Aımaqtar • 30 Mamyr, 2019

«Shahrıstan» qaıta túleıdi

1081 ret kórsetildi

Osydan birneshe jyl buryn Taraz qalasyndaǵy «Shahrıstan» bazary jabylyp, nysan qaraýsyz qalǵandaı kúı keshken bolatyn. Talaı jyldan beri jergilikti halyqtyń kúnkórisine aınalyp kelgen ortalyqtyń jumysy bir kúnde toqtap qalady dep eshkim de oılamasa kerek. Muny árkim ár saqqa júgirtip, túrli pikirler týdyrdy. Alaıda ejelgi shahardyń orny tabylǵan meken ult tarıhynyń uly qundylyǵy bolyp osy kúnge deıin jetipti.

Endigi jerde atalǵan keshendi jań­ǵyrtý jumystaryn qolǵa alý, qalpyna keltirý, eki myń jyldan astam tarıhy bar erek­she shahardyń sáýlettik kel­betin arttyrý basty maqsat bol­dy. Shyndyǵyna kelsek, osy ýaqytqa deıin qańyrap tur­­ǵan keshenniń taǵdyry týra­ly da kóp aıtylǵan joq edi. Bú­ginde «Shahrıstan» tarıhı-mádenı keshenin jańǵyrtýǵa jo­ǵary deńgeıde kóńil bólinip otyr. Jambyl oblysynyń áki­mi Asqar Myrzahmetovtiń tap­syr­masymen atalǵan keshendi qalpyna keltirý jumystary bastalyp ta ketti. Qazirgi kezde burynǵy bazardyń orny súri­lip, onyń ornyn tazartý sharalary qolǵa alynǵan. Jalpy, 200 gektarǵa sozylyp jatqan ke­shen aýmaǵyna bolashaqta kórkem­sýret galereıasy, oblystyq ól­­­­ke­taný murajaıy, 700-800 oryn­dyq amfıteatr, kólemdi saǵat stellasy, kórme zaly jáne «Rýhanııat» ortalyǵy salynatyn bolady. Taraz qalasy ákiminiń orynbasary Beısenbek Janbosynovtyń aıtýynsha, mun­da barlyq sharýalar jiti qadaǵalanýda eken. Sonymen qatar shahar basshysynyń oryn­basary Taraz qalasynyń tur­ǵyndary men qonaqtary úshin kó­likterdiń qozǵalysyn, salynatyn ǵımarattardyń nobaıyn jáne kósheler tuıyqtalatyn tustardy retke keltirý mańyzdy ekenin aıtady. Bul oraıda tıis­ti jumystar da atqarylýda eken. Sonymen qatar jobalar aıa­syn­daǵy qurylys jumysta­ryna «Samarqand» tehnologııasy­men ázirlengen arnaıy qysh kir­pishter qoldanylady.

Kóne shaharǵa kóp ózgeristiń kerek ekeni anyq. Jyl basynan beri Taraz qalasyn túletýdiń tyń joldary da qarastyrylýda. Ta­rıhı qalanyń sáýlettik kel­betin arttyrýǵa búginde tıisti me­ke­melerdiń bári de atsalysýda. Máselen, qalalyq sáýlettik bıýro mekemesine qala ishinen boı kóteretin nysandardyń noba­ıyn syzyp, sulbasyn daıyndaý júktelgen eken. Bul rette atalǵan mekeme oblys ortalyǵynda ózindik qoltańbasyn qaldyrýda sapaly jumys júrgizýge daıyn ekenin jetkizdi. Bıýro basshysy Arman Ábdeshov qazirgi ýaqytta «Shahrıstan» etnomádenı orta­lyǵynyń jobasyna erekshe mán berilýde ekenin, sondyqtan atal­ǵan ortalyqtyń qurylysyn al­daǵy kúz mezgiline deıin aıaq­taýǵa kúsh salynatynyn aıtty. Sonymen qatar «Kóne Taraz» kesheni men «Shahrıstan» etno­mádenı ortalyǵy qosylyp, eki nysannyń arasynan bir sha­qy­rymǵa sozylatyn arbat qu­rylysy júrgiziledi eken. Bu­dan bólek, «Tekturmas» etnotarıhı kesheninde «Kóne Ta­raz» stansasy salynyp, aspaly jol tartylady. Aspaly jol «Tekturmas» kesheninen «Sha­hrıstan» ortalyǵyna deıin sozylady dep josparlanýda. Munyń bári de kóne Taraz shaharynyń tarıhyn bilgisi kelgen týrıs­terge jasalǵan jaqsy jaǵ­daı bolmaq. Sonymen qatar jer­gilikti turǵyndar úshin de jaq­sy jańalyq ekeni daýsyz. Bul oraıda Jambyl oblystyq tý­rızm basqarmasynyń basshysy Qarlyǵash Aralbekova al­daǵy ýaqytta «Shahrıstan» ortalyǵynda 60 shaqty sheberhana ornalasqan qolónershiler qa­lashyǵy paıda bolatynyn aıtty. 

