Saılaý • 03 Maýsym, 2019

Saılaýǵa ázirlik barysy qorytyndylandy

862 ret kórsetildi

Ortalyq saılaý komıssııasynyń ashyq otyrysynda tórt másele qaraldy. Ortalyq saılaý komıssııasynyń tóraǵasy Berik Imashev alǵashqy taqyryp – «2019 jyldyń 9 maýsymyna taǵaıyndalǵan Qazaqstan Respýblıkasy Prezıdentiniń kezekten tys saılaýyn ázirleý kezeńindegi saılaý komıssııalary músheleri men saılaý prosesine basqa da qatysýshylardy oqytýdyń qorytyndylary» boıynsha baıandama jasaý úshin sózdi OSK hatshysy Sábıla Mustafınaǵa berdi.

Onyń aıtýynsha, Ortalyq saılaý komıssııasyna oblystardyń, respýblıkalyq mańyzy bar qalalardyń, astananyń aýmaqtyq saılaý komıssııalary usynǵan derekterine sáıkes, Qazaqstan Respýblıkasy Prezıdentiniń kezekten tys saılaýyna daıyndyq sheńberinde saılaý naýqanyn jarııalaǵan sátten qazirgi ýaqyt­qa deıin barlyq aýmaqtyq saılaý komıssııalarynyń 1 624 múshesi oqytylǵan, bul ASK jal­py quramynyń 100%-yn quraıdy. Al ýchaskelik saılaý komıs­sııalarynyń 65 myńnan astam múshesi oqytylǵan, bul ÝSK jalpy quramynyń 94%-yn quraıdy degen sóz. Mine, OSK hatshysy atap ótkendeı, respýblıkanyń saılaý komıssııalarynda saılaýdy uıymdastyrýshylardy oqytý Ortalyq saılaý komıssııasynyń otyrysynda bekitilgen josparǵa sáıkes júıeli túrde júrgizilgen.

Ýchaskelik saılaý komıssııala­rynyń múshelerin oqytý OSK da­ıyndaǵan «Qazaqstan Respýb­lıkasy Prezıdentiniń saılaýyn ázirleý kezindegi saılaý pro­sesiniń quqyqtyq negizderi men saılaý komıssııalarynyń jumysyn uıymdastyrý» atty oqý baǵdarlamasy jáne oqý-ádistemelik kesheni boıynsha jú­zege asyryldy. Elektorattyq oqytý alty baǵyt boıynsha, ıaǵnı Prezıdent janyndaǵy Memle­kettik basqarý akademııasynyń óńirlik fılıaldary bazasynda saılaý komıssııalarynyń múshelerin oqytý, jergilikti jer­lerde tómen turǵan saılaý komıssııalarynyń múshelerin kaskadtyq ádispen oqytý, qashyq­tyqtan oqytý men testileý, OSK músheleri men apparat qy­zmetkerleri óńirlerde ótkizgen kóshpeli oqytý semınarlary, oǵan qosa beınekonferensbaılanys arqyly óńirlermen uıymdastyrylǵan semınarlar jáne saılaý prosesiniń basqa da qatysý­shy­laryna arnalǵan oqytý is-sharalary arqyly ótkizildi. Sóı­tip respýblıka boıynsha saılaý komıssııalarynyń músheleri men saılaý prosesiniń basqa da qatysýshylaryn elektorattyq oqytý 118 112 adamdy qamty­dy. Buǵan qosa, otyrysta beınekon­fe­­rensııa arqyly Aqtóbe, Jam­byl oblystarynyń jáne Al­maty qalasy aýmaqtyq saılaý komıssııalarynyń basshylary óńirlerde oqytýdy uıymdastyrý men ótkizý tájirıbelerimen bó­listi.

Al «2019 jylǵy 9 maýsymǵa taǵaıyndalǵan Qazaqstan Res­pýb­lıkasy Prezıdentiniń kezekten tys saılaýynda jekelegen saılaý ýchaskelerinde daýys berýdiń ózge kestesin aıqyndaý týraly» máselede beınekonferensııa arqyly aýmaqtyq saılaý komıssııalary keıbir saılaý ýchaskelerinde daýys berý ýaqytyn tańǵy saǵat 6.00-den bas­tap belgileý týraly zańnamaǵa sáıkes qabyldanǵan sheshimder týraly baıandady. Máselen, áskerı bólimderde, demalys úı­lerinde, sanatorıılerde, tu­raqty emdeý-profılaktıkalyq meke­melerde, tergeý ızolıator­lary men ýaqytsha ustaý ızolıatorlarynda qurylǵan saılaý ýchaskelerinde eger tizimge engizilgen saılaýshylardyń bári daýys berse, ýchaskelik saılaý komıs­sııasy daýys berýdi kez kel­gen ýaqytta aıaqtaldy dep jarııalaı alady.

