Qoǵam • 22 Sáýir, 2019

Úlgi alarlyq ońdy ister bar

299 ret kórsetildi

Elbasynyń áleýmettik bastamalaryn túsindirý maqsatynda Shyǵys Qazaqstanǵa kelgen úkimettik delegasııanyń jumys sapary Semeı qalasyndaǵy jedel medısınalyq járdem aýrýhanasyn aralaýdan bastaldy. 325 tósek-orynǵa shaqtalǵan aýrýhanada zamanaýı jabdyqtarmen jaraqtalǵan Polıtravma jáne ortopedııa ortalyǵy ashyldy. Mamyr aıynda elimizdegi alǵashqy neırohırýrgııaǵa arnalǵan gıbrıdti ota jasaý bólmesi ashylmaq.

Jumys toby músheleri Halyq­qa qyzmet kórsetý orta­ly­ǵynda elektrondy formatta memlekettik qyzmet kórsetý barysymen tanysty. Sondaı-aq jurtshylyq ókilderimen kez­desti. Kezdesýden soń Premer-Mınıstrdiń orynbasary G.Áb­di­qalyqova azamattardy qabyldady. Odan keıin 14 balany tárbıelep otyrǵan Olga Kandybanyń otbasynda boldy. Kóp balaly otbasy memleketke 7 jer telimin usynǵany jáne «Gazel» markaly avtokólik syılaǵany úshin alǵysyn aıtty. Sonymen qatar 8 bala­ny tárbıelep otyrǵan Indıra Otarbaevanyń otbasy da «О́ken» JShS quryltaıshysyna syılaǵan jańa jeke úıi úshin rızashylyǵyn bildirdi.

Jumys sapary О́skemende jalǵa­syp, resmı top ókilderi áýeli oblystyq mamandan­dy­ryl­ǵan medısınalyq orta­lyq­ta robottandyrylǵan hırýr­gııa ortalyǵynyń jumysy­men tanysty. Bas dáriger Iýrıı Starokojev bir jylda 200-den astam naýqasqa ota jasaǵandaryn aıtty. «Robottandyrylǵan hırýrgııa otanyń dáldigin arttyryp, jaraqattyń jeńil ári operasııadan keıingi em-domnyń sapaly bolýyn qamtamasyz etedi», deıdi ol.

D.Serikbaev atyndaǵy Shyǵys Qazaqstan memlekettik tehnıkalyq ýnıversıtetinde oblys aktıvimen kezdesken Premer-Mınıstrdiń orynbasary Elbasy tapsyrmasymen qabyldanǵan «Áleýmettik qamqorlyq» keshendi baǵdarla­masynyń nátıjesinde ózekti áleýmettik bastamalar qolǵa alynǵanyn atap ótti. 

Basqosýda sóz alǵan kóp ba­la­ly ana, «NIET.WOMAN» qoǵam­dyq birlestiginiń jetek­shisi Elvıra Allahverdıeva óńirde kóp balaly jáne az qamtylǵan otbasylardy demeý baǵytynda keshendi jumys qolǵa alynǵanyna toqtaldy. «Keshendi jospar aıasynda kóp balaly jáne az qamtylǵan ot­basy­lardyń balalary bala­baqsha tóleminen bosatylyp, olarǵa mektep formasy tegin berilmek. Kóp balaly analar jáne múgedek bala tárbıelep otyrǵan analarǵa suranysqa ıe ma­mandyqtar boıynsha qys­qa merzimdi kýrstar uıymdas­tyrylyp, jumys oryndary qarastyrylýda», dedi ol.

Búginde oblysta 26 146 kóp balaly otbasy tursa, onyń 14 159-nyń balalary kámeletke tolmaǵan. Oblys ákiminiń orynbasary Ásem Núsipovanyń aıtýynsha, keshendi baǵdarlama aıasynda 46 myń adam ataýly áleý­mettik kómekke qol jetkiz­bek. Mamyr aıynan bastap oblystaǵy kóp balaly otbasylar (3 jarym myń) balabaqsha tóleminen bosatylady.

