Aımaqtar • 03 Maýsym, 2019

Shymkenttegi kəsipker balalar tapqan tabystaryn qaıyrymdylyqqa jumsaıdy

690 ret kórsetildi

Shymkentte 1 maýsym - halyqaralyq balalardy qorǵaý kúni merekesi aıasynda balalar jármeńkesi ótti. Atalǵan jərmeńke «Shymkent» áleýmettik-kásipkerlik korporasııasynyń qoldaýymen qalada ekinshi ret uıymdastyryldy. Arbattaǵy sharada 6 men 14 jasqa deıingi 90 kəsipker bala tapqan tabystarynyń 10 paıyzyn qaıyrymdylyqqa jumsamaq.

«Shymkent» ÁKK basqarmasynyń basshysy Rashıd Aıýpov balalardy merekemen quttyqtap, olardyń belsendilik tanytqan ata-anasyna alǵys bildirdi. Jármeńkeni aralap, balalardyń eńbegimen tanysqan ol jasóspirimderdiń ózderi jasaǵan qolóner buıymdaryn satyp aldy.

«О́tken jármeńkege qatysqan 70 balanyń sany bul joly 90-ǵa artty. Biz aldaǵy ýaqytta balalardyń jumysyn saralap, birneshe baǵytty damytýǵa basymdyq beremiz», - dedi R.Aıýpov.

Aıta keteıik, mundaı jármeńkeler álemniń 100-den astam elinde ótkiziledi. Jármeńkege qatysý barysynda balalar kóshbasshylyq, sheshim qabyldaý, qarym-qatynas daǵdylary men jaýapkershilik sııaqty qasıetterdi meńgeredi.

Daıyndyq barysynda balalar «Shymkent business school Y17» bıznes-mektebinde trenıngten ótti.

Saýdadan túsken qarjynyń 10 paıyzy nashar estıtin balalarǵa arnalǵan mektep-ınternatta robototehnıka kabınetin jabdyqtaý jónindegi jobany qarjylandyrýǵa jumsalady.

Sońǵy jańalyqtar

Uqsas jańalyqtar