Aımaqtar • 06 Maýsym, 2019

Uly dala hıkaıalary

713 ret kórsetildi

Elbasy Nursultan Nazarbaevtyń «Uly dalanyń jeti qyry» atty maqalasynda aıtylǵandaı, ulttyq qundylyqtar men rýhanı baılyq ult biregeıliginiń negizine aınalýy tıis. Kóne Taraz shaharynda zamanaýı óner týyndylaryn jurtshylyqqa nasıhattaý maqsatynda tuńǵysh ret «Uly dala hıkaıalary» atty sýret kórmesi ashyldy.

Kórmege qoıylǵan halqymyzdyń baı tarıhynan syr shertetin týyndylardy tamashalaý maqsatynda tarazdyq turǵyndar Jambyl oblystyq qazaq drama teatryna qaraı aǵyldy. Munda músin, keskindeme, grafıkalarmen qatar, ınstallıasııa, obekt, performans, vıdeo jáne medıa-art baǵyttary da qamtylǵan. «Uly dala hıkaıalary» atty sýret kórmesine Jambyl oblysy ákiminiń orynbasary Sulýshash Qurmanbekova arnaıy baryp, kórme jumysymen tanysty.

Taraz tórinde uıymdastyrylǵan kórme barysynda kórermenderge Almagúl Meńlibaeva, Sáýle Súleımenova, Rashıd Núrekeev jáne Ashat Ahmedrov syndy 10-nan astam tanymal sýretshilerdiń týyndylary tanystyryldy. Al, atalǵan kórmeniń halyqaralyq jetekshisi Lıza Ahmadıdiń aıtýynsha, bul týyndylar álemniń 20-dan astam elderinen joǵary baǵasyn alǵan. Sýretshilerdiń shyǵarmalarynda kóshpendilerdiń salt-dástúri, jalpy dala mádenıeti qamtylǵan. Al, osynaý ulttyq qundylyqtardy óner tilinde sóıletý úshin osy saladaǵy búkil álemniń eń ozyq jáne meılinshe sheberlik úlgilerin qoldanýǵa barlyq múmkindikter jasalǵan. Sonymen qatar, kórme jetekshisi kórermen nazaryna usynylǵan týyndylar ulttyq bolmysymyzdy aıshyqtap, óner jáne mádenıet, tabıǵat tamashalary sııaqty qundylyqtardy sýretteıtindigin aıtady. Munda Elbasynyń «Uly dalanyń jeti qyry» maqalasynda aıtylǵan «Atqa miný mádenıeti», «Uly daladaǵy ejelgi metallýrgııa», «Altyn adam», «Túrki áleminiń besigi», «Uly Jibek joly», «Qazaqstan – alma men qyzǵaldaqtyń otany» taraýlaryndaǵy el tarıhynda aıryqsha oryn alatyn dúnıelerge qatysty týyndylar da kórme tórinen oryn aldy.

Taraz turǵyndary aldaǵy bir aı boıy Jambyl oblystyq qazaq drama teatryna baryp, kórmeni tegin tamashalaı alady. Budan keıin kóshpeli kórme kerýeni Syr boıyna, ıaǵnı Qyzylorda qalasyna qaraı jol tartatyn bolady.

Sońǵy jańalyqtar

Suıytylǵan gaz baǵasy óspeıdi

Qoǵam • 01 Shilde, 2022

Uqsas jańalyqtar