Prezıdent • 17 Mamyr, 2019

Qazaqstan Prezıdenti Qasym-Jomart Toqaev Paralımpıadalyq jattyǵý ortalyǵyna bardy

795 ret kórsetildi

Bul týraly Aqordanyń baspasóz qyzmeti habarlady.

Memleket basshysyna halyqaralyq qoljetimdi standarttar boıynsha qaıta jańǵyrtylǵan, múmkindigi shekteýli jandarǵa tolyqtaı yńǵaılastyrylǵan jattyǵý, oıyn zaldary, júgirý jolaǵy, jekpe-jek jáne paýerlıftıng aýmaǵy bar paralımpıada ortalyǵy tanystyryldy.

Qasym-Jomart Toqaev paralımpıadalyq oıyndardy memleket qoldaıtynyn ári halyqaralyq arenalardaǵy bizdiń sportshylarymyzdyń jetistikterin maqtan tutyp, joǵary baǵalaıtynyn aıtty. Sonymen qatar, Tokıoda ótetin Paralımpıadalyq oıyndarda joǵary deńgeıde óner kórsetý úshin uıymdastyrý jáne qarjylyq qoldaý kórsetiletinin jetkizdi.  

– Osy ortalyqtyń arqasynda elordamyzdaǵy múmkindigi shekteýli jandarǵa sportpen shuǵyldaný tegin bolyp otyr. Elimizde 680 myńǵa jýyq ártúrli deńgeıdegi múmkindigi shekteýli jan bar. Qolymyzdaǵy derekterge qaraǵanda sol azamattardyń 3 paıyzy ǵana belsendi túrde sportpen aınalysady eken. Bul jaǵdaıdy ózgertý úshin jumys istep jatyrmyz. Búgin túske deıin eńbek jáne jumyspen qamtý boıynsha keńes ótkizdim. Sol jıynda múmkindigi shekteýli jandardyń jumysqa ornalasýyn jiti nazarda ustaý kerektigi aıtyldy. Bul – úlken áleýmettik mindet. Erekshe qajettiligi bar adamdardyń tolyqqandy ómir súrýine bar kúshigimizdi salýymyz kerek, – dedi Qazaqstan Prezıdenti.

Kezdesý sońynda múmkindigi shekteýli sportshylar óz ónerlerin kórsetti.

Sońǵy jańalyqtar

Shabyt shaqyratyn shahar

Elorda • Keshe

Aqjaınaq astana

Elorda • Keshe

Ozyq óndiris ornynda boldy

Aımaqtar • Keshe

Dımash pen Djekson

О́ner • Keshe

Uqsas jańalyqtar