Qazaqstan • 16 Mamyr, 2019

XVI Eýrazııalyq medıa forýmynyń hedlaıneri kim?

620 ret kórsetildi

XVI Eýrazııalyq medıa forýmynyń spıkerleri quramynda belgili saıası qaıratker, qazirgi AQSh prezıdenti ákimshiliginiń eń bedeldi qyzmetkerleriniń biri bolǵan Stıven Bennon jáne taǵy basqalar bar.

Stıven Bennon – AQSh Prezıdenti Donald Tramptyń aǵa keńesshisi jáne strategııalyq máseleler boıynsha burynǵy bas mamany. Ol ulttyq qaýipsizdik máselesin zertteý boıynsha magıstr dárejesin Djordjtaýn ýnıversıtetinde jáne isker ákimshilik magıstr dárejesin Garvard ýnıversıtetiniń Bıznes mektebinde alǵan. Sondaı-aq Stıven Bennon áskerı-teńiz kúshteriniń ofıseri, AQSh-tyń «Pol Foster» áskerı kemesinde Tynyq muhıty, Aravııa teńizi, Parsy shyǵanaǵynda áskerı mindetin ótegen. Pentagonda áskerı-teńiz operasııalary boıynsha qolbasshynyń arnaıy kómekshisi qyzmetin atqarǵan.  

2016 jyly Stıven K.Bennon Donald Tramptyń prezıdenttik kampanııasyn basqarǵan. 2017 jyly Aq úıde AQSh Prezıdenti Donald Tramptyń aǵa keńesshisi jáne strategııalyq máseleler boıynsha bas mamany laýazymynda bolǵan.

Bennon myrza – birqatar madaqtalǵan derekti fılmderdiń rejısseri, aqparattyq Breitbart News veb-saıtynyń atqarýshy tóraǵasy. Banktik Goldman Sachs konglomeratynyń birigýi men sińirý boıynsha maman retinde jumys istegen.

Bennon – belsendi azamattyq ustanymy bar azamat. Ol «Azamattar Amerıka Respýblıkasy úshin!» qoǵamdyq qozǵalysynyń negizin qalaýshy. Sondaı-aq ol bılikti asyra paıdalaný máseleleri boıynsha is júrgizetin Zań ústemdigi qoǵamynyń tóraǵasy. Ol búkil álemdegi qoǵamdyq saıası belsendilik pen tanymal ulttyq ıdeıalardy qoldaıtyn  Eýropa, Ońtústik Afrıka men Azııadaǵy «The Movement» uıymynyń negizin qalaýshylardyń biri bolǵan. 

Stıven Bennon – «Biz qalqan salýdamyz» uıymynyń konsýltatıvtik keńesiniń tóraǵasy. Uıym maqsaty – AQSh ońtústik shekarasyndaǵy qabyrǵa qurylysyn qarjylandyrý.

Eýrazııalyq Medıa forým aıasynda Bennon 24 mamyr kúni «Senim daǵdarysy. Kúshterdiń jahandyq bólinisi» paneldik sessııasyna qatysady.

Sessııanyń basty mindeti – halyqaralyq qatynas júıesiniń jańa tıimdi jáne turaqty modelin izdeý.

Stıven Bennerden basqa sessııadaǵy spıkerler quramynda myna tulǵalar bolady:

§  Benıta Ferrero-Valdner (Aýstrııa) – aýstrııalyq memlekettik jáne saıası qaıratkeri, Eýropalyq Odaqtyń syrtqy baılanystary men Eýropalyq kórshilik saıasaty jónindegi komıssary (2004 -2009 jj.)

§  Djordj Gelloýeı (Uly Brıtanııa) - saıasatker, kitap avtory, jýrnalıst

§  Djeremı Kettner (Germanııa) – jahandyq táýekelder men memleketter boıynsha taldaýshy, mádenı dıplomatııa sarapshysy, jazýshy jáne kommentator

§  Mark Sıgel (AQSh) - Prezıdent kómekshisi D. Kartera orynbasary, Demokratııalyq partııa Ulttyq komıtetiniń atqarýshy dırektory (1973-1977 jj.)

§  Mıhaıl Gýsman (Reseı) - jýrnalıst, TASS bas dırektorynyń 1-shi orynbasary

§  Stıven Koýl (Uly Brıtanııa), CGTN baǵdarlamalarynyń avtory jáne júrgizýshisi

XVI Eýrazııalyq Medıa forým 22-24 mamyr aralyǵynda Almaty qalasyndaǵy The Ritz-Carlton qonaq úıinde ótetinin esterińizge sala keteıik. Forýmnyń bıylǵy  teglaıny – «Búgingi álem: shyndyq transformasııasy?».

Aldaǵy konferensııa barysynda álemdik jáne óńirlik deńgeıdegi birqatar ózekti máselelerdi talqylaý josparlanýda. Kún tártibinde jahansyzdandyrý prosesiniń, tutynýdyń tereń boılap bara jatqan daǵdarys problemalary, sondaı-aq halyqaralyq quqyq máseleleri men jasandy ıntellekt qoldanýdaǵy syn-qaterler keńinen talqylanady.

Forým sheńberinde medıa salasyndaǵy kásibı taqyryptar -  sandyq álemdegi jýrnalıstıkanyń bolashaǵy jáne blogosfera yqpalynyń ósýi kóteriledi.

Ortalyq Azııanyń jetekshi táýelsiz dıalog platformasy retinde Eýrazııa Medıa forýmynyń (EAMF) basty mıssııasy - Qazaqstannyń, Eýrazııanyń jáne búkil halyqaralyq qoǵamdastyqtyń geosaıası, ekonomıkalyq, áleýmettik-mádenı damýynyń negizgi problemalary boıynsha saıasatkerlerdiń, jýrnalıster men sarapshylardyń erkin jáne ashyq dıalogyna jaǵdaı jasaý.

EAMF-ǵa tirkelý 16 mamyrǵa deıin jalǵasady. Tirkeý resmı saıtta – http://eamedia.org/ru/  . Oryndar sany shekteýli.

XVI Eýrazııa medıa forýmnyń bas seriktesi – «Samuryq-Qazyna» AQ.


Sońǵy jańalyqtar

Shymkentte taǵy bir aýdan qurylady

Qoǵam • Búgin, 16:58

Almatyda qant qymbattap barady

Qoǵam • Búgin, 16:45

Dollar baǵamy ósti

Qarjy • Búgin, 16:12

Uqsas jańalyqtar