Aımaqtar • 11 Shilde, 2019

Úkimet basshysy Arysty qalpyna keltirý jumystaryn apta saıyn tekserip turady

241 ret kórsetildi

Úkimet basshysy Asqar Mamın Túrkistan oblysyna sapary barysynda Arys qalasynda oryn alǵan tótenshe jaǵdaıdan keıingi qalpyna keltirý jumystarymen tanysty. 17 sektordy aralap, jóndelip jatqan úıler men áleýmettik nysandardyń qurylysyn tekserdi. Arysqa osymen ekinshi márte kelgen Premer-Mınıstr shahardaǵy «Kóktem-1», «Kóktem-2» yqsham aýdandaryndaǵy turǵyn úılerdiń, bilim berý, densaýlyq saqtaý mekemeleri men temir jol vokzaly ǵımarattarynyń qurylys qarqynyn kórdi. Aıta keterligi, búginge deıin Arysta 551 nysan qalpyna keltirilgen.

Áýeli Arys qalalyq ortalyq aýrýhanasyndaǵy qurylys alańyna barǵan Asqar Uzaqbaıulyna densaýlyq saqtaý mınıstri Eljan Birtanov emdeý mekemesiniń búgingi jaǵdaıy týraly aıtyp berdi.

Sala mınıstri «Arystaǵy aýrýhanada jóndeý jumystary júrip jatqandyqtan naýqastar ýaqytsha emhanaǵa emdelýde, bir aı ishinde mundaǵy jaǵdaı tolyqtaı retke keltiriledi», dep sendirdi. Qazirgi ýaqytta aýrýhanaǵa «Samuryq-Qazyna» AQ men «Qazoılservıs» JShS qarajaty esebinen qalpyna keltirý jáne jóndeý jumystary júrgizilýde.

«Arys qalalyq ortalyq aýrýhanasyndaǵy medısınalyq qondyrǵylardy jańartý 1 tamyzǵa deıin júzege asatyn bolady. Bul máselege qajetti qarajat bólindi. Jarylys kezinde zaqym kelgen medısınalyq qural-jabdyqtar tolyqtaı jańartylyp, olardy satyp alý jaǵy sheshiledi», dedi Eljan Birtanov.

Sapar barysynda Úkimet basshysy Jambyl oblysynyń shtabyna berilgen turǵyn sektorynda bolyp, halyqpen kezdesti. Túrkistan oblysynyń ákimi О́mirzaq Shókeev pen QR Qorǵanys mınıstri Nurlan Ermekbaev halyqqa qalanyń áskerı snarıad qaldyqtarynan túgel tazartylatynyn aıtty. Sektor turǵyndary jambyldyqtardyń jóndeý jumystaryn jaqsy uıymdastyryp jatqanyn tilge tıek etip, memleket qamqorlyǵyna alǵys bildirdi.

Arystyq turǵyndarmen kezdesip, halyqtyń muń-muqtajyn tyńdaǵan Asqar Mamın: «Kórip otyrsyzdar, bir aıdyń ishinde barlyq jumys bitedi degen senim bar. Apta saıyn kelip, jóndeý jumystaryn tekserip turamyz», dedi.

Sondaı-aq, Úkimet basshysy Halyqqa qyzmet kórsetý ortalyǵyna bolyp, turǵyndarǵa 100 myń teńgeden ótemaqy tóleý boıynsha júrgizilip jatqan jumystarmen tanysty.  

Apattan zaqym kelgen nysandardy aralaý qorytyndysy boıynsha Premer-Mınıstr oblystyq shtabta Arys qalasyn qalpyna keltirý máseleleri jóninde keńes ótkizdi.

О́z kezeginde oblys ákimi О́mirzaq Shókeev qala turǵyndaryna áleýmettik kómek kórsetý aıasynda 650 az qamtylǵan jáne kóp balaly otbasylarǵa ataýly áleýmettik kómek taǵaıyndalyp, tólem júrgizilgenin aıtyp ótti.

Qorǵanys, eńbek jáne halyqty áleýmettik qorǵaý, densaýlyq saqtaý, ındýstrııa jáne ınfraqurylymdyq damý, ishki ister, sıfrlyq damý, ınnovasııalar jáne aeroǵarysh ónerkásibi mınıstrlikteriniń basshylary áleýmettik qoldaý sharalary, medısınalyq qyzmetter kórsetý, turǵyn úılerdi qalpyna keltirý boıynsha júrgizilip jatqan jumystar týraly baıandady.

Arystaǵy ózderine tıesili sektorlar boıynsha Almaty oblysynyń ákimi A. Batalov, Aqmola oblysynyń ákimi E.Marjyqpaev, Aqtóbe oblysynyń ákimi  O.Orazalın, Atyraý oblysynyń ákimi N.Noǵaev, Shyǵys Qazaqstan oblysynyń ákimi D.Ahmetov, Shymkent qalasynyń ákimi Ǵ.Ábdirahymov qurylys jumystarynyń qarqyny týraly qysqasha esep berdi.

Búginde 676 turǵyn úıge jóndeý jumystary aıaqtalǵan. Qazirgi kezde barlyq sektorlar jumystarmen qamtylǵan, 3 040 jeke turǵyn úı qurylysy men kópqabatty turǵyn úıler nysandarynda qalpyna keltirý jumystary júrgizilýde, 190 qurylys kompanııasy, 5 myńǵa jýyq qurylysshylar men 207 arnaıy tehnıka jumyldyrylǵan. Áleýmettik ınfraqurylym boıynsha jumystar 66 densaýlyq saqtaý, bilim berý, sport nysandarynda júrgizilip jatyr.

Keńesti qorytyndylaǵan QR Premer-Mınıstri Asqar Mamın qalany qalpyna keltirý jumystaryna elimizdiń barlyq óńirleri, ulttyq kompanııalar, iri bıznes ókilderi belsendi qatysyp jatqanyn aıtty.

«Arys qalasyn qalpyna keltirý boıynsha barlyq negizgi jumystar 1 tamyzǵa deıin aıaqtalýy tıis», dedi Asqar Mamın.

Úkimet basshysy sala jaýaptylaryna Arystaǵy aıtyp kelmegen apat saldarynan qıraǵan bıznes nysandaryn, kólik jáne ınjenerlik ınfraqurylymdy ýaqytyly qalpyna keltirý jumystaryn kúsheıtýdi tapsyrdy. Ári, medısınalyq qamtamasyz etý boıynsha keshendi sharalar qabyldap, bilim berý mekemelerin jańa oqý jylynyń bastalýyna saqadaı-saı etýdi mindettedi.

Arys




Sońǵy jańalyqtar

Indet qaıta órshidi

Álem • Keshe

О́ńirde damý úrdisi bar

Aımaqtar • Keshe

Tańdaıdyń tarlany

Tarıh • Keshe

Joǵalǵan soldat

Tarıh • Keshe

Dombyrany dáriptedi

Rýhanııat • Keshe

Almatyda 36 gradýs ystyq bolady

Aýa raıy • Keshe

Búgin - Ulttyq dombyra kúni

Qazaqstan • Keshe

Uqsas jańalyqtar