Otyrystaǵy úshinshi, ıaǵnı «2019 jylǵy 9 maýsymǵa taǵaıyn­dalǵan Qazaqstan Respýblıkasy prezıden­tiniń kezekten tys saı­laýyna halyqaralyq uıym baıqaýshysyn akkredıtteýdiń kúshin joıý» týraly baıandaǵan OSK múshesi Záýresh Baımoldına Syrtqy ister mınıstrliginiń 2019 jylǵy 23 mamyrdaǵy №14-3/1918 usynymynyń negi­zinde Túrki tildes memleket­ter yntymaqtastyq keńesiniń baı­qaýshysy Djeıhýn Shahver­dıevti akkredıtteýdiń kúshin joıý jáne kýáligin keri qaıtaryp alý týraly másele qoıylǵanyn aıtty. Osyǵan oraı «2019 jylǵy 9 maýsymǵa taǵaıyndalǵan Qa­zaq­stan Respýblıkasy Prezı­dentiniń kezekten tys saılaýy­na halyqaralyq uıymdardyń baıqaýshylaryn akkredıtteý týraly» Ortalyq saılaý komıssııasynyń 2019 jylǵy 21 mamyrdaǵy № 35/270 qaý­lysyna tıisti ózgeris engizilgen. Atap aıt­qanda, osy qaýlymen be­kitilgen, ıaǵnı 2019 jylǵy 9 maý­­­symǵa taǵa­ıyndalǵan Qazaq­stan Res­pýb­lıkasy Prezı­dentiniń kezekten tys saılaýyna Ortalyq saılaý komıssııasynyń janynda akkredıttelgen halyqaralyq uıymdar baıqaýshylarynyń tizimindegi «3. Túrki tildes mem­leketterdiń yntymaqtastyq ke­­ńe­si» bóliminde kórsetilgen ret­tik nómiri 41 «5. Jeyhun Shahverdiyev» degen jol alynyp tas­­talǵan.

Odan ári Záýresh Hamıtqyzy «2019 jylǵy 9 maýsymǵa ta­ǵaıyndalǵan Qazaqstan Respýb­lı­kasy prezıdentiniń kezekten tys saılaýyna halyqaralyq uıymdar men shet memleketterdiń baıqaýshylaryn akkredıtteý týraly» aıta kelip, búginde Syrtqy ister mınıstrliginen birqatar mıssııalardyń baıqaýshylaryn akkredıtteýge usynystar túske­nin de atap ótti. Máselen, 23 já­ne 30 mamyrda Syrtqy ister mı­nıstrliginen túsken usy­nys­tarda 323 baıqaýshy – Tá­ýelsiz Memleketter Dos­tas­­tyǵy Baıqaýshylar mıssııa­sy­nyń quramynan, 15 baı­qaýshy – Táýelsiz Memle­ket­ter Dostastyǵyna qatysý­shy mem­leketterdiń Parlamen­ta­ralyq Assambleıasynan, 263 baı­qaýshy – Eýropadaǵy qaýipsizdik jáne yntymaqtastyq uıymynyń Demokratııalyq ınstıtýttar men adam quqyq­tary bıýrosy mıssııa­sy qura­mynan, 18 baıqaýshy – Ujym­dyq qaýipsizdik týraly shart uıymynyń Parlamenttik Assam­bleıasynan, 9 baıqaýshy – Túr­ki tildes memleketter ynty­maq­­tas­tyǵy keńesinen jáne 1 baı­qaýshy Shanhaı yntymaq­tas­tyq uıymy baıqaýshylar mıs­sııasynyń quramynan bolǵan.

Sonymen qatar 31 shet mem­leketten 91 baıqaýshy usyny­lyp otyr, olardyń qatarynda Úndistan, Indonezııa, Qyr­ǵyz­­­stan, Rýmynııa, Tájikstan, Tú­rikmenstan jáne О́zbeks­tan­­­­nyń ortalyq saılaý organ­da­rynyń ókilderi bar, dedi Z.Baı­moldına. Osylaısha b­úginde akkredıtteý­ge bar­­lyǵy 720 baıqaýshy en­gizil­gen. Shet memleketter men ha­­­lyqaralyq uıymdardyń baı­qaý­shylaryn akkredıtteýdi Ortsaılaýkom 2019 jylǵy 3 maý­sym kúngi saǵat 18.00-ge deıin júzege asy­rady. Jalpy ha­lyq­aralyq uıymdar men shet memleketterden tirkelgen baıqaýshylar sany 31 mamyrǵa 967 adamdy quraǵan kórinedi. Atalǵan otyrysqa saıası partııa­lar men EQYU/DIAQB jáne TMD mıssııalarynyń ókilderi qaty­syp otyrdy.

Sońǵy jańalyqtar

ShQO-da turǵyndar evakýasııalandy

Aımaqtar • 09 Sáýir, 2021

Tasqyn qaýpi áýeden zertteldi

Aımaqtar • 09 Sáýir, 2021

Almatyda taý baýraıy otqa orandy

Aımaqtar • 09 Sáýir, 2021

Qazaqstandyq vaksına qashan daıyn bolady?

Qazaqstan • 09 Sáýir, 2021

Almatyda karantın kúsheıtile me?

Koronavırýs • 09 Sáýir, 2021

Uqsas jańalyqtar