kóne nanym boıynsha,  qyzǵaldaq sóziniń maǵynasy – Allaǵa jáne adamǵa degen mahabbat. Tipti onyń sulýlyǵyna qyzyqqan halyq «patshalar gúli» dep te ataǵan. 
Aıta keteıik, 2018 jyldan bastap tabıǵatymyzdyń kórkem syılarynyń biri qyzǵaldaqty dáriptep, keıingi urpaqqa bar mańyzdylyǵyn jetkizý maqsatynda «Aqsý-Jabaǵyly alaýy, Shubaıqyzyl-jalaýy!» atty qyzǵaldaqtar festıvalin ótkizý Túrkistan óńirinde dástúrge aınalǵan. 
Elordany náziktik pen sulýlyqqa toltyrýǵa nıettengen  túrkistandyq jastar biregeı syıdyń Nur-Sultandyqtarǵa unaıtynyna senimdi. 
Sońǵy jańalyqtar

Shymkentte taǵy bir aýdan qurylady

Qoǵam • Búgin, 16:58

Almatyda qant qymbattap barady

Qoǵam • Búgin, 16:45

Dollar baǵamy ósti

Qarjy • Búgin, 16:12

Uqsas jańalyqtar