Úkimet basshysynyń orynbasary shahardaǵy kóp balaly otbasylardyń úıine bardy. Jibek joly kóshesinde tura­tyn Nurlan Jetpisovtiń ju­baıy ómirden erte ozyp, búgin­de bes balaǵa ózi bas-kóz bolyp otyr. Birneshe jyl páter jal­daǵan О́skemen turǵynyna «VK Tehnogrýpp» JShS-si óz­deri salǵan kópqabatty úıdiń birin­shi qabatynan eki bólmeli páter syılady. «Qyzdarymnyń úlkeni 10-synypta, kenjemiz 1-synypqa barady. Bas aýyrt­qan baspana máselesi sheshilip, qýanyshqa kenelip jatyrmyz», deıdi qaısar áke. Vıse-premer at basyn tiregen ekinshi otbasy – qala shetindegi jer úıde 12 bala ósirip otyrǵan Cherkashınder áýleti. «Rodnıchok» sharýa qo­ja­lyǵynyń basshysy A.Mıtın bul otbasyna kómek qolyn sozyp, qurylys materıaldaryn sa­typ áperipti. Altaı aýdanyn­da turǵan Cherkashınder otbasy О́skemenge byltyr kóship kelgen. «Úıimiz taýdyń eteginde. Áýelde shaǵyn bolatyn, óz kúshimizben aqyryndap keńeıtip jatyrmyz. 0,2 gektar baqshamyz bar. Mamandyǵym – geolog. Altaıda turǵanda «Qaz­sınkte» jumys istegenmin. Az­dap eshki ustaımyz. Qyzdar sony saýyp, sútin satady. Ul­dar qoradan shyqpaıdy. Bala­nyń kóp bolǵany qolyńdy ju­mys­tan bosatady. Buǵan deıin esh­kim­­ge qol jaıǵan joqpyz. О́z ot­­ba­syma ózim jaýaptymyn dep sanaımyn», dedi otaǵa­­sy. G.Áb­diqalyqova kópke úlgi bo­lar­­l­yq eki otbasyna da rıza­shy­­ly­­ǵyn bildirip, 150 myń teńge­niń qar­jylaı sertıfıkatyn tabys etti. 

Premer-Mınıstrdiń orynbasary jumys sapary aıasyn­da Eńbek jəne halyqty əleý­met­tik qorǵaý mınıstri Berdi­bek S­apar­­baevpen birge О́ske­men­degi jumyspen qamtý ortaly­ǵy­nyń qyzmetimen tanysty. Or­talyq qyzmetkerleri qujat­tar­dy onlaın qabyldaý júıesi 30 sáýirde toqtatylmasa eken degen tilekterin bildirdi. О́ıt­keni О́skemendegi 2157 kóp balaly ot­basynyń tek 248-ine ǵana jańa forma boıynsha AÁK taǵaıyndalypty. «Qa­jet bolsa, ýaqytyn sozý qajet. Qujat jınaýda túrli kedergiler bar ekenin bilemiz», dedi G.Ábdiqalyqova.

Múgedekterdi áleýmettik qor­ǵaý salasyndaǵy úılestirý keńes­iniń kóshpeli otyrysy úki­mettik delegasııanyń qatysýy­men О́skemende ótti. Barlyq ob­lys pen Almaty, Nur-Sul­tan jáne Shymkent qalalary ákim­deriniń áleýmettik salaǵa jaýapty orynbasarlary qatys­qan beınerejimdegi jıynda 2025 jylǵa deıingi jańa Ulttyq jospardyń jobasy talqy­landy. Úkimet basshy­synyń orynbasary elimizde múm­kindigi shekteýli azamattardy qoldaý baǵytynda birshama jumys qolǵa alynǵanymen, tú­ıini tarqamaǵan máseleler bar ekenin, azamattardyń atal­ǵan sanaty qoǵamdyq kólik­terge mi­nip-túsýde, túrli ǵımarat­tarǵa kirýde, joǵary qabat­tar­ǵa kóterilýde áýre-sarsańǵa tú­sip júrgenin tilge tıek etti. B.Sapar­baev 2025 jyl­ǵa deıingi Ulttyq jospar 7 baǵyttan turatynyn, osy ýaqytqa deıin azamattardan 400-ge jýyq usynys túskenin, ótinish-tilekter mınıstrliktiń resmı ınternet saıtynda qabyl­danatynyn atap ótti.

Otyrysty qorytyndylaǵan G.Ábdiqalyqova Ulttyq joba­ǵa nemquraılylyq tanytpaı, jiti nazar aýdarýdy, naqty usynys berýdi tapsyrdy. «Osy rette atap aıtqym keletini, О́skemende múmkindigi shekteýli balalarǵa arnalǵan «Aqnıet» mektep-ınternaty tıimdi jumys júrgizip keledi. Mine, osyndaı bilim ordalary elimizde kóptep ashylýy kerek», dep túıindedi Vıse-premer.
Otyrystan keıin Úkimettik delegasııa múmkindigi shektelýi balalarǵa arnalǵan «Aqnıet» mektep-ınternatynyń jumysy­men tanysyp, balalarǵa arnalyp salynyp jatqan 200 oryndyq aýrýhananyń qurylysyn kórdi.

Shyǵys Qazaqstan oblysy
Sońǵy jańalyqtar

Nar Narymbetov edi...

Qazaqstan • Keshe

«Omıkron» shtamy oqshaýlaıdy

Koronavırýs • Keshe

Portrettegi parasat

Elbasy • Keshe

Almatyda 5G jelisi iske qosyldy

Tehnologııa • Keshe

Uqsas jańalyqtar