Aımaqtar • 02 Shilde, 2019

17 sektorda qyzý jumys bastaldy

217 ret kórsetildi

Arystaǵy jarylystan zardap shekken úıler men áleýmettik nysandardy qalpyna keltirý jumystary bastalyp ketti.

О́tken aptada Indýstrııa jáne ınfra­qurylymdyq damý mınıstr­ligi­niń Qurylys jáne turǵyn úı-kommýnaldyq sharýashylyq isteri komıtetiniń birinshi vıse-mınıstri Qaıyrbek О́skenbaev bastaǵan ju­mys toby 17 sektor boıynsha teh­nı­kalyq tekserý júrgizip, Arys qalasynda úılerdiń, ǵımarattar men qurylystardyń zaqymdaný dárejesin qaǵazǵa túsirgen bolatyn. Arnaıy komıssııa qaladaǵy barlyq úılerdiń 85 paıyzy jóndeýdi talap etetinin anyqtady. Osylaısha, 752 jumysshynyń qatysýymen 80-nen astam qurylys kompanııa­sy shildeniń shilińgir ystyǵyna qaramaı, jumysty bastap ketti.

Búgingi tańda shahardaǵy búlingen 247 jeke úı jóndelip jatyr. 17 sektor boıynsha alǵash bolyp Jambyl, Qaraǵandy oblysynyń qurylysshylar toby jumysqa qyzý kiristi. Aldaǵy maqsat – bir aı ishinde oırany shyqqan ortany retke keltirip, turǵyndardy birjolata qonystandyrý. Arystyń tamyryna qaıta qan júgirtý.

Osy maqsatty júıeli júzege asyrý úshin keshe Túrkistan oblysy­nyń ákimi О́mirzaq Shókeev­tiń qaty­sýymen Arys qalasynda aptalyq apparat májilisi ótti.

«Halyqtyń muń-muqtajyn jedel sheshýimiz kerek», dep sóz bas­taǵan О́mirzaq Estaıuly qysqa mer­zimde qalany qalpyna keltirý, tur­ǵyndarǵa jaǵdaı jasaý baǵy­tyn­daǵy barlyq máseleni talqylady. Ári osy jaýapty mindetti otanshyl­dyqpen, janashyrlyqpen atqarý kerektigin aıtty.

«Arysta 1 aı bolyp, qurylysty kúnde basynda turyp qadaǵalaımyn. Eger qaı aýdan uıymdastyra almasa, jaýaptysyn jumystan bosatamyn. Al jaýapty oblystar men qala­lar salǵyrttyq tanytsa, Úkimet bas­shy­syna málimdeımin. Halyqtyń muq­tajyn jedel sheshýimiz kerek», dedi ákim 17 sektordyń jumysyn jandandyrý jóninde tapsyrma berip.

Árbir sektordyń jumysyn óńir ákimderiniń jáne aýdan, qala ákim­deriniń orynbasarlary jáne Arys qalasynan bir jaýapty ókil, jalpy sany 51 adam úılestiredi. Jeke-jeke shtab quryp, úılerdiń quryly­sy, gýmanıtarlyq kómek taratý, qaýipsizdikti saqtaý, qalany tazartý, turǵyndardy aqparattandyrý jáne ózge de máseleler boıynsha kún sa­ıyn málimet berip otyrady.

Apparat májilisinde Atyraý, Qaraǵandy, Jambyl, Mańǵystaý, ShQO oblystary jáne Nur-Sultan qalasy ákiminiń orynbasarlary men jaýap­ty ókilderiniń málimetteri tyń­daldy. «Samuryq-Qazyna» ál-aýqat qory men «Atameken» ulttyq kásip­­kerler palatasynyń jaýapty ókil­deri de ózderine tapsyrylǵan jumys­tardyń barysyn baıandady. Aýdan ákiminiń orynbasarlary da esep berdi.

Búginde Arys qalasyndaǵy úı­lerdi tekserý, qurylys nysan­dary­nyń jobalyq-smetalyq qunyn esepteý jumystary júrgizilip jatyr. Keıbir úılerdiń terezeleri aýys­tyryla bastaǵan. Barlyq sektor boıynsha úılerdi tekserý, akt toltyrý jumystary aıaqtalýǵa jaqyn. Merdigerler anyqtalyp, qurylys brıgadalary jasaqtalǵan.