«Shahrıstandy» qaıta túle­týge arnalǵan jańǵyrtý sha­ra­l­aryn jyl sońyna deıin aıaq­­taý josparlanǵan. Negizi, bıyl Áýlıeata jerine keletin týrıs­terdiń qataryn 400 myńnan asy­rýǵa nıettenip otyrmyz. Qazirgi tańda Jambyl oblysy aýmaǵynda tarıhı-arheologııalyq, ekolo­gııalyq, medısınalyq saýyq­tyrý jáne balalar týrızmi qar­qyndy ilgerileý ústinde. Ási­rese ańshylyq pen balyq aýlaýǵa qyzyǵatyndar qatary artýda»,­ deıdi basqarma basshy­sy. Al jergilikti ákimdiktiń máli­metinshe, búginde joǵaryda atal­ǵan baǵytta 50-ge jýyq ká­sip­kerlik nysan arnaıy tir­keýden ótip, qyzmet kórsetýge ázir eken.­ Sondaı-aq jýyq arada «Tórtkúl» tarıhı kesheni ma­ńynan biregeı «Qazaq aýyly» etno­jobasy da bastalatyn bolady. «Ol úshin Taraz qalasynan 12 arnaıy týrıstik baǵyt ázir­lenip, qonaqtarǵa yńǵaıly jaǵ­daı týǵyzý maqsatymen 33 tý­rıstik ortalyq arnaıy mobıl­di qosymshaǵa egjeı-tegjeıli tú­sindirilip, engizilgen. Endi ol jerden barlyq qajetti máli­metterdi QR kod arqyly da bes til­de alýǵa múmkindik bar», deı­­di Qarlyǵash Aralbekova. Son­daı-aq ol qosymshada Jam­byl óńirinde qyzmet etetin 178 qonaqúı men 300-den astam ta­maq­taný ornynyń jáne kólik ta­symalynyń syzbasy, aqsha aıyr­bastaý pýnkteri men týrıstik agent­tikterdiń tizimi, baǵalary jasaq­talǵan.

«Shahrıstan» kesheni – Taraz qalasynyń negizgi kóshesinde ornalasqan nysan. Atalǵan keshen qaıta jańǵyrtýdan ótip, el ıgiligine berilse, áli talaıdy tamsandyratyny anyq. Eń bastysy Taraz tarıhyn áı­gi­leı­tin, el shejiresin nasıhattaı­tyn ortalyq bolsa, bul da áý­lıeatalyqtar úshin az olja bolmas edi...


Jambyl oblysy
Sońǵy jańalyqtar

16 tamyzǵa arnalǵan valıýta baǵamy

Ekonomıka • Búgin, 09:47

16 tamyzǵa arnalǵa aýa raıy boljamy

Aýa raıy • Búgin, 09:38

1453 adam koronavırýstan jazylyp shyqty

Koronavırýs • Búgin, 09:06

Jigittermen kúsh synasqan arý

Ulttyq sport • Búgin, 08:43

Qytaıdan qalyp qoıdyq

Sport • Búgin, 08:42

Tabystary – 2 117 000 dollar

Sport • Búgin, 08:40

Sınsınnatıdegi týrnır bastaldy

Sport • Búgin, 08:38

Úzdik qurylysshylar marapattaldy

Qoǵam • Búgin, 08:37

Olımpıadadan keıingi oılar

Sport • Búgin, 08:35

Jarys qyzǵan shaǵyna jetti

Sport • Búgin, 08:34

Tehnopark tegin oqytady

Qoǵam • Búgin, 08:32

Balalarǵa arnalǵan startaptar

Qoǵam • Búgin, 08:30

Julynqurt laboratorııasy áshkerelendi

Aımaqtar • Búgin, 08:27

«Talgodaǵy» talan-taraj

Qoǵam • Búgin, 08:25

Shalǵaıdaǵylar shaǵym aıtady

Bilim • Búgin, 08:22

Jańa mektepter kóbeıedi

Bilim • Búgin, 08:20

Jalbyz ben jaýynqurt ósiredi

Qoǵam • Búgin, 08:17

Moıynqumda mańyzdy máseleler aıtyldy

Aımaqtar • Búgin, 08:13

Jańa Qazaqstan – sheteldikter kózimen

Saıasat • Búgin, 08:10

Qamystan óndirilgen qumsheker

Aımaqtar • Keshe

Erlikke toly eńbek

Qazaqstan • Keshe

Uqsas jańalyqtar