Oblys ákimi О́mirzaq Shókeev qaladaǵy kópqabatty úılerdiń shatyrlary, syrtqy kórinisi jınaqy ári birkelki bolýy kerektigin es­kertti. Azyq-túlik úlestirý jáne ózge de jumystardy uıymdastyrýǵa jer­­gi­likti belsendi turǵyndardy tar­tý­dy tapsyrdy. Sonymen birge qa­l­a­ny aýyz sýmen, elektr qýaty­men úzdiksiz qamtý, balalardy demalys oryndaryna jiberý, órt qaýip­sizdigin saqtaý, ataýly áleýmettik kómekterdi ýaqtyly aýdarý máse­leleri de talqylanyp, naqty jos­par­lar jasaldy.

Arystaǵy qury­lys jumys­tary­nyń bastalýyna oraı qajetti materıal­dardyń baǵasy óse basta­ǵany baıqalady. Atalǵan jaǵ­daı­­dyń aldyn alý úshin oblys ákimi­niń orynbasary Meıirjan Myr­zalıevtiń tóraǵalyǵymen baǵa­ny ustap turý úshin kásipkerler men bazar basshylarynyń basyn qosqan jıyn ótti. Nátıjesinde ekijaqty memorandýmǵa qol qoıyldy.

Búgingi tańda Túrkistan obly­syn­da qurylys materıaldaryn ón­diretin 40-tan asa kásiporyn ju­mys isteıdi. Atalǵan kásiporyn­dar negizinen temir-beton buıym­da­ryn, ınertti materıaldardy, bı­tým, ák jáne sement óndiredi. Qury­lys materıaldarynyń 36 pozısııa­sy boıynsha taldaý júrgizildi. Olar negizinen ınertti materıaldar, temir-beton buıymdar, sement, armatýra, burysh, shveller, arqa­lyq­tar. Materıaldardyń 15 pozı­sııasyn, ınertti materıaldardy, kúı­­dirilgen kirpishterdi, taýarlyq be­ton­dy, bıtým, sement, elektr ka­be­lin, modýldik qazandardy neme­se qazandyqtardy jáne jıhaz­dy Túr­ki­stan oblysynyń kásip­oryn­dary 100 paıyz qamtamasyz ete alady.

«Qazaqstan Respýblıkasy­nyń Tuńǵysh Prezıdenti – Elbasy N.Á.Nazarbaevtyń Túrkistandy túrki áleminiń rýhanı ortalyǵyna aınaldyrý jónindegi tapsyrmasyna oraı qazirgi tańda oblys kóleminde jumys júrgizilip jatqany jurtshy­lyq­qa aıan. Osy atalǵan tapsyrmany oryndaý úshin Túrkistan oblysy ákim­digi kásipkerlermen kezdesip otyr», dedi M.Myrzalıev.

Kezdesý nátıjesinde, oblys­ta­ǵy qurylys materıaldaryn shy­ǵa­ratyn kásiporyn basshylary baǵany kótermeýge ýáde etti. Qurylys kom­pa­nııa­­lary óz kezeginde, jergi­likti qam­­­­týdyń úlesin arttyrý úshin qu­ry­­­­lysqa jergilikti qurylys mate­rıal­­daryn shyǵaratyn kásip­oryn­dar­dyń ónimderin paıdalanatynyn jetkizdi.

 


Arys – Túrkistan

 

Sońǵy jańalyqtar

Indet qaıta órshidi

Álem • Keshe

О́ńirde damý úrdisi bar

Aımaqtar • Keshe

Tańdaıdyń tarlany

Tarıh • Keshe

Joǵalǵan soldat

Tarıh • Keshe

Dombyrany dáriptedi

Rýhanııat • Keshe

Almatyda 36 gradýs ystyq bolady

Aýa raıy • Keshe

Búgin - Ulttyq dombyra kúni

Qazaqstan • Keshe

Uqsas jańalyqtar